blaðið - 24.11.2005, Blaðsíða 38

38IFÓLK
FIMMTUDAGUR 24. NÓVEMBER 2005 blaöiö
MORGUNGRÍN
Smáborgaranum finnst myrkrið slæmt
og þegar við bætist lágt hitastig og mörg
vindstig er afskaplega erfitt að skríða
fram úr rúminu á morgnana. Sæng Smá-
borgarans er hlýrri, mýkri og þægilegri
en blákaldur raunveruleikinn og því þarf
Smáborgarinn ætíð að beita sig fortölum
áður en honum tekst að skutla fótunum
fram úr alltof mjúku og þægilegu rúmi
sínu. Helst þarf hann að vera búinn að
undirbúa jarðveginn nógu vel kvöldið áð-
ur þannig að það eina sem þurfi að gera
er að labba úr svefnherbergi í baðher-
bergi, skrúfa frá heita vatninu i sturtunni
og að afgangurinn af morgunrútínunni
sé frágengin. Hefur Smáborgarinn farið
í svo mikinn undirbúning kvöldið áður
að hann hefur lagt morgunmatinn til-
búinn á eldhúsborðið, tekið til öll föt og
handklæði fyrir steypibaðið og tekið til
nákvæmlega alla hluti sem hann þyrfti
hugsanlega að nota í morgunrútínunni.
Það bregst svo ekki að allur þessi undir-
búningur er til einskis því á morgnana er
Smáborgarinn rétt svo með meðvitund
og er langoftast búinn að gleyma að eitt-
hvað var tilbúið frá því kvöldinu áður og
því reikar hann um hálfsofandi og nær
sér samviskusamlega í önnur föt og nýtt
handklæði og þar fram eftir götunum.
Smáborgarinn hefur oft velt fyrir sér
hversu skemmtilegt væri ef hann gæti
séð sjálfan sig í því ástandi sem hann er
í á morgnana, því sú sjón út af fyrir sig
hlýtur að hafa prýðilegt skemmtanagildi.
En Smáborgaranum er ekki hlátur í huga
þegar þessar morgunstundir eru að eiga
sér stað og það er mun líklegra að hann
sé að blóta öllu og öllum í sand og ösku,
en að sjá kómísku hliðina á aðstæðunum.
Á leiðinni í vinnuna í bílnum, svona um
klukkustund síðar, er hann svo loks al-
mennilega vaknaður og þá nær hann líka
oftast að skella upp úr, eða að minnsta
kosti brosa út í annað yfir vitleysunni
í sjálfum sér þegar hann brjálaðist út í
glasið sem var fyrir honum á borðinu eða
hellti sér yfir sturtuna fyrir að vera ekki
nógu fljót að hitna. Já, það er eitt stykki
„prívat" skemmtidagskrá sem Smáborg-
arinn hefur aðgang að hjá sjálfum sér
á morgnana. Ætli margir aðrir séu líka
svona?
HVAÐ FINNSTÞÉR?
Hvaðfinnstþér um síendurteknar bilanir á Farice strengnum?
Stefán Hrafn Hagalín,
markaðsstjóri Skýrr hf.
„Hundruð fyrirtækja hér á landi reiða sig á órofin alþjóðleg samskipti. Fjölmörg
íslensk hátæknifyrirtæki hafa lifibrauð sitt f heild eða hluta af því að þjónusta
erlendra viðskiptavini gegnum þessar tengingar. Það gefur auga leið að þessi
starfsemi flyst núna erlendis - eða verður lögð niður. Tjónið af þessu öllu hleyp-
ur örugglega á hundruðum milljóna í beinhörðum peningum, bara á þessu ári.
