Almanak Hins íslenska þjóðvinafélags - 01.01.1892, Síða 76

— f>ökk sje þeim sem bíður, sagði smiðurinn, og af því
honum sýndist að Maren gæti búizt við því, að hann segði eitt-
hvað ofurlítið meira, þá bætti hann við:
— það hefur ekki komið sjer notalega að Kristiana skyldi
þurfa að fara að deyja einmitt núna.
— Ónei, sagði Maren og dró dálitið seiminn — en þetta
hefur verið drottins vilji.
— Og hann verðum við að gjöra okkur að góðu, sagði
smiðurinn.
Svo stóðu þau stundarkorn hvort hjá öðru, steinþegjandi.
— Já, vertu sæll.
— Vertu sæl Maren.
Og svo fór Maren heim til svínasteikurinnar.
S. B.
Svertinginn.
Erkibiskupinn í Miinchen á þýzkalandi skírði 26. d. desm.
t'. á. ungan svertingja frá Suður-Afríku í viðurvist margra stór-
menna. Honum var gefið nafnið Hassí. Æfisaga hanserstutt,
en lýsir þá allvel kjörurn þeim, sem þrælar þeir eiga við að búa,
sem Arabar ræna þar syðra og selja mansali.
þegar hann var 3 ára gamall, rændu Arabar hjerað það,
sem hann var fæddur í. Tóku þeir hann og foreldra hans, ráku
þau til strandar og seldu þau svo sitt í hveija áttina. Pilturinn
óx upp og var settur til þess að gæta geita, en eigi leið á löngu
þar til annar Arabaflokkur kom þangað, stal bæði geitahópnum
og hjarðsveininum og seldu aptur. Nýi eigandi sveinsins ljet
hann gæta úlfalda um nokkra hríð, en seldi hann síðan á mark-
aði til Arabahöfðingja eins, en hann ljet hann aptur í skiptum
fyrir annan þræl.
þessi nýi eigandi hans var ákaflega grimmur og ljet berja
hann með svipum fyrir hvert litilræði. Einu sinni var hann
laminn með ólum svo miskunnarlaust, að hann þóttist ekki mega
af bera slíkar kvalir. Greip hann þá spjót til þess að forða iífi
sínu og rak böðulinn í gegn, svo hann fjell dauður niður. Hann
vissi hvaða kvalir mundu liggja fyrir sjer, ef hann næðist, lagði
því á flótta og hjelt áfram nótt og dag unz hann fjell í hendur
annara arabiskra stigamanna. Tóku þeir hann og seldu ásamt
130 öðrum svertingjum, er þeir höfðu rænt, til þrælakaupmanns
eins, er hafði skip i förum og flutti á því svertingja, er seldir
voru mansali. Var skip hans þá fullhlaðið af rændum svert-
ingjum. Enskt herskip veitti þrælasöluskipinu eptirför; náðu þeir
skipinu og hnepptu þrælakaupmanninn í varðhald en gáfu öllum
svertingjunum frelsi og leyfðu þeim að fara hvert, er þeir vildu.
Hassí lenti hjá kristnum trúarboðendum, þeir íundu strax að
hann hafði góða greind og kenndu honum kristin fræði og ýmsar
menntir. Hann var næmur, skilningsgóður og ástundunarsamur
við nám sitt og talar nú vel þýzka tungu.
M