blaðið - 03.03.2007, Blaðsíða 13

blaðiö
LAUGARDAGUR 3. MARS 2007 13
Vinaleið í góðu gengi
I Blaðinuþriðjudaginn 27. febrúar
er grein eftir unga móður, Elínu Þór-
hallsdóttur, er hún nefnir „Vinaleið
í ógöngum”. Þar færir hún fram rök
gegn Vinaleiðinni og hefur áhyggjur
vegna þess að dóttir hennar eigi að
fara í grunnskóla næsta haust en
telur verkefnið vera brot gegn rétti
þeirra sem ekki eru í Þjóðkirkjunni.
Síðast en ekki síst spyr hún: „Getur
verið að Vinaleiðin sé grundvöllur
eineltis gegn barni?”
1 fyrsta lagi telur Elín að með
þessu verkefni geti grunnskólalög
verið brotin sem og aðalnámskrá
grunnskóla. Því er til að svara að
Vinaleiðin er tilboð um stuðning
og sálgæslu á forsendum barnsins
sjálfs og forsendum skólans. Þar
er ekki verið að tala um trú eða
trúarhugmyndir nema vitaskuld
barnið bryddi upp á því sjálft.
Starfsfólki kirkjunnar er það ljóst
að forsendur skólans eru að fræða
en ekki að boða lífsviðhorf eða trú.
í þessu sambandi langar mig líka
til að benda þessari ungu móður
á að lengi hefur það tíðkast að
Umrœðan
Vinaleiðin er til-
boð um stuðning
og sálgæslu á
forsendum barns-
ins sjálfs og for-
sendum skólans.
HalldórReynisson
skólar kölluðu til presta og djákna
til að veita börnum stuðning þegar
áföll, t.d. dauðsföll hafa dunið
yfir. Sjálfur hef ég oft staðið í þeim
sporum. Það sem skiptir máli hér er
að hjálpa þeim sem er hjálparþurfi,
en alltaf á hans forsendum.
I annan stað telur Elín sambæri-
legt að hafa fulltrúa Þjóðkirkj-
unnar starfandi innan skólans og
t.d. fulltrúa Votta Jehóva. Undir
þetta get ég ekki tekið. Eins og
áður er nefnt er löng hefð fyrir sam-
starfi Þjóðkirkjunnar og skólans á
ýmsum sviðum. Sú hefð byggir á
sögulegum skyldleika þessara stofn-
ana. Samstarfið byggir á reynslu
og trausti vegna þess að í röðum
kirkjunnar er að finna margt fólk
sem hefur menntun í sálgæslu og
reynslu af starfi með börnum, ekki
síst í tengslum við áföll og sorg.
I þriðja lagi segir Elín „trúarbrögð
eru persónuleg og snúa að einkalífi
einstaklinga og fjölskyldna”. Það er
rétt að trú er persónuleg og senni-
lega hafa engir tveir sömu trúna.
Hins vegar skilgreina menn trúar-
brögð yfirleitt sem (þjóð)félagslegt
fyrirbæri. Trúarbrögð eru heildir
sem móta líf stórra hópa, jafnvel
þjóða. f okkar tilviki verður ekki
horft framhjá því að hin kristnu trú-
arbrögð hafa mótað íslenskt þjóðfé-
lag í þúsund ár. Sú mótun hverfur
ekki í einu vetfangi. Og þó verður
ávallt að tryggja rétt þeirra sem að-
hyllast önnur trúarbrögð eða engin.
í samhengi Vinaleiðarinnar hefur
verið reynt að halla í engu rétti
þeirra sem hafa aðra lífsskoðun eða
kæra sig ekki um þá þjónustu.
Loks spyr Elín hvort „Vinaleiðin
sé grundvöllur eineltis gegn barni
ef það tilheyrir ekki Þjóðkirkjunni?
Ef einn er ekki eins og hinir?” Getur
verið að hér sé ákveðin vanþekking
á framkvæmd þessa verkefnis? Hér
er ekki um hópverkefni að ræða
þannig að þeir sem ekki nýta sér
Vinaleiðina verði útundan. Þetta er
verkefni sem þjónustar þau börn
sem biðja um viðtal eða er vísað til
prests eða djákna, með samþykki
foreldra.
Ég veit ekki til þess að börn hafi
liðið fyrir það í skóla eða annars
staðar að standa fyrir utan Þjóðkirkj-
una. Reyndar hef ég heyrt að borið
hafi á slíku gagnvart kaþólskum
börnum - fyrir u.þ.b. einni öld. Því
er það tímaskekkja að grípa til slíks
málflutnings nú. Aukheldur, gengur
ekki allt tal okkar um fjölmenningu
og fjölhyggju út á það að íslendingar
séu mismunandi? Kennum við ekki
umburðarlyndi vegna þess að engir
tveir eru eins?
Vinaleiðin er fyrst og fremst
frjálst tilboð af hálfu Þjóðkirkj-
unnar að miðla úr reynslusjóði
sínum að styðja börn í áföllum og
sorg. Hagur barnsins sjálfs er hér í
fyrirrúmi í anda hans sem kristnin
kennir sig við.
Höfundur er prestur
Umburðarlyndi „Ég veit ekki tii þess að
böm hafi iiðið fyrirþað ískóla eða annars
staðar að standa fyrir utan Þjóðkirkjuna. “
www.volkswagen.is
ma9n bi/a.i
frá 1.490.000 kr
Kostar nú
Fáanlegu
. . . * 'Á yf& sytS&tój
: ■

Umboðsmenn um land allt: Höldur hf.. Akureyri, simi 461 6020 • HEKLA. Borgamesi, simi 437 2100 • HEKLA, Isafiröi, slmi 456 4666 I HEKLA, Laugavegi 172-174, simi 590 5000
HEKLA, Reyöarfiröi, sími 470 5100 • HEKLA, Roykjanesbœ, sími 420 5000 • HEKLA, Setfossi, simi 482 1 416 | www.hekia.is, hektaOheklaJs