Freyr - 15.04.1991, Blaðsíða 23

8.’91
FREYR 335
Um námskeiðahald á
Sánga-Sáby
Atli Vigfússon
Um 30 km vestur at Stokkhólmi í fögru umhverfi Maiarens er ráðstefnu- og skólasetur
sœnsku bœndasamtakanna LRF. Þar hefur verið námskeiðahald um árabil og allt að J 20
manns geta sóttþarnám eða fundað á sama tíma. í vetur stunda tveir íslendingar nám á
Sánga-Saby og dveljast þeirþar íátta mánuði, en Svíar hafa boðið hinum Norðuriöndun-
um að senda nemendur og býður LRF ókeypis uppihald og kennslu.
Atli Vigfússon.
Eystrasaltslöndin hafa einnig
notið góðs af þessu og eru nú farin
að senda nemendur í skólann og er
það liður í auknum tengslum við
bændur þar eystra við bændur á
Norðurlöndum en nýsköpun í
landbúnaði þar er mjög brýnt verk-
efni og hafa Svíar unnið þarna
brautryðjendastarf.
I kynningarbæklingi um Sánga-
Sáby segir að sænskir bændur og
fyrirtæki þeirra séu eins og grös í
engi. Margt er sameiginlegt og
margt er líkt en hvert gras er
sérstakt á sinn hátt og grösin hafa
ólílcan bakgrunn og ólíka mögu-
leika til framtíðar.
Bændur þurfa að skapa sér
möguleika innan þeirra breytinga
sem þeir og landbúnaðurinn í heild
standa frammi fyrir. Einn mögu-
leikinn segir í bæklingnum að sé
menntun. Það er til þess að hugsa
hluti í nýju ljósi og skapa sér sterk-
ari ímynd um það sem hægt er að
gera. En það er ekki bara þekking
og nýjar hugmyndir sem bændur
þarfnast. Sameiginlega þurfa þeir
að þróa framtíðina, trúa á hana,
trúa á landsbyggðina, trúa á ágæti
eigin framleiðslu og verka og
skapa sterka og skapandi bænda-
hreyfingu, þrýstihóp sem fólk í
landinu fer að trúa á.
Störf bænda svo og menning
þeirra hafa svo miklu hlutverki að
gegna innan þeirra þjóðfélaga sem
eru á Norðurlöndum að auðvelt er
að vekja athygli á hvaða hlutverki
bændastéttin gegnir. Aðferðin er
sú að láta í sér heyra og skapa
umræður. Þetta er best að gera í
fjölmiðlum því að þegar þangað er
komið, þá eru bændur meðal
fjöldans og þá er hlustað.
En bændur eiga ekki aðeins að
sitja fyrir svörum. Þeir eiga að
vekja fólk til umhugsunar, varpa
Herragarðitrinn á Sánga-Sáby. Par var stofnfundur LRF (Lantbrukarnas
Riksförbund) haldinn árið 1929. Par er nú aðstaða til gestamóttöku en húsið
var íbúðarhús ábúenda á jörðinni áður en Itún var gerð að skólasetri.