Freyr - 15.11.1989, Síða 11

ákveðið að gerast þátttakendur í
áætluninni, að girðingarfram-
kvæmdir hófust á Víðivöllum ytri,
I og II, sameiginleg girðing fyrir
báða bæina. Var þeirri girðingar-
vinnu lokið vorið eftir og plöntun
hófst, nánar tiltekið 25. júní 1970
með viðhöfn, þar sem formaður
Skógræktarfélags Austurlands,
Þorsteinn Sigurðsson læknir, flutti
ávarp. Girðingarvinna var þájafn-
framt hafin á fleiri bæjum.
Á hvaða bæjum hefur verið
plantað?
Þessir bæir eru Vallholt, Víðivellir
ytri I og II, Víðivallagerði,
Skriðuklaustur, Melar, Hjarðar-
ból, Brekka, Geitagerði og
Droplaugarstaðir. Pá koma jarð-
irnar Valþjófsstaður og Brekku-
gerðishús lítillega inn í girðingar
næstu jarða vegna girðingarað-
stæðna. Alls eru girðingarnar níu.
Tegundirog þrif plantnanna?
Fyrst og fremst er það lerki, sem
plantað hefur verið. Lerkið var
valið að fenginni reynslu hér um
slóðir. Það gerir minni kröfur til
landgæða en aðrar tegundir. Þá
eru veðurskilyrði talin því mjög
hagstæð.
Eg held ég megi fullyrða að ár-
angur af þessari ræktun hafi farið
fram úr öllum vonum. Sé rétt stað-
ið að verki og tilfinning sé fyrir
aðstæðum, má mikið komast hjá
afföllum. Mistök eru líka til þess
að læra af. Við verðum að gá að
því, að afföll eru í fleiru en
skógrækt. Auk lerkisins hefur lítil-
lega verið plantað blágreni, hvít-
greni og ösp.
Er komið að grisjun og nýtingu?
Áformað er að hefjast handa um
grisjun þegar í haust. Ég vildi
flokka hana undir umhirðu og nýt-
ingu. Hvað varðar nýtingu, þá eru
það í fyrstu girðingarstaurar. Ég fæ
ekki annað séð en að nú þegar séu
flest elstu trén orðin of sver í venju-
lega girðingarstaura. í sambandi
við umhirðu er mikið verk fyrir
Pessar myndir eru af sama skógarteignum í Geitagerði. Efri myndina tók
Jónas Jónsson drið 1980 en síðari myndina tók Guttormur Pormar sl. sumar.
höndum í þessum girðingum, svo
sem að taka tvístofna og tvítoppa
eða gaffla. Til greina kemur að
vinna þetta í kurl fyrir verksmiðj-
ur. Ef til vill eiga sérstakir brennar-
ar eftir að ryðja sér til rúms, sem
nýja kurlið til upphitunar húsa á
þessu svæði, enda dæmi til þess.
Hvað má læra af Fljótsdalsáætlun
varðandi skógræktarátaká
Héraði?
Með Fljótsdalsáætluninni má segja
að hefjist nýr og merkur þáttur í
íslenskri skógræktarsögu, sem
vissulega má margt læra af. Fyrst
er það sá árangur af ræktuninni,
sem ég hef vikið að. Ég tel, að við
þurfum ekki að vera með neinar
efasemdir varðandi möguleikana á
nytjaskógrækt á vissum svæðum.
Hins vegar, hvað varðar Fljóts-
dalsáætlunina og framkvæmd
hennar, hefur margt farið í annan
farveg en í upphafi var til ætlast.
Á ég þar t.d. við vinnuþáttinn
hjá bændum, en ætlast var til að
þeir ynnu sem mest að öllum fram-
kvæmdum sjálfir. Opinber framlög
hafa ekki verið samkvæmt upphaf-
22. NÓVEMBER 1989
Freyr 913