blaðið - 24.08.2006, Blaðsíða 16

16 I ÁLIT
FIMMTUDAGUR 24. ÁGÚST 2006 blaöiö
blaðiö----
Útgáfufélag: Ár og dagurehf.
Stjórnarformaður: Sigurður G. Guðjónsson
Ritstjóri: Sigurjón M. Egilsson
Fréttastjórar: Brynjólfur Þór Guðmundsson og
Gunnhildur Arna Gunnarsdóttir
Ritstjórnarfulltrúi: Janus Sigurjónsson
Leifarnar fyrir dóm
Það getur ekki verið hátt risið á saksóknaranum í Baugsmálinu eftir að
hann varð að játa sig sigraðan með helsta kafla eigin ákæru, kafla sem dóm-
stólar hafa ítrekað vísað á bug, en það tók saksóknarann alltof langan tíma
að viðurkenna stöðu sína og gefast upp. Þegar hann gerði það loks varð hann
samt að leggjast svo lágt að strá efasemdum um Jón Ásgeir Jóhannesson og
hvort hann sé raunverulega sekur eða saklaus af þeirri ákæru sem saksókn-
arinn er nú neyddur til að viðurkenna að hefur ekkert með refsilög að gera.
Hið opinbera hefur rannsakað nóg í Baugsmálinu og hefur gert meira en
gott þykir. Eftir alla þá fyrirhöfn og alla þá peninga sem varið hefur verið til
málsins er það býsna snautlegt sem eftir stendur og verði saksóknaranum
að góðu að berjast með leifarnar af Baugsmálinu í dómsölunum. Verst er að
hann getur ekki útkljáð málið einn síns liðs, hann þarf sakborninga og það
er verst fyrir þá að þurfa að taka lengur þátt í þessum ótrúlega farsa sem
Baugsmálið er.
Hvort Baugsmenn hafi tekið lán, flutt inn bíla eða sláttuvélar og svo fram-
vegis er smámál miðað við þörfina á að rannsakað verði hvernig Baugsmálið
varð eins stórt og raun ber vitni um og ekki síður hver aðdragandi málsins
var og hvers vegna það fékk forgang á flest annað. Frá upphafi hafa fleiri
en Baugsmenn fundið að málsmeðferðinni. Dómstólar hafa ítrekað smánað
vinnu saksóknaranna beggja og það hlýtur að vera rannsóknarefni hversu
lengi málinu var framhaldið, ekki síður en hvers vegna það upphófst.
Það er alkunna að upphaf kærunnar á hendur Baugsmönnum er hjá fólki
sem síðar hefur ekki komið formlega við sögu málsins. Annað er ómögulegt
en að þeir sem hafa verið bornir sökum af hálfu hins opinbera geri allt sem
þeir geta til að kanna hvað varð til þess að veik kæra eins manns leiddi til
alls þess sem á eftir fylgdi. Það er þörf á að Baugsmálið verði þeim sem fara
með hið mikla vald saksóknara minnisvarði um að valdinu fylgir alvara og
því verður að beita af varúð og skynsemi.
Rannsakendur hafa alla tíð brugðist illa við þegar þeir hafa verið sakaðir
um að taka við tilskipunum um framgang Baugsmálsins, en margir hafa
sakað lögregluna um að vera undirlægju í málinu. Það er þess vegna óskandi
að lögreglan vilji sanna sakleysi sitt og taki þátt í að skýra hvers vegna málið
varð að þeim óskapnaði sem raun hefur orðið á.
Tilgátur um pólitísk afskipti af Baugsmálinu hafa alltaf verið uppi. Þær
verða það þar til annað sannast, þannig er það. Ekki má gleymast að þá-
verandi forsætisráðherra, Davíð Oddsson, svaraði á þann veg, þegar hann
var spurður um hvort pólitík hafi haft áhrif á Baugsmálið, að ef svo væri
myndu dómstólar einfaldlega vísa málinu frá. Það hafa þeir gert, ekkert er
eftir nema bragðlausar leifar, sem eru nánast níð um þá sem hafa talað fyrir
sök í málinu, fórnað ómældum peningum og krafti í mál sem nánast ekkert
er og fjöldi manns hefur varað við þeim málalokum sem nú eru orðin að
veruleika.
Sigurjón M. Egilsson.
