Freyr - 01.04.1970, Side 30

Mjólkin flutt
tvisvar í viku
Félagsblað sænskra bænda sagði frá því í
nóvember, að þá hefði verið gerð tilraun í
Kalmarleni í Svíþjóð með að flytja mjólk-
ina frá bændum aðeins fjórða hvern dag
eða tvisvar í viku.
Það voru 13 bændur, sem stóðu að til-
rauninni, undir stjórn ráðunautar í mjólk-
urmálum. Árangurinn varð sá, að mjólkin
reyndist betri en hjá þeim, sem fluttu ann-
anhvern dag. Það leiddi til þess, að gera
skyldi aðra tilraun þar sem 60 framleiðend-
ur yrðu þátttakendur. Líklega er tilraun
þessi í gangi nú í vetur og má því vænta
árangurs af aðferðinni síðar.
Þess er getið í sambandi við frásögn um
tilraun þessa, að hitastigi mjólkurinnar hafi
alltaf verið haldið tveim stigum neðar en
venja er og tekin sýni til bakteríutalningar
tvisvar í mánuði.
Sumarið var óvenju heitt á umræddu
svæði og gerðu því flestir ráð fyrir, að að-
ferð þessi yrði óhæf talin og að ótal vand-
kvæði yrðu til þess að þetta tækist ekki. í
upphafi var gert ráð fyrir að öll mjólkin
færi til vinnslu og svo var gert fyrst án þess
að nokkur vandi væri með framleiðsluna, en
síðar var farið að taka hana sem neyzlu-
mjólk, þegar það sýndi sig, að bakteríu-
magnið var minna en í annarri mjólk.
Þess er getið, að hreinlætisráðstafanir all-
ar voru vandaðar og er talið, að slíkt hafi
þýðingu fyrst og fremst.
Þess er ekki getið hvort mjólk frá hverju
máli hafi verið kæld áður en blandað var í
tankinn, en sennilegt er að svo hafi verið.
Hinsvegar er frá því sagt, að vandlega hafi
verið gætt að því, að spenagúm væru ó-
sprungin og hrein og bezt reyndist sú mjólk,
sem handmjöltuð var.
Fróðlegt verður að frétta um áframhaldið
því að mjólkurflutningavandamálið er ei-
líft vandamál.
Frá: RANNSÓKNASTOFNUN FISKIÐNAÐARINS
Yfirlit yfir efnasamsetningu algengustu fiskmjölstegundanna. Tölur framan við
leikasvið hvers fiskmjöls.
Hráprótein Hráfita Vatn Aska Salt
Tegund mjöls % % % % %
Síldarmjöl 72 (67—76) 9 ( 6—10) 8 (4—11) 10 ( 8—12) 1 (0,5-2)
Loðnumjöl 67 (62—70) 12 ( 8—14) 8 (4—11) 11 ( 8—12) 2 (1 -3)
Þorskmjöl 65 (55—70) 3(1-6) 8 (4—11) 22 (18—30) 2 (1 -3)
Karfamjöl 61 (57—65) 9 ( 7—10) 8 (4—11) 21 (17—25) 1 (0,5-2)
Steinbítsmjöl 62 (58—65) 13 (10—15) 8 (4—11) 16 (15—25) 2 (1 -3)
Grálúðumjöl 62 (60—65) 13 (11—14) 8 (4—11) 15 (12—18) 1 (1 -2)
Lifrarmjöl 39 (35—45) 43 (35—50) 5 (3—10) 5(5-7) 1,5 (1-2)
Hvalmjöl 68 (63—70) 5(3—8) 6 (4—10) 20 (16—24) 1 (1 -3)
Rækjumjöl 55 (50—57) 6 ( 5—13) 8 ( ? ) 20 ( ? ) 4 ( ? )
Humarmjöl 33 (30—35) 1 ( ? ) 8 ( ? ) 45 (40—50) 3 (3 -4)
166
F R E Y R