Óbeint tjón geirans af tapi orðspors er án vafa annað eins. Viðskiptavinir okkar
hlæja að þeirri vitleysu að rottur naga sundur tengingu okkar við umheiminn
hvað eftir annað og hneykslast á því að við höfum ekki öflugari varaleiðir - eða
meindýraeyða. Þetta er gjörsamlega út í hött. Það er hagur allra að hér þrífist
öflugt atvinnulíf. En til þess þarf grundvallar innviði í topplagi, eins og götur,
rafmagn, vatn, sæstrengi og fleira. Það væri meira vit í því hjá samgöngumála-
ráðherra að efla tengingar okkar við útlönd heldur en að bora fáfarin göng út
um hvippinn og hvappinn. Ég vona að fjármálaráðherra hnippi í hann, enda
augljóslega um tekjuskapandi aðgerð að ræða fyrir ríkið.“
X5
Jude Law í
sÍa hundakoíanum
Jude Law er að mjaka sér upp að hliðinni á Siennu Miller með því að passa hundinn hennar.
Hann býr heima hjá henni og passar hundana tvo, Porgy og Bess, á meðan Sienna er í Amer-
íku. Hún sagði sjálf: „Pabbi hundanna, Jude, passar þá á meðan ég er í Ameríku. Svo langar
mig í annan hund í jólagjöf. Mig langar í bolabít sem ég myndi kalla Sid. En ég veit ekki
hvort ég get séð um þrjá hunda.“ Sienna, sem fjarlægði trúlofunarhring Jude af fingri sínum
eftir að fréttist um framhjáhald hans, segist ekki tilbúin að festa ráð
sitt og stofna heimili. „Ég þrái að giftast og eignast börn einn
daginn,“ segir hún, „en ég er ekki alveg tilbúin í það strax.“
Mariah og amerísku
tónlistarverðlaunin
Mariah Carey vann ein verðlaun þetta árið þrátt fyrir að vera tilnefnd í
fjórum flokkum. Hún vann flokkinn besta soul/R&B-söngkonan. Þegar
hún tók við verðlaununum sagði hún meðal annars: „Þakka ykkur inni-
lega fyrir hlýjuna og ástina.“ Hljómsveitin Green Day, kántrístjarnan Tim
McGraw, söngvarinn Kelly Clarkson, stúlkurnar í Destiny’s Child og hljóm-
sveitin Black Eyed Peas fengu öll tvenn verðlaun. Gwen Stefani, Pharrell,
Eurythmics og Mariah Carey komu svo fram á verðlaunaafhendingunni.
Rolling Stones enduðu svo kvöldið á að koma fram í gegnum gervihnött frá
tónleikum sem þeir voru að halda í Salt Lake City í Utah.
Ventimiglia er
sonur Rocky Balboa
Milo Ventimiglia hefur skrifað undir samning um að leika uppkominn
son Sylvester Stallone, í myndinni Rocky Balboa sem er framleidd
og fjármögnuð af MCM Columbia Pictures og Revolution Studios. I
þessari sjöttu mynd um hnefaleikakappann frá Philadelphiu hefur
Rocky löngu sest í helgan stein en er dreginn í hringinn í síðasta
skiptið. Sonur Rocky, Rocky Balboa Jr„ var fyrst kynntur til sög-
unnar í Rocky II, þegar fæðing hans hafði mikil áhrif á framvindu
mála. I síðustu mynd, Rocky V, var hlutverkið leikið af alvöru syni
Stallone, Sage Stallone.
,Ásta Ragnheiður Jóhannesdóttir,
Össur Skarphéðinsson og fleiri þing-
menn Samfylkingar lögðu fyrir
stuttu fram þingsályktunartillögu
á Alþingi og varðaði hún takmörk-
un auglýsinga á óhollri matvöru
og mun þar vera átt við matvöru
sem inniheldur mikla fitu, sykur
eða salt. í tillögu þessari er lagt til
að heilbrigðisráðherra verði falið
að kanna grundvöll fyrir setningu
reglna um takmörkun auglýsinga
á óhollri matvöru með það að mark-
miði að sporna við offitu, sér í lagi
meðal barna og unglinga.
