Litli Bergþór - 01.12.2010, Síða 8
Formannspis-tiII
Ungmennafélagshreyfingin er ein stærsta fjölda-
hreyfingin hér á landi með um 100 þúsund félags-
menn. Markmið hreyfingarinnar er „ræktun lýðs og
lands“ og kjörorðið er „íslandi allt“. Ungmennafélag
Biskupstungna er með elstu ungmennafélögum á
landinu, stofnað á sumardaginn fyrsta árið 1908. Það
má segja að markmið ungmennafélagshreyfingar-
innar hafi náð vel út í grasrótina hjá UMF. Bisk.
Starf félagsins hefur verið blómlegt á þessum 100
árum frá því að það var stofnað og hefur haft mikil
áhrif á samfélagið. Segja má að ungmennafélags-
andinn eigi vel við á þessum tímum þegar þrengir að
í þjóðfélaginu og mikilvægt er að rækta lýð og land.
Eitt af þeim verkum sem ungmennafélagið okkar
getur verið stolt af er blað Ungmennafélagsins, Litli-
Bergþór, sem kom fyrst út 5. mars 1980 og hefur
komið út á hverju ári síðan. Blaðið á því 30 ára
afmæli í ár. Það liggja mörg dagsverk að baki útgáfu
slíks blaðs í 30 ár, allt í sjálfboðavinnu, en nú eru
gefin út tvö blöð á ári. Það er mikilvægt fyrir allt
samfélagið að fólk skuli vera tilbúið að leggja á sig
mikla vinnu svo allir geti notið og er það þakkarvert.
Það er ekki sjálfgefið að gefa út blað í 30 ár en það
er hægt ef fólk stendur saman og er tilbúið að leggja
sitt að mörkum til að bæta samfélagið sem það býr í.
A þessum 30 árum hefur miklum fróðleik verið
safnað saman um menn og málefni í sveitinni sem
hugsanlegt er að annars hefði glatast. Til að Litli-
Bergþór geti komið út, a.m.k. næstu 30 árin þarf að
vera rekstrargrundvöllur fyrir blaðinu. Prent- og
dreifingarkostnaður hefur hækkað mikið síðustu árin.
Blaðið fær tekjur sínar með auglýsingasölu og
áskriftargjöldum. Ljölga þarf áskrifendum til að
renna frekari stoðum undir reksturinn, því hvet ég
alla sem ekki eru áskrifendur að gerast áskrifendur.
Starf Ungmennafélagsins er mikið, en það er með
svipuðu sniði og verið hefur síðustu ár. íþróttadeildin
heldur úti fjölbreyttu og öflugu starfi þar sem allir
ættu að getað fundið eitthvað við sitt hæfi.
Leikdeildin hefur staðið í stórræðum síðustu ár, þar
sem deildin hefur, m.a., sett upp leikrit þrjú ár í röð.
Miklir möguleikar eiga eftir að opnast í félags- og
tómstundastarfi við opnun brúar yfir Hvítá. Búast má
við að samstarf og samvinna eigi eftir að aukast í
uppsveitunum meðal annars á milli
ungmennafélaganna. Allt svona samstarf þarf tíma til
að þróast en möguleikarnir eru fyrir hendi og við
eigum að vera óhrædd við að kanna þá.
Lesendum óska ég gleðilegra jóla og farsældar á
nýju ári.
Helgi Kjartansson, formadur UMF. Bisk.
Bjarkarhóll
Skólabraut 4
Reykholti
Prjónasetur með mikið úrval af prjónagarni
Prjónablöð og allt fyrir prjónaskapinn
Handunnar ullarvörur i úrvali
Opið frá október til maí frá kl 12-18 alla daga
Sími 587 66 55
Opið fyrir hópa eftir samkomulagi
o
Litli-Bergþór 8