Freyr - 01.09.1947, Blaðsíða 5

263
FRÉÝR
undirbúningi á sýningarstað, við að inn-
rétta flugvélaskýli það ’ið mikla, er leigt
var í þessu skyni og við að koma fyrir
sýningarmunum, teikningum, málverkum,
reisa auka-byggingar, jafna og laga lands-
svæði umhverfis sýningarskála og starfa
að öllum þeim verkefnum, sem ófrávíkj-
anlega þurfti að leysa til þess að gera allt
svo úr garði, sem æskilegt þótti.
En þrátt fyrir dagvinnu, næturvinnu og
helgidagastrit, vai?ð undirbúningi aldrei
lokið, því að verkbann hefti síðustu fram-
kvæmdirnar.
Sýningarsvæðið varð eigi jafnað og slétt-
að, svo sem til var ætlazt og margt var
þar á ringulreið í þeim mæli, að hlutað-
eigendum, sem séð hafa sýningar af svip-
uðu tagi á meðal annarra þjóða, fannst
mjög til um, að eigi varð bót á ráðin.
Á annmarka þennan bættist svo, að
á meðan sýningunni stóð voru veður með
afbrigðum óhagstæð. Annar meginþáttur
sýningarinnar, búfjársýningin, fór í handa-
skolum sökum illviðra. Skepnurnar veikt-
ust, er þær höfðu dvalið skamma stund
á sýningarstáð, og þær varð að flytja
burt fyrr en annars mundi verið hafa, ef
veður hefðu reynzt hagstæð.
Sjálft sýningarsvæðið var hæfilega langt
frá höfuðstað landsins, við flugvöllinn í
Reykjavík, og aðalhúsakynni sýningarinn-
ar voru ákjósanleg til innréttingar, þar
sem til þess var leigt flugvélaskýli 80 m
að lengd og 30 m að breidd.
Til viðbótar húsakosti þessum lét Sam-
band íslenzkra samvinnufélaga reisa skála
yfir eigin sýningarmuni, og svo var reist
kvikmyndaskemma, veitingaskálar og skýli
fyrir búféð.
Sem á er minnst var sýningin opnuð 28.
júní. Stóð hún í 18 daga, eða til 15. júlí.
og var sótt af rúmlega 60 þúsund manns.
Var fjöldi sýningargesta nokkuð meiri
en hinir bjartsýnustu menn, sem að fram-
kvæmdum stóðu, nokkurntíma höfðu á-
ætlað.