blaðið - 24.11.2005, Blaðsíða 15

blaöiö FIMMTUDAGUR 24. NÓVEMBER 2005
I
LESENDUR I 15
Byggðastofnun deyfð af Framsóknarflokknum
n
Sigurjón
Þórðarson
Bág fjárhagsstaða
Byggðastofnunar
hefur verið talsvert í
umræðunni í kjölfar
þess að stjórn stofn-
unarinnar ákvað að
hætta öllum lánveit-
ingum.
Þingmenn stjórn-
arandstöðunnar
vissu af skýrslu um stofnunina, skýrslu
sem ekki var farið að ræða, og um hana
var beðið. Eftir nokkra eftirgangsmuni
tókst að draga skýrslu um framtíðarþró-
un Byggðastofnunar út úr iðnaðarráðu-
neytinu. Efni skýrslunnar hefur ekki
enn sem komið er fengið mikla athygli
í fjölmiðlum og ég er á því að fjölmiðl-
ar hafi í umfjöllun sinni hlaupið yfir þá
miklu gagnrýni sem er að finna í skýrsl-
unni á frammistöðu Framsóknarflokks-
ins í byggðamálum.
1 skýrslunni kemur fram að starfs-
menn og stjórnendur Byggðastofnunar
hafi skilað góðu starfi en að skipulagi
og hlutverki í stjórnkerfinu sem er á
ábyrgð Valgerðar Sverrisdóttur sé veru-
lega ábótavant. Sérstaklega er rakið að
stjórnvöld hafi ekki nýtt krafta stofnun-
arinnar sem skyldi við almenna stefnu-
mótun stjórnvalda.
1 skýrslunni eru rakin raunaleg átök
Kristins H. Gunnarssonar, sem gegndi
starfi stjórnarformanns Byggðastofnun-
ar, og fyrrum forstjóra sem settu innra
starf stofnunarinnar í uppnám.
I umfjöllun um stjórn Byggðastofnun-
ar kemur fram gagnrýni á að hún sé of
fjölmenn og einnig þá staðreynd að vafa-
samt sé að setja starfandi stjórnmála-
menn i stjórn stofnunarinnar. Það er
sagt ýta undir grunsemdir og ásakanir
um að pólitísk sjónarmið ráði ákvörðun
í einstaka málum í stað faglegra sjónar-
miða þar sem jafnræðis væri gætt.
Það er hægt að taka undir margt í
skýrslunni. Ég er á því að ríkisstjórn
Framsóknarflokks og Sjálfstæðisflokks
hafi einmitt ekki viljað að stofnunin
væri með frumkvæði, hvað þá að hún
fjallaði gagnrýnið um vonda stefnu í
byggðamálum.
Ég efast til dæmis um að fulltrúar
þessara flokka hafi fagnað skýrslum
og álitum um hið vonda kvótakerfi sem
hefur lamað sjávarbyggðirnar en þó eru
til dæmi um að einstaka skýrsluhöfund-
ar hafi slysast til að fjalla um þau mál.
Ábyggilega hafa þeir fengið bágt fyrir.
Ég hef einhvern tímann sagt að lands-
byggðin þarfnaðist málsvara í kerfinu. 1
umfjöllun í þinginu koma fram kröftug
álit frá Náttúrufræðistofnun sem ég er
ekki alltaf sammála en er engu að síður
sáttur við.
I álitum Náttúrufræðistofnunar er
oft gefið sterklega í skyn að ákveðin
lagasetning geti verið afdrifarík fyrir
ákveðna dýrategund, t.d. rjúpuna. En
þessu er ekki að heilsa með álit Byggða-
stofnunar þar sem flokkspólitísk stjórn
virðist veikja þá rödd sem berst frá
Byggðastofnun um ýmsar vafasamar
ákvarðanir stjórnvalda, s.s. vonda fisk-
veiðistjórn, hækkun flutningskostnaðar
og hækkun rafmagnsverðs.
Ég vona svo sannarlega að iðnaðarráð-
herra svari ekki gagnrýninni sem fram
kemur í skýrslunni með því að segjast
einfaldlega vera ósammála henni, held-
ur taki mark á gagnrýninni og leiti leiða
til þess að auka sjálfstæði stofnunarinn-
ar, efli hana eins og þarf. Athyglisvert
er að skýrslan kom út í byrjun maí og
af því má ráða að ráðherra byggðamála
hafi alls ekki viljað að þessi gagnrýni
kæmi fyrir sjónir almennings. Þetta
vekur upp þær spurningar hvort ráð-
herrann sitji á fleiri skýrslum, s.s. um
jöfnun flutningskostnaðar.
