Fréttabréf Ættfræðifélagsins - 01.03.2009, Side 22
Fréttabréf Ættfræðifélagsins í mars 2009
Arsskýrsla fyrir 2008
Aðalfundur Ættfræðifélagsins haldinn í sai Þjóð-
skjalasafnsins þann 26. febrúar 2009 að Laugavegi
162 Reykjavík.
Stjóm Ættfræðifélagsins árið 2008 skipuðu Anna
Guðrún Hafsteinsdóttir, formaður, Olafur Pálsson
varaformaður, Kristinn Kristjánsson ritari, Olgeir
Möller gjaldkeri og Hörður Einarsson meðstjórnandi.
I varastjórn voru Guðmar E. Magnússon,og Valdimar
Már Pétursson. Valdimar gefur ekki kost á sér aftur
svo Guðmundur Guðlaugsson tekur hans sæti.
Guðfinna S. Ragnarsdóttir er ritstjóri Fréttabréfs-
ins.
Stjórnarfundir á árinu hafa verið 10. Við hittumst
fyrsta fimmtudag í mánuði að Armúla 19, kl. 17:30.
Það er alltaf Opið hús á miðvikudögum milli kl. 17og
19 og hefur það verið mjög vel sótt.
Akveðið var að halda félagsfundunum áfram til
vors. En vegna þess hvað þeir eru illa sóttir urðum
við að fara nýjar leiðir. Síðastliðið haust buðum við
upp á málþing í samvinnu við Reykjavíkur Aka-
demíuna og Þjóðskjalasafn Islands. Var það hinn 25.
okt. undir kjörorðinu „Hin ómissandi ættfræði". Það
heppnaðist mjög vel. Ákveðið er að halda annað mál-
þing í sumar.
Námskeið um ættfræðiheimildir var líka hald-
ið í samvinnu við Þjóðskjalasafnið og þótti takast
mjög vel. Mun það verða endurtekið með haustinu.
Tengiliðir Ættfræðifélagsins við námskeiðin eru Guð-
finna S. Ragnarsdóttir og Guðmar E. Magnússon.
Fjármál félagsins eru mjög bágborin, en sótt var
um styrki til banka og sparisjóða og einnig til Alþing-
is. Sutt frá sagt fengum við ekki krónu.
Aðaltekjur okkar eru félagsgjöldin og svo höfum
við verið að selja manntölin okkar á Bókamarkaðnum
í Perlunni líka.
Okkur barst höfðingleg gjöf í vor, en þá var bóka-
safn Skúla Skúlasonar afhent okkur. En þetta voru
ættfræðibækur. Við komum til með að varðveita
safnið vel.
Varðandi Manntalið 1910 hefur Eggert Thorberg
Kjartansson verið að vinna í Snæfellsnessýslu og
Dalasýslu.
Anna Guðrún Hafsteinsdóttir formaður
Ættarmót
- í orðsins fyllstu merkingu
Eftirfarandi sögu sagði mér Þorsteinn Jónsson bóka-
útgefandi. Komið er vel á annan áratug síðan en
hughrifin sitja enn. Ég vona að ég fari rétt með hana í
öllum aðalatriðum. Þorsteinn braut blað í útgáfu ætt-
fræðibóka með afar smekklegri uppsetningu þeirra. í
ritunum eru myndir bæði af einstökum persónum og
fjölskyldum og úr þjóðlífinu.
Einhverju sinni vann hann ásamt konu sinni Vil-
borgu Hrefnu Steinþórsdóttur við að safna myndum
í þrjú ættartölurit samtímis en það voru Briemsætt,
Reykjaætt og Reykjahlíðarætt. Kona hans hafði búið
um sig í sér herbergi með öll gögn og fólk var hvatt
til þess að koma með myndir í bækurnar. Opið var
ákveðinn tíma á dag og fólk streymdi að með mynd-
irnar sínar úr öllum ættunum þrem. En fljótlega fór
ákveðin mynd að birtast Hrefnu í hvert skipti sem
einhver kom í gættina. Og þar kom að hún var búin
að teygja sig eftir viðkomandi möppu áður en gestur-
inn hafði sagt ætt sína. Svo sterkt var ættarmót allra
þessara þriggja ætta.
Þegar Briemsættin birtist var framkoman ákveðin,
gengið rösklega inn, höfuðið borið hátt, ekki verið að
biðjst afsökunar á sjálfum sér og sagt með festu: „Er
það hér sem verið er að safna myndum í „ættina“?
Þegar Reykjaættin birtist opnuðust dyrnar ofur-
hægt og varlega og inn nánast læddist afar hógvær
og ljúf manneskja sem spurði með lágri röddu hvort
það væri héma sem hún ætti að skila myndunum úr
Reykjaættinni.
Þegar svo fulltrúar Reykjahlíðarættarinnar komu
með sínar myndir gengu þeir glaðlega inn, dáðust að
framtakinu og umhverfinu, slógu á létta strengi og
notuðu orð á borð við gaman, frábært, skemmtilegt.
Allir yfirmáta jákvæðir, hressir og léttir.
Hafa ber í huga að hér var oft um 4., 5. eða jafn-
vel 6. lið ættanna að ræða en Briemsætt er rakin frá
Gunnlaugi Guðbrandssyni Briem sem fæddur var
1773, Reykjaætt er rakin frá Eiríki Vigfússyni sem
fæddur var 1757 og Reykjahlíðarætt frá sr. Jóni Þor-
steinssyni sem fæddur var 1781.
Segið þið svo að ættamótið sé ekki sterkt!
Guðfinna Ragnarsdóttir
http://www.ætt.is
22
aett@aett.is