Símablaðið - 01.01.1960, Blaðsíða 21

f
KARL
MAGNÚSSON
FÆDDUR 12. SEPT. 19D3
DÁINN 11. DES. 1959
Karl Magnússon
starfsmaður á Radíóverkstæði Landssímans, andaðist 11. des s.l. Varð hann bráð-
kvaddur, — en hafði átt við vanheilsu að stríða undanfarin ár. Gekk hann þó jafnan
að starfi sínu glaður og vongóður, fullur vorkunsemi í garð þeirra heilbrigðu, er sífellt
voru nöldrandi út í tilveruna.
Þótt Karl væri laghentur, var verkstæðisstarfið honum ekki annað en óhjá-
kvæmileg nauðsyn til að afla hins daglega brauðs. — Annað hugðarefni tók hug hans
allann, og þar var hann ekki neinn miðlungsmaður, heldur fullkominn listamaður,
gæddur frábærum hæfileikum. — Þetta hugðarefni var ljósmyndalistin. Til hennar
varði hann öllum frístundum sínum. Starfaði mikið fyrir samtök áhugaljósmyndara
og tók þátt í mörgum ljósmyndasýningum hér á landi og víða erlendis. Vöktu mynd-
ir hans hvarvetna mikla athygli, enda lagði hann sérstaka áherzlu á, að skapa lista-
verk, hvort sem um landslagsmyndir var að ræða, dýramyndir eða svipbrigðamyndir.
Hér í stofnuninni fór ekki mikið fyrinn: það er eins og hann hverfi þeim, sem
ur utan hins fámenna hóps samstarfsmanna. OIli því að sjálfsögðu meðfædd hlé-
drægni hans. Honum var það áskapað, eins og fleirum, af hans manngerð, og sem ör-
lögin hafa sett þar á bekk, er ekki hæfir honum, það er eins og hann hverfi þeim, sem
fram hjá ganga. — En að dagsverki loknu hefur hann ráð á að gefa snilligáfu sinni
lausan tauminn. Og það eru hans sólskinsstundir. Þær átti Karl margar.
Símafólkið þakkar honum þann skerf, sem hann lagði til þessa blaðs.
SÍMAB LAÐIÐ