Ljósmæðrablaðið - 01.01.1986, Page 50

46
LJÓSMÆÐRABLAÐIÐ
Sigurður útskrifaði okkur úr Ljósmæðraskóla íslands með góðum
óskum um farsæl störf um ókomna framtíð. Og stoltar gengum við
nýútskrifaðar Ijósmæður út í lífíð með góðar minningar um skólaárin
og Sigurður á þar stærstan hlut.
Forlögin höguðu því þannig til, að þótt við hefðum yfirgefið
skólann, unnum við á fæðingardeildinni með Sigurði. Við tókum
einnig að okkur störf í þágu Ljósmæðrafélags íslands og því þurftum
við oft að leita til Sigurðar vegna málefna ljósmæðra, Ljósmæðra-
félags íslands og Ljósmæðraskóla íslands.
Alltaf var Sigurður boðinn og búinn að aðstoða okkur á allan hátt
og ekki voru fáar ferðirnar og fundirnir til ýmissa ráðamanna um mál-
efni ljósmæðra.
Við þökkum Sigurði fyrir vináttu og gott samstarf og ómetanlega
aðstoð á Iiðnum árum.
Hugheilar samúðarkveðjur flytjum við Audrey eiginkonu hans,
börnum, tengdasonum og barnabörnum. Megi minningin um góðan
og mikilhæfan mann lifa með okkur öllum.
Anna G. Ástþórsdóítir
Guðrún B. Sigurbjörnsdóttir