Freyr - 15.06.1990, Blaðsíða 8

Er að lifna yfir selskinna-
markaðnum?
Grænlensk selskinn seljast nú í vaxandi mæli í
Danmörku. Þauerum.a. notuðípelsa.fötogýmsa
muni. Verðið er fremur lágt, en markaður hefur
greinilega lifnað frá því sem var fyrir nokkrum
árum. Þetta kemur fram í fréttabréfi Árna Snæ-
björnssonar, ráðunautar hjá B.í. til selabænda.
Búvörudeild Sambandsins tókst nýlega að semja
um sölu á kópaskinnum í nokkra pelsa til Dan-
merkur, en verðið er lágt. Líkur eru til að Búvöru-
deildinni takist að selja á lágu verði skinn frá 1987,
sem hingað til hafa verið óseljanleg.
í stjórn samtaka selabænda eru nú: Jón Bene-
diktsson frá Höfnum, formaður, Eysteinn Gísla-
son, Skáleyjum, ritari, og Pétur Guðmundsson,
gjaldkeri.
Þurr-sótthreinsunarefni
fyrir gripahús
Nú er að koma á markað hér á landi duftkent efni
að nafni Stallosan sem að sögn drepur skaðlegar
örverur í gripahúsum og eyðir lykt af ammoníaks-
og brennisteinssamböndum íþeim. Efni þetta, sem
er rauðbrúnt duft, er framleitt í Danmörku og
hefur verið notað þar í 20 ár. í leiðarvísi segir að
það sé óskaðlegt mönnum og skepnum og að
hnefafylli af því, 50 g á fermetra, sem dugi í viku, sé
meðalskammtur sem tryggi góðan árangur.
Nautgripum slátrað með
valdboði í Englandi
í maílok hafði 15000 nautgripum verið lógað í
Englandi vegna hinnar illræmdu nautariðu sem
herjar þar nú. Þrátt fyrir mótmæli bænda er kjötið
selt á neytendamarkað og það þótt ekki sé öruggt
að veikin geti ekki borist í menn. í sumum verslun-
um í Englandi hefur sala á nautakjöti hrapað um
70% vegna óvissu um smithættu af veikinni.
Keðjugrafa á dráttarvél
Norska verksmiðjan Agri A/S í Mói (Mo) í Rana
hefur hannað keðjugröfu sem má tengja á venju-
lega dráttarvél sem er búin skriðgír. Gröfuna má
nota á dráttarvélar sem eru yfir 70 hestöfl og hún er
fyrst og fremst ætluð til að grafa skurði. Agri
keðjugrafan getur grafið skurði jafnóðum og hún
leggur út kapal, vatnsleiðslu- eða framræslurör.
Grafan er tengd á þrítengi og aflás dráttarvélar.
Með þessu verkfæri má grafa 700-800 metra á
klukkutíma á góðu landi að því er segir í frétt frá
verksmiðjunni. Grafan kostar í Noregi um 250 000
Nkr.
Sala á kinda- og nautakjöti
hefur minnkað
Heildarsala á kjöti í landinu hefur minnkað um tæp
300 tonn fyrstu átta mánuði þessa verðlagsárs, eða
frá 1. september tii aprílloka, miðað við sama
tímabil í fyrra. Sala á kindakjöti minnkaði um
8,3% eða um 400 tonn og nautakjötssala minnkaði
um 7,2% eða 144 tonn. Hins vegar jókst sala á
svínakjöti um 9,6% eða um 160 tonn. Sala á
hrossakjöti jókst um 62 tonn og á alifuglakjöti um
43 tonn.
Rannsóknastofa Ræktunar-
félags Norðurlands 25 ára
Um þessar mundir er liðinn aldarfjórðungur frá því
að Rannsóknastofa Ræktunarfélags Norðurlands
var stofnuð. Hún hefur einkum efnagreint jarðveg
og hey fyrir norðlenska bændur og hin síðari ár
loðdýra- og fiskafóður. Rannsóknastofan hefur
líka þjónað öðrum landshlutum. Ráðunautar hafa
leiðbeint bændum um áburð á tún og fóðrun á búfé
eftir niðurstöðum efnagreininga. Ræktunarfélag
Norðurlands hefur nú tekið í notkun tölvu sem
teiknar kort af túnum og öðrum svæðum eftir
loftmyndum.
Ræktunarfélagið var stofnað árið 1903 til að efla
landbúnað á Norðurlandi. Búnaðarsambönd á
Norðurlandi standa að því.
472 Freyr
12. JÚNl 1990