Freyr - 01.01.1992, Page 22

14 FREYR
1.’92
GATT-samningar
Ályktun stjórna Búnaðarfélags íslands og Stéttarsambands bœnda
um drög að GATT-samkomulagi, 6. janúar 1992
Bœndasamtökin hafa haft til skoðunar drög að nýju GATT-samkomulagi, m.a. um
landbúnaðarmál, sem Arthur Dunkel, framkvœmdastjóri GATT lagði tram 21. desem-
ber sl.
Ljóst er að samningsdrög þessi eru
með öllu óaðgengileg fyrir íslensk-
an landbúnað. Meðal annars af
eftirfarandi ástæðum:
Útilokað yrði að framfylgja hér
sjálfstæðri landbúnaðarstefnu.
Draga mundi stórlega úr mat-
vælaöryggi þjóðarinnar.
Nýgerður búvörusamningur
héldi ekki gildi sínu og kippt yrði
grundvelli undan þeirri fram-
leiðslustjórn og annarri hagræð-
ingu framleiðslunnar sem samið
hefur verið um.
Með samningi ríkisvalds og
bænda um að fella niður allar út-
flutningsbætur hafa íslendingar
þegar gengið lengra í átt til þeirra
viðskiptahátta, sem stefnt er að, en
samningsdrögin ætla nokkurri
þjóð.
A meðan verulegar útflutnings-
bætur og annar stuðningur yrði
heimill í samkeppnislöndunum
væru íslenskir bændur í mörgum
tilvikum varnarlitlir gagnvart inn-
flutningi.
Stórfelldur samdráttur búvöru-
framleiðslunnar yrði óumflýjan-
legur og þar með fækkun starfa í
sveitum og við vinnslu búvara. Bú-
vöruvinnsla ætti hér enn erfiðara
uppdráttar vegna minni markaðar.
Þessu mundi fylgja ógnvekjandi
röskun á byggð landsins og jafnvel
eyðing heilla byggðarlaga. Ekki
verður séð að hverju það fólk hefði
að hverfa, sem við þetta missti
atvinnu sína og heimili.
Það er krafa bændasamtakanna
að ríkisstjórnin hafni umræddum
drögum að GATT-samkomulagi.
Reynist ekki unnt í áframhaldandi
viðræðum að tryggja samning, sem
íslenskur landbúnaður getur búið
við, verða íslendingar að fá sér-
stöðu sína viðurkennda með sér-
ákvæðum innan samningsins.
Bændasamtökin munu áfram
hafa þetta mál til umfjöllunar og
fylgjast náið með framvindu þess.
Þau eru reiðubúin hvenær sem er
til viðræðna við stjórnvöld um
meðferð þessa vandasama máls.
Búnaðarfélag íslands
Stéttarsamband bœnda
Flskeldisstöðin Silfurstjarnan hf
Frh. afbls. 13.
Að lokum, hvernig horfir þú til
framtíðarinnar um það sem hér
er að gerast?
Það var hér slæmt atvinnuástand
fyrir nokkrum árum. Þá var ráðist í
þessa framkvæmd og síðan stofnun
Fjallalambs hf. um sláturhúsið á
Kópaskeri. Nú er svokomið að hér
vantar fólk. Það hætti við að flytja
burt töluvert af ungu fólki sem var í
þann veginn að flytja úr héraðinu,
vegna þess að það hafði ekkert til
að lifa af. Það sem var áður farið
snýr hins vegar ekki heim. Ég held
að við þyrftum að hafa hér tiltækar
litlar íbúðir, t.d. á Kópaskeri,
þannig að fólk sem vill flytja hing-
að geti gert það án þess að leggja í
miklar fjárfestingar í íbúðarhús-
næði í upphafi.
Silfurstjarnan er mjög vel stað-
sett hvað það varðar að nýta sér
vinnuafl úr öllu héraðinu.
Ef það kemur í ljós að fiskeldi
reynist verða arðbært þá eigum við
Norður_Þingeyingar þar mikla
möguleika. Hér er mikið af góðu
vatni, heitu og köldu, og í mínum
huga eru aðstæður til fiskeldis enn
betri hér aðeins norður í sveitinni.
M.E.
Ath. Petta viðtal er tekið í ágúst 1991.
Skiljun á búfjáráburði
Þeir eru farnir að skilja búfjár-
áburð í skilvindum í útlöndum.
Norska fyrirtækið Reime AS fram-
leiðir skilvindur til þess brúks.
Snigill matar skilvinduna með
áburði og pressar um leið vætu út
um smágataðan hólk. Skilvindan
er fremur lítil. Með 3-4 kW skilur
hún 1-2 rúmmetra af mykju á klst.
eða 2-6 rúmmetra af svínaskít. Sá
hluti áburðarins sem út kemur í
föstu formi er með 31-36% þurr-
efni að því er segir í frétt frá Norges
landbrukshögskole sem hefur
prófað skilvinduna. Það hlutfall er
annars 20-30% af heildarmagninu
áður en skilið er, segir í fréttinni.