Almanak Hins íslenska þjóðvinafélags - 01.01.1970, Blaðsíða 135

mælitæki lenda á yfirborði reikistjömunnar. Við þannig til-
raun er afar mikilvægt að dauðhreinsa alla hluti utan og innan,
áður en geimflaugin er send frá jörðinni. Ýmislegt bendir til
þess, að á Mars ríki afar hvassir vindar og sandstormar, sem
myndu geta dreift lífverum eins og gerlum víðs vegar um reiki-
stjörnuna. Slíkt óhapp gæti eyðilagt með öllu möguleikana á
því að fá fulla vissu um upprunalegt líf á Mars.
Ég hef sérstaklega nefnt Mars í þessu sambandi, fremur en
aðrar reikistjömur, vegna þess að skilyrðin virðast þar að
flestu leyti lífvænlegust. Líf á öðrum reikistjömum sólkerfis-
ins er þó engan veginn útilokað, og geimvísindin verða því að
kanna það mál. Á komandi árum munu þau væntanlega færa
okkur heim sanninn í þessu efni.
Líf á reikistjörnum í fjarlægum sólkerfum er annað og
erfiðara viðfangsefni. Ekki vegna þess að menn efist um, að
líf sé þar að finna, heldur vegna þess, hve erfitt er að staðfesta
það. Af öllum lífverum ættu vitsmunaverur að vera mest á-
berandi frá okkar sjónarhóli. Skyldu þá vera nokkrar líkur á
því, að unnt sé að ná sambandi við vitsmunaverur langt úti í
vetrarbrautinni ? Tækniþróun síðustu ára hefur gerbreytt við-
horfi manna til þessarar spurningar, og margir visindamenn
velta henni nú fyrir sér í fyllstu alvöru. Svarið er undir því
komið, í hve mikilli fjarlægð slíkar vitsmunaverur myndu vera,
og hversu langt þær myndu komnar í tæknilegum efnum. Ef
tækniþróað samfélag væri að finna í 10-20 ljósára fjarlægð,
gæti verið réttlætanlegt að reyna að ná sambandi við það með
útvarpsbylgjum. Ef næsta tækniþróaða samfélag væri hins
vegar í þúsund ljósára fjarlægð, og ekki komið lengra áleiðis
en við á tæknisviðinu, væri tímasóun að reyna að ná sambandi
eins og nú standa sakir. Fyrsta spurningin er því sú, hvort
tækniþróað samfélag muni vera algengt fyrirbæri.
Fyrir nokkrum árum gekkst geimvísindaráð bandarisku
vísindaakademíunnar fyrir ráðstefnu um vitsmunalíf á öðrum
hnöttum. Ráðstefnuna sóttu margir kunnir vísindamenn.
(133)