blaðið - 24.08.2006, Blaðsíða 35

Elís Pétursson verslunarstjóri
Ánægður með nýju búðina.
Tónleikaröð
endar
Nú er hið eiginlega sumar á
enda runnið eða þar um bil.
Tónleikaröð The Reykjavík
Grapevine og Smekkleysu hefur
fengið að dafna og þroskast á
hinum ört vaxandi tónleikastað
Café Amsterdam og núna síðast
í nýjum húsakynnum Gallerís
Humar eða frægð. Tónleikaröðin
hefur staðið yfir á fimmtudögum
í allt sumar. Nú í kvöld munu
stíga á stokk hljómsveitirnar
Pants Yell, Mr. Silla & Mongoose
og The Juliet Kilo. Dagskráin
hefst kl. 21 á Café Amsterdam
og er 500 króna aðgangseyrir.
Dansinn
dunar á Sirkus
Barinn Sirkus, sem lúrir í lág-
reistu, bláleitu húsi við Klapp-
arstíg, er mörgum kær. Fyrir
dansþyrsta borgarbúa er tilvalið
að leggja leið sína þangað í
kvöld en DJ Thor úr hljómsveit-
inni Cocktail Vomit mun trylla
þar lýðinn með Italo Disco og
elektro house. Búast má við að
sjá vel vaxna pilta með yfirvara-
skegg og stúlkur í rauðum sokka-
buxum taka sporið. Fjörið mun
hefjast um kl. 21 og dansinn
mun duna fram til kl 1.
Mynd/Mdá
Verslun Smekkleysu flytur
Ekki lengur flúorbirta og logn
Utgáfufyrirtækið Smekk-
leysa hefur verið áber-
andi í íslenskum tón-
listarbransa svo lengi
sem elstu menn muna.
Þeir hafa á sínum snærum margar
efnilegustu hljómsveitir landsins
og má sem dæmi nefna hina kröft-
ugu krakka í Mammút. í kvöld
mun Smekkleysa opna verslun að
Klapparstíg 25 þar sem fatabúðin
Spútnik var áður til húsa. Verslun
Smekkleysu hefur fram að þessu lúrt
í kjallara Kjörgarðs við Laugaveg, trú
og trygg en látið fremur lítið fyrir sér
fara. Með flutningunum á þennan
frábæra stað má reikna með að gest-
um búðarinnar fjölgi til muna og við-
skiptin muni rjúka upp úr öllu valdi.
Elís Pétursson ræður lögum og lof-
um innan virkisveggja Smekkleysu-
verslunarinnar. „Við höfum staðið í
flutningum undanfarna daga og er
að mörgu að hyggja í því sambandi.
Við höfum þurft að dy tta að ýmsu og
m.a. setið sveittir við að mála gólfið
og gera rýmið sem vistlegast. Pláss-
ið er aðeins minna á nýja staðnum
en mun huggulegra og aðgengilegra
í alla staði. Það er líka gaman að
koma upp á yfirborðið. I kjallaran-
um í Kjörgarði var alltaf flúorbirta
og logn hvernig sem viðraði," segir
Elli kampakátur með nýju staðsetn-
inguna í hjarta miðborgarinnar.
Smekkleysa mun vera í góðum
félagsskap mikilla andans manna
á Klapparstíg en fatabúðin Elvis
og ljóðabókaverslun Nýhils munu
flytja með og stunda sín viðskipti
í sama rými. Nýhil hefur um nokk-
urt skeið dvalið með ljóðabókaversl-
un sína í kjallara Kjörgarðs. „Þetta
fyrirkomulag er mjög hentugt og
það eykur á stemninguna að hafa
skemmtilegt fólk á staðnum. Við
vorum að kúldrast einir í okkar
horni og Krummi einn að selja föt í
sinni búð þannig að okkur fannst til-
valið að slá saman í glæsilega verslun.
Samstarfið við Nýhil hefur gengið
prýðilega í kjallaranum og þeir koma
með okkur líka,“ segir Elli. Verslun-
in verður opnuð í kvöld kl. 19 og má
búast við miklu húllumhæi ef þekkja
má piltana í Smekkleysu rétt. „Það
verður heilmikið um að vera hjá okk-
ur af þessu tilefni og við hlökkum til
að opna formlega áþessum nýja stað.
Við verðum með hressan plötusnúð
og bjóðum gestum upp á léttar veit-
ingar. Svo munu Mr. Silla og Mongo-
ose skemmta gestum fram til kl. 22.“
segir Elli verslunarstjóri að lokum.
blaöið FIMMTUDAGUR 24. ÁGÚST 2006
Forseti deyr
Þennan dag, árið 1954, framdi Getúiio Dornelles Vargas, forseti
Brasilíu, sjálfsmorð. Hann gegndi embætti forseta lands-
ins 1930-1945 og svo aftur frá 1950 til dauðadags.
Síðustu dagar útsölunnar
Enn meiri verðlækkun!
Mikið úrval af skólafatnaði
Jakkaföt frá 7.990
Shine gallabuxur allar á 5.900
Stakir jakkar frá 4.900
Peysur frá 2.990
Stuttermaskyrtur frá 1.990
Gallabuxur frá 890 - ódýrari en í Rúmfatalagernum!
Firði Hafnarfirði | Sími 565 0073
Opið til kl. 19 á föstudag og kl. 17 á laugardag
Herra
Miarförður