Freyr - 01.07.2001, Qupperneq 5
Fjölþætt starfsemi
kaupfélagsins styrkir Skagafjörð
Viðtal við Sverri Magnússon, bónda í Efra-Ási í Hjaltadal
Sverrir Magnússon í Efra-
Ási er kunnur fyrir góðan
árangur í búskap sínum,
svo sem afar góð tök á
fóðuröflun og miklar afurðir eftir
kýr sínar. Þá hefur hann látið til sín
taka í félagsmálum, m.a. setið lengi
í stjóm Búnaðarsambands Skag-
firðinga þar sem hann er nú for-
maður. Freyr gekk á fund hans fyrr
í sumar og bað hann fyrst segja frá
búskap þeirra hjóna, Ásdísar Pét-
ursdóttur og hans.
Við rekum hér fyrst og fremst
mjólkurframleiðslu og bústærðin er
40 kýr og síðan geldneyti á ýmsum
aldri, einkum gripir í uppeldi,
oft um 80 í allt. Við erum þó
lítið með gripi í beinni
kjötframleiðslu því að mér
hefur fundist að nautakjötið
hafi ekki skilað nógu. Svo
emm við með til gamans um
30 fjár og þetta 10-12 hross
eru á bænum. Kvótinn í
mjólkinni er um 205 þúsund
lítrar og mér sýnist að það
muni vanta einhvern kvóta
fyrir ágústmánuð. Ég held þó
áfram að leggja inn, það
verður þá aðeins greitt fyrir
próteinhlutann í mjólkinni og
það er betra en ekki neitt.
Burðartíminn hjá kúnum hér
er þannig að þær eru að bera
fram í febrúar og svo ein og
ein í mars og apríl og síðan
ekki fyrr en eftir miðjan júlí.
Núna eiga t.d. að bera 15 kýr
hjá mér í seinni hluta júlí og
ágúst.
Leggurþú þá meiri áherslu
á haustburðinn ?
Já, og fram eftir vetri. Það
er ekki beinlínis vegna auka-
greiðslnanna fyrir mjólk í SverrirMagnússon.
nóvember til febrúar, sem þó er
gott að fá, heldur finnst mér þetta
hagstæðasti burðartíminn. Ég er
með mikið grænfóður og góða beit
á haustin og þá má segja að þær
mjólki vel fyrir lítið. Ef maður nær
svo kúnum inn án þess að þær
geldist með því að hugsa vel um
þær þá eru þetta kýr sem mjólk vel
allan veturinn.
Eftir hverju velur þú naut til að
sæða með ?
Ég spekúlera töluvert í reyndu
nautunum en skipti mér ekkert af
þeim óreyndu, nefni kannski ein-
hver nöfn en læt sæðingarmanninn
oftast ráða þeim. Ég fylgist með
þeim skýrslum sem koma út frá
skýrsluhaldinu og það sem ég lít
einkum eftir, varðandi reyndu naut-
in, er júgur, spenar, mjaltir og skap.
Eins horfi ég á hvemig mæður
þessara nauta hafa reynst. Verði
þær töluvert fullorðnar þá má búast
við að þær hafi reynst vel. Þama í
gegn kemur bæði endingin og frjó-
semin. Kýr sem heldur burði alla
æfi er traustvekjandi, þannig vill
maður hafa þær. Svo má ekki
gleyma því að maður er farinn að
horfa á próteinmagnið í seinni tíð,
sem og frumutöluna.
Mér finnst að í
nautgriparæktinni hafi of
seint verið farið að hugsa
um spenana, júgrið, skapið
og mjaltirnar. Þetta eru
hlutir sem veltur mest á því
að við getum ekki verið
með í fjósunum kýr sem eru
seigmjólka og erfiðar í um-
gengni, það fer svo mikill
tími í þær. Hefði verið farið
að hugsa jafn mikið um
þetta fyrir 20 árum og í dag
þá stæðum við betur gagn-
vart þessum kynbótum.
Hver er afstaða þín til
innflutnings á NRF kúm?
Ég er algjörlega á móti
honum og hef ekkert legið á
því. Mér hefur fundist að
þeir, sem hafa verið að
knýja á urn þetta, hafið farið
offari. Menn fengu neitun í
skoðanakönnun um málið
frá meirihluta kúabænda, en
samt var haldið áfram að
keyra þetta áfram.
Ég tel að íslensku kýmar
(Freysmynd). skili það miklu, miðað við
pR6VR 9/2001 - 5