blaðið - 03.03.2007, Blaðsíða 8

8 LAUGARDAGUR 3. MARS 2007
blaðið
UTAN ÚR HEIMI
EÞÍÓPÍA K
Fimmtán ferðamönnum rænt
Fimmtán erlendum ferðamönnum var rænt í norðaustur-
hluta Eþíópíu á miðvikudaginn. Talið er að í það minnsta
ellefu þeirra séu Frakkar, einn sé Breti og einn (tali. Ferða-
mennirnir voru á leið til hins afskekkta Afar-héraðs, um
átta hundruð kílómetra frá höfuðborginni Addis Ababa.
Fyrrum ráðherra talibana handtekinn
Öryggissveitir í Pakistan hafa handtekið Mullah Obaidullah
Akhund, fyrrum varnarmálaráðherra talibanastjórnarinnar
í Afganistan. Mullah Obaidullah er talinn vera einn þeirra
sem hafa stjórnað skæruhernaði talibana í Afganistan að
undanförnu.
AFGANISTAN
Opíumframleiðsla aldrei meiri
Óþíumframleiðsla í Afganistan hefur aldrei verið
meiri en á síðasta ári að sögn talsmanna bandaríska
utanríkisráðuneytisins. Valmúaræktun í landinu jókst
um 25 þrósent á síðasta ári, en níutíu prósent val-
múaræktunar í heiminum fer fram í Afganistan.
Lögregla sinnti ítrekuðum útköllum vegna óláta á menntaskólaböllum:
Svartir sauðir valda usla
Kaupmannahöfn:
20 neituðu að
gefast upp
Rúmlega tuttugu danskir mót-
mælendur settust að á aðalskrif-
stofum danska Jafnaðarmanna-
flokksins í Kaupmannahöfn um
hádegibil í gær. Mótmælendurnir
breiddu út borða þar sem á
stóð: „Þið tókuð hús ungdóms-
ins - nú tökum við ykkar!“
Talsmaður lögreglu segir
að 219 hafi verið handteknir í
tengslum við mótmælin vegna
rýmingar lögreglu á Ungdóms-
húsinu á Norrebro á fimmtu-
dagsmorguninn. Tugir manna
voru leiddir fyrir dómara í
gær og settir í mánaðarlangt
gæsluvarðhald vegna ólátanna.
Helle Thorning-Schmidt, for-
maður danskra jafnaðarmanna,
bað mótmælendurna persónu-
lega um að yfirgefa skrifstofurnar.
Nokkrum klukkustundum síðar
flutti lögregla þó mótmælend-
urna burt úr skrifstofunum.
Nemendur drekka stíft fyrir ball ■ Skemmtilegasta árshátíöin í langan tíma ■ Flestir til fyrirmyndar
Eftir Trausta Hafsteinsson
trausti@bladid.net
„Það var mikil ölvun og vitleysa í
gangi. Lenskan er sú hjá nemend-
unum að drekka stíft áður en þeir
fara inn og þegar inn er komið
verða þau síðan hálfvitlaus. Þau
kunna ekki nógu vel að fara með
þetta,“ segir Gunnar Hilmarsson,
aðalvarðstjórilögreglunnaráhöfuð-
borgarsvæðinu. Tvö menntaskóla-
böll, árshátíðir Flensborgarskóla
og Fjölbrautaskólans við Ármúla,
fóru úr böndunum í fyrrakvöld og
þurfti lögreglan ítrekað að sinna út-
köllum vegna þeirra. „Við þurftum
að fara nokkrum sinnum á hvorn
stað og tveir enduðu hjá okkur í
fangageymslu. Annar þeirra þurfti
að sofa úr sér í fangaklefa þar sem
hann var ekki alveg húsum hæfur,“
segir Gunnar.
Fáir svartir sauðir
Atli Þór Árnason, formaður
nemendafélags Fjölbrautaskól-
ans við Ármúla, segir árshátíð-
ina með þeim betri sem haldnar
hafa verið. Honum finnst leið-
inlegt þegar fáir aðilar skemma
fyrir fjöldanum. „Ég tók nú ekki
Brjalað stuð Nemendur Fjöl-
brautaskólans íÁrmúla skem-
mtu sér konunglega þrátt fyrir
ólæti og afskipti lögreglu.
mikið eftir þessu því ég var bæði
að spila tónlist og dansa eins og
vitleysingur. Auðvitað sá maður
einhverjar stimpingar en gæslan
stóð sig mjög vel,“ segir Atli Þór.
„Mér finnst þetta frekar mikið
miðað við böllin hjá okkur venju-
lega og hjá öðrum skólum. Mér
finnst leiðinlegt þegar lítið brot
gesta reynir að skemma góð böll
því krakkar hafa verið að koma til
mín og segja þetta eina skemmti-
legustu árshátíðina í langan tíma.“
Flestir til fyrirmyndar
Einar Birgir Steinþórsson, skóla-
meistari Flensborgarskóla, er sam-
mála og segir aðeins lítinn fjölda
samkomugesta hafa hagað sér óskyn-
samlega. Hann segir ólætin hafa
verið óveruleg. „Þeir aðilar sem létu
ófriðlega voru gestir 1 samkvæm-
inu og ekki nemendur skólans. Lög-
reglan þurfti að hafa afskipti af þeim,“
segir Einar Birgir. „Við skulum ekki
gleyma því að mörg hundruð gestir
voru á ballinu og kannski fimmtán
Mér fínnst þetla
frekar mikið miðað
við böllin hjá okkur
venjulega
Atli Þór Árnason,
formaður
nemendafélags F.Á.
sem létu illa. Hinir krakkarnir voru
algjörlega glæsilegir og ég er stoltur
af þeim. Ég held að ólætin hafi verið
óveruleg miðað við venjuleg böll
um helgar."

upplýsingamiðstöð
um stærra og
BETRA ÁLVER
íFirðikl. 13:00
Við bjóðum Hafnfirðinga og aðra áhugamenn um
málefni álversins í Straumsvík velkomna við opnun
upplýsingamiðstöðvarinnarí dag kl. 13:00. Karlakórinn Þrestir
og Lay Lowtaka lagið og verður hressing á boðstólnum fyrir
börn og fullorðna.
Upplýsingamiðstöðin verður opin á virkum dögum frá
kl. 14-18 og á laugardögum frá kl. 11-16 þar til kosning um
nýtt deiliskipulag í Hafnarfirði hefur farið fram. Starfsfólk
álversins verður til staðar og veitir upplýsingar og skiptist á
skoðunum við gestkomandi. Lögð verður áhersla á að færa
fram rök fyrir stækkun álversins og sýna fram á hvernig hún
gerir gott álver ennþá betra fyrir eígendur þess, starfsfólk,
Hafnfirðinga og aðra íslendinga.
straumsvik.is
Sími 555 4260 • info@straumsvik.is