Auglýsingastjóri: Steinn Kári Ragnarsson Ritstjórn & auglýsingar: Hádegismóum 2,110 Reykjavík
Aðalsími: 510 3700 Símbréf á fréttadeild: 510 3701 Símbréf á auglýsingadeild: 510 3711
Netföng: bladid@bladid.net, frettir@bladid.net, auglysingar@bladid.net
Prentun: Prentsmiðja Morgunblaðsins Dreifing: íslandspóstur
ýorr,
Fultelduðu kjúklingabitarnir frá Matfugli á grillið, í ofninn eða á pönnuna.
Með hverjum bakka fylgir Léttsósa frá Salathúsinu.
- Á grillið i örfáar minútur og maturinn er til!
JpL VJA..-TJÚ ET<P BiÍN/R
m fíwkavæt)A bæjarútgfrðtjva,
WfJKWA, SíMAtftí, G/ElW^RASórtKvÍMA
í l-ÍRÍSFY C& ÆTLfl /W
EitifáV/em -RÚV
Halldór Baldursson teiknari er ífríi. Því eru endurbirtar teikningar hans.
Stéttlaus grunnskóli
er stærsta auðlindin
Stærsti kostur grunnskólans
okkar er að hann er stéttlaus og það
eru ein mestu verðmæti okkar sem
þjóðar. Búseta ræður inntöku barna
í skóla, ekki efnahagur eða efnaleg
staða foreldra. Nema þá hvað varðar
val á búsetu i einstökum hverfum
en sem betur fer blandast þetta bæri-
lega að mestu.
Börnin okkar standa við sömu
ráslínu þegar skólaganga þeirra
hefst. Stéttlaus grunnskóli er grund-
völlur sanngjarns og góðs samfélags
þar sem jöfnuður og virðing fyrir
einstaklingum er undirstaðan; nor-
ræna módelið að samfélagi manna.
Þetta er og á að vera flagg og leiðar-
ljós allra þeirra sem kenna sig við og
berjast fyrir klassískum norrænum
kratisma einsog hann gerist bestur.
Vísir að vali eftir efnahag
Vísi að vali inn í grunnskóla eftir
fjárhagslegri getu foreldra er að
finna í hugmyndum margra hægri-
manna, svo sem menntamálaráð-
herra landsins. Það er falið í fögru
tali um valfrelsi og einkarekstur í
grunnskólanum. Mikilvægt er að
umræðan sé opin og að við áttum
okkar á því hvað það er áríðandi að
standa vörð um stéttlausan grunn-
skóla og að villuljósin afvegaleiði
ekki.
Ég er viss um að einkareknir
grunnskólar eru ágæt viðbót við
skólaflóru okkar að skýrum skil-
yrðum uppfylltum. Þau eru að ekki
sé um að ræða hverfisskóla, skólinn
mismuni nemendum ekki við inn-
töku út af fötlun, skólinn sé grund-
vallaður á tiltekinni hugmyndafræði
og að ekki séu innheimt viðbótar-
skólagjöld. Það sé samið við sveitar-
félagið um fjármögnum skólans að
fullu. Rétt einsog gert er með Hjalla-
skólann i Garðabæ sem er grundvall-
aður á slíkum samningi.
Kjarni málsins er sá að við
stöndum vörð um stéttleysi grunn-
skólans og að einkarekstur í kerfinu
verði ekki til þess að raska því með
neinum hætti. Því er það grundvall-
aratriði af minni hálfu að grunn-
skólar innheimti ekki skólagjöld.
f*
á w i
1 §§1 Viðhctrf
Björgvin G. Sigurðsson
Til að bæta grunnskólann enn
frekar á síðan að leggja niður sam-
ræmd lokapróf og efla starfsnám
innan skólans. Samræmdu prófin
hafa fleiri galla en kosti og gegna því
hlutverki helst að vera inntökupróf
fyrir framhaldsskólana. Aðrar leiðir
er hægt að fara til að þjóna því marki.
Gallinn við prófin er sá að þau raða,
flokka og búa til tapara eftir tíu ára
skólagöngu. Þau hafa slæm áhrif á
börnin. Þessvegna á að leggja þau af
sem lokapróf úr grunnskólanum.
Árangur og framlög
Grunnskólinn okkar hefur batnað
verulega eftir að hann var færður til
sveitarfélaganna. Það hefur sannast
að umhyggja þess stjórnvalds sem
stendur íbúunum nær er til muna
meiri fyrir skólastiginu heldur en
ríkisins. Framlög til skólastigsins
hafa aukist verulega og eru þau svo
ríkuleg að vegna þeirra hafa fram-
lög þjóðarinnar til menntamála auk-
ist mikið.
