Freyr - 15.03.1957, Blaðsíða 4

84
FRE YR
Æðarfuglinn er mikil nytjaskepna, ef rétt og vel
er að farið.
hann kemur í varpland, er ekki hægt að
tala um æðarvarp lengur. Hann myrðir
alla hjörðina.
Æðardúnninn er það verðmikil vara, að
það borgar sig ábyggilega að gera eitthvað
fyrir æðarfuglinn, og er því tími til kom-
inn, að honum sé veitt verðug eftirtekt og
hann komi raunverulega inn á sjónarsvið
íslenzkra landbúnaðarmála.
En þá er komið að aðalumræðuefninu, og
það er, hvað hægt er að gera í þessu máli
til hagsbóta fyrir varpeigendur, og frá
mínu sjónarmiði er það ýmislegt, og fyrsta
skrefið í rétta átt er að stofnsetja tilrauna-
stöð eða bú með ræktun æðarfuglsins fyrir
augum, en einhverjum mundi vaxa sá
stofnkostnaður í augum og erfitt yrði að fá
mann með nokkra sérþekkingu á þessum
málum, og yrði það sennilega það erfiðasta,
en ekki er ég í neinum vafa um, að úr því
myndi rætast, enda skömm fyrir íslenzk-
an landbúnað að eiga ekki sérfróðan mann
á því sviði.
En þá er land undir rekstur tilraunabús-
ins. Það gæti að sjálfsögðu orðið erfitt að
fá hentugt varpland, en mér er kunnugt
um, að ríkið á eina beztu hlunnindajörð
landsins og það eru Reykhólar í Reykhóla-
sveit, en æðarvarp jarðarinnar liggur und-
ir Tilraunastöðina þar og skil ég ekki í öðru
en að viðkomandi aðilum yrði það kær-
komið tækifæri að stuðla að hverskonar
ræktun, þótt stöðin sé byggð og rekin fyrst
og fremst sem jarðræktarstöð. Verkefni
slíkrar stöðvar yrði að gera hvers konar til-
raunir með að fjölga fuglinum og þar und-
ir mundi auðvitað heyra, hvaða ráð væru
helzt tiltækileg við eyðing fugla og dýra,
sem ásækja hann mest. Einnig allt, sem
viðkemur varpinu og hirðingu þess. Ég er
viss um, að maður sá, er ynni við tilraunir
þessar, yrði ekki atvinnulaus.
Við, sem búum á jörðum, sem æðarvarp
fylgir, viljum eiga þess kost að geta fengið
haldgóðar upplýsingar um framtíðarrækt-
un æðarfuglsins, en þær fáum við aðeins
með tilraunastarfsemi.
Þetta fer að verða aðkallandi og bænd-
ur, sem hér eiga hlut að máli, munu ekki
hætta fyrr en þessi skemmtilegi og gæfi
fugl fái það sæti, sem honum ber í land-
búnaðinum.
Á kyndilmessu, 1957.
Sveinn Guðmundsson,
Miðhúsum.
y
Öxlar með hjólum
fyrir aftanívagna og kerrur; bæði vörubíla- og
fólksbílahjól á öxlunum. — Líka beizlisgrindur
fyrir kassa og heygrind. — Einnig eftir pöntun
kerrur með járn- eða trékassa. — Til sölu hjá
KRISTJÁNI JÚLÍUSSYNI, Vesturgötu 22, Reykja-
vík e. u. — Sími 81040. — Póstkröfusendi.
v___________________________________________________'