Freyr - 01.03.1981, Blaðsíða 30

íbúðarhúsið í Hvannstóði. Fjárhúsin í Hvannstóði. Mynain er tekin 15. maí 1977, en þá
var þarna meira en metersdjúpur snjór.
að slátra 115 kindum riðuveikum,
þar af 95 sem eiga ætt að rekja til
Brands.
Hér hefur féð verið fóðrað á
tveim jörðum síðastliðna níu
vetur. Fyrst var því skipt eftir aldri,
en nú í tvo vetur höfum við flokkað
það eftir ættum. Hér í Hvannstóði
höfum við fjóra yngstu árgangana
af þeim stofnum sem sama og ekk-
ert hefur drepist af. í Hólalands-
hjáleigu höfum við allt það fé sem
við teljum „næmt“, auk þess allar
ær fimm vetra og eldri. Fyrir
sauðburð tökum við frá af elstu
ánum þær sem kemur til greina að
ala undan og láta þær ekki bera
innan um hinar. Við reynum að
fylgjast eins vel með heilsufari
fjárins og við getum og tökum úr ef
við teljum okkur sjá riðuveika á og
um leið ef til er kind undan henni á
1. eða 2. vetur. Þær eru hafðar sér
og slátrað næsta haust.
Ég er nú búinn að minnast á það
helsta sem hér er gert til að draga
úr riðuveikinni. Það er sannfæring
mín að eins og er höfum við engin
önnur ráð en að læra að búa við
hana. Ég h^f í þessum greinarstúf
talað um „okkur" þar á ég við syni
mína, sem vinna að búskapnum
með mér. Þeir eiga eins mikinn
þátt í þessum aðgerðum og ég.
Sveinn Bjarnason
Hvannstóði.
Ákvörðun um útborgunarhlutfall
mjólkur 1981
Á fundi 23. janúar s. 1. ákvað Framleiðsluráð landbúnaðarins eftir-
farandi útborgunarhlutfall fyrir mjólk árið 1981:
Janúar ............................. 85%
Febrúar ............................ 85%
Mars ............................... 75%
Apríl .............................. 75%
Maí ................................ 75%
Júní ............................... 65%
Júlí ............................... 65%
Ágúst .............................. 65%
September .......................... 75%
Október ............................ 80%
Nóvember ........................... 85%
Desember ........................... 85%
Framleiðsluráð óskar þess, að þeir aðilar í mjólkuriðnaði sem selja
meirihluta mjólkurinnar á daglegum markaði hækki útborgunarhlut-
fallið í 90% af grundvallarverði fyrir mánuðina nóvember, desember,
janúar og febrúar.
190 — FREYR