Freyr - 01.03.1950, Blaðsíða 29

FREYR
79
frammistöðu sýslunefndar og ég efast ekki um
að Skagfirðingar — bændur og húsfreyjur —
ungir og aldnir, muni á komandi árum leggja
þar hug og hönd að verki, í þágu þeirra menn-
ingarstarfa, sem hér er efnt til í miðju héraði.
Framsækin og djarfhuga ung kynslóð á víð-
ari sjónarmið og háleitari um menningarmál
héraðsins en þau, sem lágkúruháttur sýslu-
nefndarinnar vottar.
★
Skólinn á Löngumýri er nú í fullum gangi.
Þar er auðvitað margt ógert ennþá, en það
verður lagað, sem nú er ábótavant.
Þangað þarf að leggja hitaleiðslu frá Varma-
hlíð, undir Húseyjarkvíslina og mýrarnar. Hall-
inn er nægilegur frá heitu uppsprettunum í
Varmahlíð. Vegalengdin ekki tilfinnanleg.
Löngumýri liggur hæfilega langt frá kross-
götum til þess, að átroðningur verður þar
naumast af vegfarendum eins og vera mundi
ef skólinn væri í Varmahlíð. Það er nú einu
sinni svo, að starfsemi skóla getur truflast al-
varlega ef allt of auðvelt er að komast þangað
og þaðan. Minnist ég þess í því sambandi, að
fyrir mörgum árum dvaldi ég við skóla erlend-
is. Það var í skólabæ. Óskaði skólastjórinn þess
oft, að skóli hans væri kominn út á ey, sem lá
um tvo km undan landi, til þess að vera laus
við gestarellu og til þess að geta haft hemil á
ferðum nemenda.
Á Löngumýri er rúm fyrir um 40 nemendur
og er skólinn nú fullskipaður og mörgum hefir
orðið að vísa frá. Og það skal sagt hér, til þess
að undirstrika hug almennings í Skagafirði til
þessa skóla — að stór hópur skagfirzkra kvenna
sækir þangað. Það er vottorð og viðurkenning
hinnar ungu kynslóðar, trú á þá framtíð, sem
þarna er verið að undirbúa.
Við skólann starfa þrjár kennslukonur auk
skólastjórans og svo er þar léð stundakennsla
frá öðrum hliðum.
Þar að auki hafa verið haldin námsskeið við
skólann og af því hefir farið orðrómur, að
handavinna sú, sem nemendur Löngumýrar-
skólans afkasta á vetri hverjum, sé sýnd al-
menningi við skólaslit, og þyki þar margt vel
unnið og sumt ganga listaverkum næst.
Hitt verður aftur á móti ekki sett á sýningu,
en það mun reynslan og framtíðin leiða í ljós,
að ungu stúlkurnar, sem hlotið hafa menntun
sína á Löngumýri, hafa þar öðlast þroska og
víðsýni, djörfung og stórhug, sem mótar heim-
ili þeirra síðar, ytra og innra, og færir þau í
flestu eða öllu til samræmis við dásemdir hins
víða og fagra Skagafjarðar. G.
Spurningar og svör
Venjulega eru það lesendurnir, sem beina
spurningum til FREYS í því skyni að fræðast
eða fá leyst úr vafaatriðum. 1 þetta sinn skal
venjunni brugðið hér, dæminu snúið við og þess
óskað, að lesendurnir svari eftirfarandi spurn-
ingum.
Svörin þurfa að vera stutt, en skýr og grein-
argóð.
Hér koma svo spurningarnar:
1. Hvers vegna skal ekki mjólka fyrstu bog-
ana úr spenum kúnna í mjólkurfötuna?
2. Hvers vegna er nauðsynlegt og sjálfsagt
að hreyta vandlega eftir mjaltir?
3. Hvort er hagkvæmara að ærnar séu ein-
einlembdar eða tvílembdar? Töluleg dæmi
óskast með svarinu.
4. Hvað er átt við þegar talað er um fram-
leiðslukostnað og reksturskostnað, og
hvaða mismunur er þar í milli?
5. Hvað gerist þegar kartöflur spíra og hví
setja menn þær til spírunar áður en þær
eru lagðar í jörð?
6. Hvað er átt við þegar talað er um hestafl
og hvernig er sú stærð mæld?
7. Plógstrengur er 20 cm á breidd. Hve lang-
ur mundi sá strengur svo að yrði 1 ha að
flatarmáli?
8. Hvað er átt við með „kaldavermsl;“ hver
eru einkenni þess og afleiðingar?
Það skal viðurkennt, að hver spurning fyrir
sig gæti gefið tilefni til heillar ritgerðar, en
hér er gert ráð fyrir að þeim sé svarað í stuttu
máli, en það mætti kalla stutt mál þó að öll
svörin fylltu svo sem 2—3 síður í Frey.
Fyrir beztu svörin verða veittar viðurkenn-
ingar og bezta svarið, við hverri einstakri