Freyr - 15.07.1987, Blaðsíða 16

anna um leiðbeinginar og ráðgjöf.
Hér verður að standa vel að verki,
með því eru meiri líkur á að hver
eining stækki og eflist, og hafi
meiri tekjur af búgreininni, því að
sú þjónusta sem Ferðaþjónusta
bænda sinnir vekur hvarvetna
athygli.
í könnun sem skrifstofa samtak-
anna lét gera meðal félagsmanna
Ferðaþjónustu bænda kom í ljós
að helmingur þeirra er með fjölda
gistinátta undir 300 á ári, sem
segir okkur að of margar smáar
einingar eru starfandi í bú-
greininni. En með markvissri upp-
byggingu og áframhaldandi kynn-
ingu á markaði innanlands og er-
lendis tel ég að þessu sé hægt að
breyta, þvi að sú kynning sem
Ferðaþjónusta bænda hefur feng-
ið hér innanlands sýnir að rúmur
helmingur ferðamanna sem not-
færir sér þessa þjónustu bænda er
íslendingar.
Framtíðarhorfur.
Varðandi framtíðarhorfur tel ég
nokkuð bjart framundan í þessari
atvinnugrein. Á skrifstofu sam-
taka okkar hafa borist fjölmargar
fyrirspurnir um hvers konar þjón-
ustu sem bændur veita. Hér er um
að ræða ferðamenn með ýntis sér-
áhugamál, svo sem fuglaskoðun,
göngur og réttir, hvers konar
veiðiskap, einnig stuttar og langar
hestaferðir, svo að eitthvað sé
nefnt.
Hér innanlands fer þeim fjölg-
andi sem leita eftir sumarhúsum
til leigu hjá bændum, bæði ein-
staklingum og félagasamtökum.
Tel ég að bændur geti byggt upp
þjónustu við þennan markað á
næstu árum. Unnið verður að
gerð útboðsgagna fyrir byggingu á
hentugum húsum fyrir þessa þjón-
ustu. Þá verður gert átak í að
kynna þessa leigumöguleika hér
innanlands og erlendis.
Vistrænn landbúnaöur í Danmörku
Vistrænn eða lífrænn landbúnaður
er hér notað sem þýðing á öko-
logisk jordbrug. Þar er ekki not-
aður tilbúinn áburður né plöntu-
varna lyf, svo að eitthvað sé nefnt.
Grundvöllur er fyrir 10% niark-
aðshlutfall lífrænna búsafurða, en
vistrænn búskapur er aðeins
stundaður á 14 prómill ræktunar-
lands í Danmörku.
Vistrænum búum hefur fjölgað
um helming í Danmörku á fimm
árunt. En þrátt fyrir vaxandi eftir-
spurn er hlutur þessa framleiðslu-
forms ennþá örsmár í dönskum
landbúnaði.
Nú eru um 300 vistræn bú í
landinu með um það bil 4000
hektara ræktaðs lands. Það svarar
til 0,30% bújarða og 0,14% af
ræktuðu landi.
Þetta kom fram í skýrslu sem
Britta Schall Holberg, landbúnað-
arráðherra, gaf Þjóðþinginu fyrir
áramótin um vistrænan landbúnað
í Danmörku.
Ráðherrann sagði að takmark-
aðar heimildir væru fyrir hendi um
afkomu og arðsenti í vistrænum
landbúnaði. Ennfremur að ekki
544 FREYR
hefði verið skoðað ofan í kjölinn
hvort einhver gæðamunur væri á
afurðum venjulegs og vistræns
landbúnaðar.
Stjórnvöld líta svo á að danskur
landbúnaður framleiði holl og góð
matvæli. En þó að menn finni
kannski engan mun viðurkenndi
Holberg ráðherra að vissar ástæð-
ur væru til þess að fleiri og fleiri
neytendur vilja heldur vistrænar
afurðir.
Ef vistræn framleiðsla eykst
ekki verður ekki unnt til lengdar
að fullnægja eftirspurn og verður
þá að flytja inn það sem á vantar.
Af þessum ástæðum lagði land-
búnaðarráðherran til að ráðstaf-
anir verði gerðar til að efla vist-
rænan landbúnað.
Ráðgjöf, rannsóknir og tilraun-
ir verða auknar. Nauðsynlegt er
talið að ráða sérstakan landsráðu-
naut í vistrænum landbúnaði og
auka leiðbeiningar heima í
héruðum.
Ríkisstjórnin telur ennfremur
nauðsynlegt að stofna sérstakan
styrktarsjóð fyrir bændur sem
vilja breyta yfir í vistrænan búskap
og sem verða af þeim sökum fyrir
tekjutapi fyrstu árin. Komið verð-
ur á opinberu eftirliti á uppruna
framleiðslu og vistrænar afurðir
verða merktar.
Stungið hefur verið upp á að
setja sérstaka nefnd til þess að
fylgjast með og meta vaxtarmögu-
leika þessarar tegundar landbún-
aðar og vera stjórnvöldum til
ráðuneytis.
Árlega verður samin skýrsla um
vistrænan landbúnað og reynslu af
honum í Danmörku.
Talsmaður dönsku stjórnarand-
stöðunnar í landbúnaðarmálum
telur þessar ráðstafanir ófullnægj-
andi. Hann stingur upp á því að
nýleg hækkun á mjólkurkvóta í
EBE löndum verði notað sem til-
efni til að breyta dönskum land-
búnaði sem mest í vistrænan bú-
skap. Það vinni gegn samdrætti og
fjölgi störfum í landbúnaði.
Stjórnarfrumvarp sem þetta
mál verður sennilega lagt fram
fyrir 1. febrúar 1987.
J.J.D.