Litli Bergþór - 01.12.2010, Blaðsíða 38

kránni. Við gistum þarna í fjórar nætur og svo síð-
ustu nóttina í Kaupmannahöfn.
Ef ég færi að lýsa nákvæmlega öllum stöðunum
sem við heimsóttum yrði þetta framhaldssaga, svo ég
stikla bara á stóru og segi frá því helsta.
Laugardaginn 28. ágúst heimsóttum við þrjú
hrossaræktarbú sem voru öll í nágrenni við Silkiborg
og frekar stutt á milli staða.
Fyrsti staðurinn var Stutteri Bjarup. Þar býr John
Smith með tveim dætrum sínum og sú eldri Janne er
dýralæknir en hin temur og vinnur við búið. Jörðin er
um 100 ha. og telst það mjög stór jörð. Hann á stóð-
hestana Kramsa frá Blesastöðum og Stjarna frá Dals-
mynni og einnig á hann hlut í Orra frá Þúfu og Sæ
frá Bakkakoti. Hann á sjö 1. verðlauna hryssur og
meðal annars Tinnu frá Brattholti. Og síðan á hann
hryssur í folaldseign á íslandi. Ég verð að geta þess
að Janne og maður hennar komu til íslands stuttu
eftir að við vorum hjá þeim og mikið var gaman að
geta endurgoldið þeim gestrisn-
ina. Þau gistu í Brattholti hjá Láru
og Nirði.
Stald Gavnholt var næsti
áfangastaður en þar búa Agnar
Snorri Stefánsson og Anne Stine
Haugen. Þau keyptu jörðina 2006
og breyttu fjósi í hesthús, svína-
húsi í starfsmannahús og gerðu
upp íbúðarhúsið. Mjög fallegar
byggingar og vel upp gerðar og
þar eru stíur fyrir 33 hesta. Landið
er aðeins 18,5 ha. en samt eru þau
með um 40-50 hross. Þau starfa
bæði við tamningar og þjálfun á
kynbótahrossum og keppnis-
hrossum. Stunda líka hrossarækt og fá um fimm
folöld á ári. Eiga fullt af stóðhestum t.d. Fálka frá
Sauðárkróki, Róm frá Búðardal, Muna frá Kvistum
og Styrk frá Eystri Hól. Þarna voru glæsileg hross á
húsi og Anne Stine sýndi okkur keppnishestinn sinn,
Kveik frá Liam, í reið. Mjög flottur hestur.
Stutteri Borg var síðasti staðurinn þennan dag. Þá
jörð keyptu bræðurnir Kjartan og Bjarni Davíðssynir
2002. Bjarni lést í janúar sl. Þessi staður var áður
dýragarður en núna er þarna hestatengd starfsemi og
einnig rekin gistiþjónusta. Þetta er stór jörð og
gríðarlegar byggingar. Risastór flott reiðhöll með
100 einshesta stíum. Aðalstóðhestur búsins er Stefnir
frá Sandhólaferju og hjá þeim fæðast um 10 folöld á
ári. Mjög fallegur staður og nóg pláss sem virðist
reyndar af skornum skammti víða í Danmörku.
Um kvöldið var ákveðið að skella sér til Horsens
og fara þar á Miðaldarfestival en það hittist svo á að
það var einmitt þessa helgi. Það var heilmikið ævin-
týri og verulega gaman að sjá hvernig bænum er
Jói Skúla og Knútur.
breytt þetta kvöld. Ekkert rafmagn, eingöngu kyndlar
og allur matur eldaður á opnum eldi. Flestir klæða
sig einnig í miðaldarföt. Það var stöðug dagskrá allan
tímann og víða hægt að smakka á gamaldags veit-
ingum. Egill í Holtakotum sýndi okkur snilli sína í
bogfimi. Svo enduðum við á að fara á veitingahús í
Horsens og snæða kvöldverð.
Næsta morgun sunnudaginn 29. ágúst byrjuðum
við á að heimsækja sjálfan fararstjórann Jóhann
Skúlason en hann á búgarð sem heitir Slippen um 10
km vestur af Silkiborg. Hann keypti jörðina 2003 og
er hún um 10 ha. Þessi staður er ótrúlega flottur bæði
utan sem innan. Glæsilegt íbúðarhús með tvöföldum
bílskúr, 200 fermetra reiðhöll og hesthús með 18 stí-
um. Jói er aðal knapinn í Danmörku og er margfaldur
heimsmeistari. Hann sýndi okkur staðinn og hrossin
og þarna er mjög snyrtilegt og aðstaðan frábær.
Síðan var langur akstur á næsta stað sem heitir
Hoygarðs hestar en þar búa færeyingarnir Jóanis og
kona hans Elin Tindskard. Þau keyptu jörðina 2003,
en hún er 12 ha. og þau leigja 50-60 ha. til viðbótar.
Þau reka þarna tamningar, þjálfun, sýningar, sölu,
ræktun og járningar.
Eru með pláss fyrir 50-55 hross og þau heyja sjálf
og eiga 12 ræktunarmerar og stóðhestana: ísak frá
Kirkjubæ, Glotta frá Sveinatungu og Marel frá Feti.
Þarna sáum við líka pony (smáhesta) og risastóra
Njöröur hittir Vák frá Brattholti.
Litli-Bergþór 38