blaðið - 02.12.2006, Blaðsíða 58
58 LAUG/
IMBER 2006
blaöiA
Ljós tendruð á Hamborgartré
Ljósin verða tendruð á Hamborgartrénu á Miðbakka Reykja-
víkurhafnar klukkan 17 í dag. Flutt verða ávörp og unglinga-
kór Dómkirkjunnar syngur jólalög undir stjórn Kristínar
Valsdóttur. Á eftir verður boðið upp á heitt súkkulaði
og meðlæti í Hafnarhúsinu.
fm.
Syngjandi jól í Hafnarborg
Um 30 kórar taka þátt í hátiðinni Syngjandi
jólum í Hafnarborg í Hafnarfirði í dag en þetta er
í tíunda skiþti sem hátíðin er haldin. Dagskráin
hefst klukkan 10 um morguninn og stendur
fram á kvöld.
helgin@bladid.net
Opið í Gleri
í Bergvík
Opið hús verður í glerblástursverk-
stæðinu á Kjalarnesi í dag og á
morgun, sunnudag, klukkan 10
til 15. Sigrún og Ólöf Einarsdætur
munu sýna glerblástur ásamt gesta-
blásurunum Jette Boge Sorensen
og Camilla Mikkelsen frá Dan-
mörku. Á laugardagsmorgun munu
félagar úr Vinabandinu einnig
leika á munnhörpu og gítar. Boðið
verður upp á kaffi og piparkökur,
útsala verður á útlitsgölluðum gler-
munum og afsláttur á öðru gleri.
Verkstæðið er milli Klébergsskóla
og Grundarhverfis.
MMMM...GLOÐADUR
| Möst á djamminu |
I Opið til kl. 05:00 á laugardags og j
til kl. 07:00 á sunnudagsmorgnum i
Lækjargata 8
Jólasýning Árbæjarsafns á morgun
Jólahald fyrr á tímum
Fólki gefst kostur á að hverfa
aftur í tímann á Árbæjarsafni á
morgun og kynna sér jólahald hér
á landi fyrr á tímum. Jólasýning
safnsins hefur fest sig í sessi á und-
anförnum árum og margir koma ár
eftir ár að sögn Helgu Gylfadóttur,
starfsmanns húsadeildar. „Hingað
kemur fólk á öllum aldri og börnin
hafa líka gaman af því að fá að taka
þátt í þessu,“ segir Helga.
Hangikjöt og laufabrauð
Flest húsin verða opin og í þeim
verður boðið upp á sýningar og við-
burði sem tengjast jólunum.
„í Hábæ er fólki til að mynda boð-
ið að smakka nýsoðið hangikjöt
og þar er einnig maður að skera
út jólaskraut. Það verður skorið út
laufabrauð í Árbænum, föndrað
í Kornhúsinu og í húsinu sem áð-
ur stóð á Suðurgötu 7 er verið að
sýna jólahald heldra fólks eins og
það var upp úr 1900“ segir Helga
og bætir við að flest húsin verði
skreytt jólaskrauti frá þeim tíma
sem sýningarnar í þeim sýna.
Jólasyeinarnir ákváðu
að líta aðeins fyrr við
hjá okkur. Þetta eru
þessir gömlu og góðu
sem eiga til að vera
svolitlir hrekkjalómar
Jólasveinar á ferð
Jafnframt verða hestvagnar á
ferð um safnsvæðið og klukkan 15
verður efnt til jólatrésskemmtunar
á torginu.
„Jólasveinarnir ákváðu að líta að-
eins fyrr við hjá okkur. Þetta eru
þessir gömlu og góðu sem eiga til
að vera svolitlir hrekkjalómar," seg-
ir Helga og bætir við að þeir séu
samt hin vænstu skinn og góðir
inn við beinið. „Við höfum stund-
um fengið Kjötkrók hingað og
hann hefur viljað ræna hangilær-
inu okkar í Árbænum og hlaupa
með það í burtu en hann skilar því
nú alltaf aftur."
Guðrún Helgadóttir kemur einn-
ig í heimsókn og les úr nýjustu bók
sinni klukkan 14. og á sama tíma
verður guðsþjónusta í safnkirkj-
unni.
Sýningin verður opin frá klukk-
an 13 til 17 á morgun og á sama
tíma sunnudaginn 10. desember.
Hrekkjóttir jólasveinar Gömlu
íslensku jólasveinarnir láta sig
ekki vanta á Jólasýningu Árbæjar-
safns á morgun.
Söngleikur um Jósef
Söngleikur um Jósef frá Nasaret Björgúlfur Egilsson tónlistarmaöur, Jón
Benjamín Egilsson leikskáld og Vilhjálmur Hjálmarsson leikstjóri standa að
söngleik um Jósef frá Nasaret sem frumfluttur verður á Grand Rokk
annaö kvöld.
Leikhópurinn Peðið frumsýnir á
morgun söngleikinn Jólaperu - helgi-
leikinn um Jósef frá Nasaret á Grand
Rokk. Verkið er byggt á Jólaguðspjall-
inu og í því er sjónum beint að stöðu
Jósefs sem hefur hingað til fallið
nokkuð í skuggann af öðrum sögu-
hetjum guðspjallsins. Jón Benjamín
Einarsson er höfundur verksins en
um leikstjórn sér Vilhjálmur Hjálm-
arsson. Vilhjálmur segir að í með-
förum leikhópsins verði Jósef ekki
ólíkur hefðbundnum íslendingi og
því ættu margir að geta samsamað
sig við hann.
Vinnur myrkranna á milli
„Eins og við sjáum hann þá er þetta
maður sem vinnur myrkranna á
milli við að halda heimili fýrir ólétta
konu og er síðan dreginn til Betlehem
þar sem þau þurfa að gista í fjárhúsi
og konan elur barn. Það er búið að
ýja að því við hana að eitthvað muni
gerast en hún tekur þessu öllu með
jafnaðargeði. Hann fær yfir sig hóp
af englum og vitringum og konan
er ólétt eftir mögulega einhvern ann-
an. Hvernig líður þá manngreyinu?"
spyr Vilhjálmur sem býst ekki við að
þessi nýstárlega nálgun á guðspjallið
komi til með að valda hneykslan eða
fara fyrir brjóstið á fólki.
„Þetta er fyrst og fremst góð
skemmtun á aðventunni. Ég veit
ekki með yngstu börnin en allir aðr-
ir ættu að geta haft gaman af þessu,“
segir hann.
Fastagestir á öllum sviðum
Fastagestir Grand Rokk koma að
uppfærslunni frá öllum hliðum, allt
frá því að hanna leikmynd og bún-
inga til þess að semja tónlist og leika.
Magnús R. Einarsson og Björgúlfur
Egilsson semja tónlistina og flytja
hana ásamt Stuðmanninum Tómasi
Tómassyni.
Guðmundur Hreiðarsson fer með
aðalhlutverkið í sýningunni og læt-
ur Vilhjálmur vel af frammistöðu
hans.
„Þetta er hans fyrsta hlutverk á
sviði eftir því sem ég best veit og
hann stendur sig með prýði, enda
er hann með dúndurrödd, mikla og
stóra,“ segir Vilhjálmur.
Söngleikurinn verður sýndur
fyrstu þrjá sunnudaga í aðventu
og hefjast sýningar í öll skipti
klukkan 18.