Freyr - 01.08.1965, Page 19

FRE YR
255
Mjólkurtæknifélag
Islands
í marz mánuði s.l. var stofnað hér á landi áhuga-
mannafélag til stuðnings framförum í mjólkur-
iðnaði. Pélagið hlaut nafnið Mjólkurtæknifélag ís-
lands.
Aðalmarkmið félagsins er að vera umræðuvett-
vangur mjólkurfræðinga um málefni mjólkurfram-
leiðslunnar og styðja nýjungar, sem reynsla og
þekking benda til að til hagsbóta horfi.
f þessu skyni hyggst félagið m. a. efna til
fundahalda, kynnisferða, námskeiða og annarrar
slíkrar fræðslu. Liður í starfi félagsins verður að
hafa sambönd við hliðstæð erlend félög.
Félagsmenn geta orðið mjólkursamlagsstjórar,
verkstjórar í mjólkursamlögum og aðrir þeir, sem
hafa þekkingu og áhuga á málefnum mjólkuriðn-
aðarins og félagsmenn telja, að geti orðið starfsemi
félagsins til styrktar.
Stjórn félagsins skipa 5 menn, þeir Sveinn
Tryggvason, framkvæmdastjóri, Grétar Símonar-
son, mjólkurbústjóri, Oddur T^agnússon, mjólkur-
stöðvarstjóri, Eiríkur Þorkelsson, verkstjóri og Haf-
steinn Kristinsson, mjólkurfræðiráðunautur, og er
hann jafnframt formaður félagsins.
Hinn 13. marz gekkst félagið fyrir fyrsta fræðslu-
fundinum, sem haldinn var í Bændahöllinni. Þar
flutti danskur verkfræðingur Niels Poulsen fyrir-
lestur um mjólkurflutningamál sveitanna, og sagði
frá reynslu annara þjóða í þeim efnum, en þar
ryddi sér nú til rúms sú aðferð að sækja mjólkina
á tankbílum. Samfara þeirri flutningaaðferð, keyptu
bændur síðan heimilismjólkurtanka. Tankarnir
væru gjarnan rafkældir og skilyrði eru þá fyrir
hendi til þess að geyma mjólkina óskemmda á
sveitabæjunum í 2—3 daga.
Þessi aðferð hefur augljósa kosti, skilaði betri
mjólk og sparaði mikla vinnu bæði á sveitaheimil-
unum og í mjólkursamlögunum.
Poulsen talaði einnig um tækninýjungar í dönsk-
um mjólkurbúum, einkum þær er snerta bygging-
ar, smjör og ostagerð.
Smjörsýning á Selfossi
Laugardaginn 29. maí gekkst félagið fyrir sýningu
á smjöri í Mjólkurbúi Plóamanna, Selfossi.
Undirbúningur sýningarinnar var á þann veg
að 11 mjólkursamlög sendu sýnishorn af nýstrokk-
uðu smjöri til Osta- og smjörsölunnar. En þar voru
þau geymd í 15 daga við 15 st. hita. Að þeim tíma
liðnum voru sýnishornin metin af hinum þremur
ríkisskipuðu smjörmatsmönnum. Smjörið var met-
ið undir dulmerkjum og hver matsmaður gaf sjálf-
stæða einkunn. Meðaltal réði úrslitum.
Að öllu leyti var farið eftir þeim matsreglum
sem notaðar eru við smjörmatið, sem framkvæmt er
í Osta- og smjörsölunni. Einkunnagjöf er frá 6—12.
Einkunn undir 9 stig gefur til kynna að smjörið er
annar flokkur og þar með verðfellt í sölu. Nemur
sú verðfelling 10,40 kr. á hverju kg.
Smjörinu er gefin einkunn fyrir útlit, smureigin-
leika og lykt og bragð.
Einkunnir féllu þannig:
1. Ms. K.E.A., Akureyri .......... 11,2 stig
2. M.B.P., Selfossi .............. 10,7 —
3. —4. M. K.B., Borgarnesi ........... 10,3 —
3,—4. Ms. K.A.S.K., Hornafirði ...... 10,3 —
5. Ms. K.H.B., Egilsstöðum ....... 10,0 —
6. Ms. K.Þ., Húsavík .............. 9,8 —
7. Ms. K.V.H., Hvammstanga ........ 9,7 —
8. Ms. Dalamanna, Búðardal ........ 9,5 —
9. Ms. K.S., Sauðárkróki .......... 9,3 —
10. —11. Ms. S.A.H., Blönduósi ........ 9,0 —
11. —11. Ms. K.V. Vopnfirðinga ........ 9,0 —
Af þessu sést að öll sýnishornin flokkuðust í 1.
flokk. Það skal tekið fram, að smjörið frá Blöndu-
ósi var liður í tilraun með geymslu á strokkrjóma.
Rjóminn var orðinn 4 daga gamall þegar strokk-
un fór fram.
Þótt smjörið hafi allt flokkast í 1. flokk, komu
fram við dæminguna smá gallar meira eða minna
kröftugir, eins og t. d. opið, matt, hrökkt, of fast,
kramt, fóðurbragð, illa hnoðað, sólarbragð (oxider-
að) og keimur.
Að loknu matinu var smjörið haft til sýnis og
þar fengu menn tækifæri til að kynnast öllum sýn-
ishornunum.
Slík kynning er mjög gagnleg þegar margir fram-
leiðendur reyna að samræma framleiðslu sína.
Búnaðarfélag fslands gaf snotran silfurskjöld
sem bezti smjörgerðarmaðurinn hlaut til eignar.
Skjöldinn hlaut Ingimar Davíðsson, smjörmeistari
á Akureyri.
f sambandi við smjörsýninguna var haldinn
fræðslufundur fyrir smjörgerðarmenn er sóttu sýn-
inguna og var þar einkum rætt um leiðir sem
miðuðu að aukinni vöruvöndun.
Á hausti komandi hyggst félagið gangast fyrir
fundi þar sem umræður verða um nýjar stefnur í
neyzlumjólkursölu. Hefur félagið tryggt sér góðan,
danskan vísindamann frá Tilraunamjólkurbúi Dana,
til þess að hafa um það efni framsögu.
M. a. á þennan hátt ætla félagsmenn sér að
stuðla að enn meiri nýjungum og framförum er
verið hafa innan mjólkurframleiðslu íslendinga.