Almanak Hins íslenska þjóðvinafélags - 01.01.1948, Blaðsíða 132
Bréf og ritgerðir Stephans G. Stephanssonar.
Nýlega er komið út III. bindi þessa merka ritsafns,
búið til prentunar af Þorkeli Jóhannessyni prófessor.
Er þar með lokið prentun bréfasafnsins. IV. og siðasta
bindið, ritgerðasafnið, kemur út á næsta ári. — I.
bindið, sem hefur verið ófáanlegt um skeið, hefur nú
verið ljósprentað. — Öll bindin fást i vönduðu sam-
stæðu skinnbandi og kosta kr. 150.00. — IV. bindi verð-
ur einnig fáanlegt i sams konar bandi. — 12 siður á
myndapappír, með myndum af skáldinu og fleiru, hafa
nú verið prentaðar, og fylgja riiinu.
Allir, sem eiga kvæði Stephans G., þurfa að eignast
þetta merka bréfa- og ritgerðasafn.
Prófessor Sigurður Nordal kemst svo að orði um
bréfin i formála sinum að útgáfu úrvalsins af kvæðum
Stephans (Andvökur, úrval, 1939):
„Hið íslenzka þjóðvinafélag hóf í fyrra (1938) út-
gáfu bréfa og ritgerða Stephans G. Stephanssonar. Það
verður seint fullþakkað dr. Rögnvaldi Péturssyni, að
hann skuli hafa safnað þessum bréfum, áður en meira
eða minna af þeim fór forgörðum, og búið þau til
prentunar, og Þjóðvinafélaginu, að það skuli hafa ráð-
izt í að gefa þau svo myndarlega út . . . ég hef getað
gengið úr skugga um, hve geysimerkileg heimild bréfin
yfirleitt eru um Stephan og kvæði hans. Ég vil því ekki
láta þetta tækifæri ónotað til þess að hvetja alla, sem
Andvökum unna, til þess að ná í þessi bréf til lestrar.
Þau eru allt í senn einlæg og hispurslaus, efnismikil og
spakleg. Það hefur enn verið of lítið gert til þess að
vekja athygli almennings á þessari útgáfu, sem hiklaust
má telja til stórviðburða í íslenzkum bókmenntum."