Framlög til framhaldsskólans eru
á móti of lítil sem t.d. bitnar á verk-
námi og starfsmenntun hverskonar
sem er kostnaðarsamari menntun
er bóknámið.
Nú þegar tíu árgangar og yfir
44.000 þúsund skólabörn setjast á
skólabekk er nauðsynlegt að fram
fari umræða um kosti og galla
grunnskólans. I samanburðarrann-
sóknum á borð við Pisa-könnunina
er árangur grunnskólans ekki eins
og best verður á kosið. Stúlkurnar
standa sig vel og betur en dreng-
irnir. Sérstaklega hallar á drengi á
landsbyggð og við þurfum að finna
leiðir til að drengjunum líði betur í
skólanum. Það er lykill að farsæld
þeirra í framtiðinni og að þeir skili
sér inn í framhaldsskólann og ljúki
þaðan prófi.
Til að ná betri árangri i skólanum
þarf einnig að efla kennaramennt-
unina einsog hugmyndir eru uppi
um að gera i Kennaraháskóla Is-
lands. Þær framsæknu hugmyndir
Ólafs Proppé og félaga munu án efa
skila okkur enn betri skóla innan
nokkurra ára.
Höfundur er þingmaður Samfylkingarinnar í
Suðurkjördæmi.
Klippt & skorið
Nokkur umræða hefur að undanförnu
spunnist um þá þjóðhyggju, sem ión
Sigurðsson hefur boðað að verði
leiðarljós sitt og Framsóknar
tíðinni. Hann hefur svo út-
skýrt nánar við hvað hann
á með þessu nýja hugtaki
í íslenskri stjórnmálafræði
og sagt að þar byggi hann
á gömlum grunni, sem
engum eigi að koma á óvart
en vísað á bug athugasemdum um að þar sé á
ferðinni einhver grein þjóðernishyggju síðustu
aldar, eins og sumir þóttust skilja hann. Þetta
er svo sem allt satt og rétt hjá Jóni. Þetta eru
gamlar hugmyndir og koma nazisma ekkert
við. En þær eru nú samt frá Þýskalandi. Þessi
þjóðernisrómantík hans Jóns ber nefnilega
öll merki þess að vera sótt beint í smiðju
til þýska heimspekingsins Johanns Gott-
frieds Herder, sem fæddist árið 1744 í bænum
Mohrungen í Austur-Prússlandi og kynntist
t.d. Immanuel Kant á námsárum sínum í Kön-
igsberg. Hugmyndir Herders snerust um að
kasta ekki hinu þýska og þjóðlega fyrir frönsku
upplýsinguna, sem þá flæddi yfir álfuna. Auö-
vitað eigum við að halda f hið þjóðlega, en við
verðum að vona að Jón vilji ekki stemma stigu
viðupplýsingunni.
að var athyglisvert í gær að lesa vel
unnar fréttir og fréttaskýringu Við-
skiptablaðsins á umbrotum á blaða-
markaði í Danmörku, en þar í landi eru fslend-
ingar sem kunnugt er að reyna að hasla sér
völl með útgáfu fríblaðs með Fréttablaðið að
fyrirmynd, en óljóst er á þessari stundu hverjir
verði eigendur, þó talið sé víst að Dagsbrún og
Baugur muni eiga að minnsta kosti helming.
Óhætt er að segja að danskri blaðaútgefendur,
sem sitja á fletum fyrir, hafa ekki tekið hinum
íslensku aðkomumönnum fagnandi og hafa
þeir brugðið á það ráð að gefa út eigin fríblöð
á undan (slendingunum og
hinna dönsku þjóna þeirra.
En það er merkilegt að lesa
það haft eftir Karli Pétri
Jónssyni, aðstoðarmanni
Gunnars Smára Egils-
sonar, forstjóra Dagsbrúnar,
að sér finnist erfitt að taka hin nýju fríblöð Dan-
anna alvarlega sem keppinauta, að sínu viti sé
þar um hreina skemmdarverkastarfsemi að
ræða. Já. Jæja. Hver er nú óboðinn veisluspillir
í teboði hjá hverjum?
andres.magnusson@bladid.net