Höfundur er alþingismaður
Aldraðir á
íslandi
Kjör eldri borg-
ara á íslandi eru
skammarlega lág.
Um þriðjungur
aldraðra, þ.e. um
11.000 manns er
með um 110.000
kr. á mánuði
eða minna og af
þessum peningum þarf gamla fólkið
að greiða 13% skatt. Kaupmáttur ráð-
stöfunartekna gamla fólksins hefur
heldur ekki fylgt kaupmætti launa-
fólks skv. nýjum útreikningum
Landsambands eldri borgara, sem
samráðsnefnd um öldrunarmál
sem í sitja fulltrúar frá fjármála-
ráðuneytinu og heilbrigðis- og trygg-
ingarmálaráðuneytinu hafa staðfest.
Fasteignagjöld og skattlagning eftir-
launafólks er allt of þungur baggi á
eldri kynslóðinni. Lyfjakostnaður
og margvíslegur kostnaður vegna
sjúkdóma sem leggst á fólk þegar
það eldist er gríðarlega hár. Hjúkr-
unarrými eru af skornum skammti
og ég gæti haldið áfram lengi og við
vitum þetta, en viljum við virkilega
hafa þetta svona?
Öll eigum við foreldra, ömmur
og afa sem unnið hafa baki brotnu
að því að gera ísland að því samfé-
lagi sem það nú er. Viljum við koma
svona illa fram við þetta fólk? Ég
efast stórlega um að nokkur vilji að
nákominn ættingi hafi það skítt en
eldri kynslóðin vill gleymast þegar
veitt er úr pottinum. Ég byrjaði
mjög ung að leggja til hliðar í viðbót-
arlífeyrissparnað til að tryggja það
að ég persónulega muni ekki hafa
það svo slæmt í ellinni, en eldri borg-
arar núna höfðu ekki þennan val-
möguleika. Einnig var kerfið annað
á þeirra yngri árum og konur á
margfalt lægri launum en karlar, en
eigum við að refsa þeim fyrir það?
Nei, við eigum að sjá sóma okkar í
að hugsa vel um þetta fólk. Þetta fólk
byggði upp landið og þá velsæld sem
nú er og á skilið að líða vel í ellinni
en ekki vera með hnút í maganum
vegna fjármála. Það er einnig nauð-
synlegt að upphefja þennan hóp í
stað þess að niðurlægja hann eins
og gert er t.d. með því að kalla eldri
kynslóðina ellilífeyrisþega en ekki
eftirlaunafólk. Mér finnst einnig aga-
legt að heyra af eldra fólki sem þarf á
aðhlynningu að halda og kemst inn
á hjúkrunarheimili og er þá kallað
„vistmaður" og af því eru teknir allir
þeirra peningar og þeim borgaðir
„vasapeningar“ og skiptir þá engu
hve miklar ráðstöfunartekjur fólkið
hefur. Einnig borgar það sömu pró-
sentu af ráðstöfunartekjum sínum
til hjúkrunarheimilisins sama hvort
það deilir herbergi með öðrum eða
er í sér herbergi. Mér finnst þetta
skammarlegt fyrir eina af ríkustu
þjóðum heims. Mín tillaga er sú
að haft sé meira samráð við Lands-
amband eldri borgara um málefni
þeirra þegar um þau er fjallað.
Fjóla María
Ágústsdóttir
www.tikin.is

• ,
Betri notaðir Corotla í toppformi,
www.toyota.is
Corolla Sedan á kostakjörum.
Betri notaðir Corolla Sedan eru bestu kaupin í nóvember og eru langt mikið dekraðir og undir stöðugu eftirliti. Ef þú vilt úthaldsmikinn bíl á
frá því að vera útkeyrðir. Sem fyrrverandi bílaleigubílar hafa þeir verið hagstæðu verði fyrir veturinn þá er Corolla Sedan bíllinn fyrir þig.
^=Glitnir
* m.v. 10% útborgun og 75 mánaða bílasamning hjá Glitni. Gildir aðeins út nóvember.
BETRI NOTAÐIR BÍLAR TOYOTA
Áhyggjulaus og örugg bílaviðskipti - strangt skoðunarferli, 14 daga skiptiréttur, ókeypis skoðun eftir 1000 km, allt að 1 árs ábyrgð.
Toyota
Nýbýlavegi 4
KÓPAVOGUR
Sími: 570-5070
Toyota Akureyri
Baldursnesi 1
AKUREYRI
Sfmi: 460-4300
Toyotasalurinn
Njarðarbraut 19
REYKJANESBÆR
Sími: 421-4888
Toyotasalurinn
Fossnesi 14
SELFOSS
Sfmi: 480-8000