Þetta er reyndar í annað skiptið,
sé minnið ekki að svíkja mig, sem
hópurinn leggur fram tillögu þessa
efnis. Þeim er það að sjálfsögðu til
hróss að vilja veg íslendinga, falleg-
asta og sterkasta fólks í heimi, sem
mestan. Fallega og sterka þjóðin
má að sjálfsögðu ekki hafa aftur-
endann lafandi niður fyrir pilsfald-
inn og undirhökuna reyrða saman
við bindishnútinn. Til að fallega
fólkið geti áfram verið fallegt vilja
flutningsmenn tillögunnar banna
sjónvarpsauglýsingar sem kynna
saltað poppkorn og sykrað Sinalcó
fyrir klukkan níu á kvöldin. Það
sem fallega fólkið sér á erlendum
sjónvarpsstöðvum, les í blöðum,
heyrir í útvarpi eða skoðar á netinu
virðist ekki skipta máli í megrunar-
væðingu hugsjónafólks innan Sam-
fylkingarinnar. Auglýsing á óhollri
fæðu í sjónvarpi er hins vegar talin
vera rótin að offitu yngri íslend-
inga.“
Heiðrún Lind Marteinsdóttir á
http://www.tikin.is
HEYRST HEFUR...
Morgunblaðið skammaði
Ólaf Ragnar Grímsson,
forseta íslands, í vikunni fyr-
ir að vera
viðstaddur
embættistöku
AlbertsMónakó-
fursta. Þannig
benti blaðið á
að erfitt væri
að sjá tengsl
1 a n d a n n a
og viðskiptahagsmunir væru
næsta litlir. Ólafur Ragnar svar-
ar fullum hálsi í Morgunblaðinu
í gær og bendir á margs konar
tengsl og nefnir meðal annars
smáþjóðaleikana sem haldnir
verða í Mónakó árið 2007. Þá
sé Albert mikill áhugamaður
um málefni norðurslóða. Loks
segir forsetinn: „Orðalagið sem
notað var í Morgunblaðinu um
Mónakó er ekki við hæfi, eink-
um þegar í hlut eiga ríki og
furstafjölskylda sem ávallt hafa
sýnt íslendingum vináttu.“
Síminn
Mörgum þykir undarlegt
að „stóru“ sjónvarps-
stöðvarnar skyldu eícki hafa
séð sér hag í að senda út beint
frá hæfileikakeppni grunnskól-
anna, Skrekk. Bæði er um að
ræða spennandi keppni, auk
þess sem efnið er afar vinsælt
hjá stórum hópi áhorfenda,
ekki síst ungu kynslóðinni.
Eins og fram kom hér í þessum
dálki vildu einstakar sjónvarps-
stöðvar jafnvel fá greitt sérstak-
lega fyrir útsendinguna. Að lok-
um var það Síminn sem sendi
keppnina út á Netinu. Það var
síðan Austurbæjarskóli sem
stóð uppi sem sigurvegari, en
þess má geta að húsfyllir var í
Borgarleikhúsinu.
Pað fór eins og við spáðum
fyrir nokkru. Umtals-
verðar breytingar eru í far-
vatninu hjá Ríkisútvarpinu.
Morgunvaktin flyst yfir á Rás
1 frá og með 1. desember og í
staðinn mun Magnús Einars-
son sjá um Morgunútvarpið,
tónlistartengdan morgunþátt
á Rás 2. Hvort að það gengur í
samkeppni við Island i bítið og
aðra sterka morgunþætti á eftir
að koma í ljós. Þá hættir Dægur-
málaútvarpið á Rás 2 en í stað-
inn kemur Síðdegisútvarpið...
Áfram verður fjallað um helstu
mál daglegs lífs þannig að
vandséð er af hverju verið er að
breyta nafninu.
Pað er full ástæða til að óska
sjónvarpsstöðinni Sýn til
hamingju með 10 ára afmælið.
Þetta var fyrsta sérhæfða iþrótt-
arásin í sjónvarpi hérlendis
og var því brotið blað í íþrótta-
fréttamennsku. Beinar útsend-
ingar hafa ætíð verið fyrir-
ferðamiklar i dagskránni og
lengi vel var enski boltinn stolt
stöðvarinnar. I vetur hefur
samkeppnisaðilinn hins vegar
boðið upp á enska boltann og
berast fregnir af því að áskrif-
endur þeirrar stöðvar séu orðn-
ir milli 10 og 12 þúsund. Hvort
það hefur haft áhrif á fjölda
áskrifenda Sýnar er ekki vitað.
Hver skildi bakdyrnar eftir opnar?