blaðið - 24.03.2007, Blaðsíða 56

LAUGARDAGUR 24. MARS 2007
Itroösla
blaðið
Stuffers er hópur fólks með undarlegar langanir sem beinast að
ítroðslu matar en þessi hópur fær sitthvað út úr því að láta aðra
einstaklinga borða svo mikið að magi þeirra standi útblásinn.
Samband sem byggist
á niðurlægingu og kúgun
Með tilkomu Netsins hefur að-
gangur fólks að ýmiss konar efni
aukist gríðarlega og einstaklingar
með vægast sagt undarleg áhuga-
mál eiga auðveldara með að kom-
ast í snertingu við efni sem falla
undir áhugasvið þeirra sem og í
kynni við annað fólk sem deilir
með þeim þessu áhugamáli, sem
þykir kannski ekki boðlegt hverj-
um sem er.
Einn slíkur hópur, sem ekki fer
hátt um, kallast Feeders eða fóðrar-
ar en innan hans er nær eingöngu
að finna karlmenn sem allir eiga
það sameiginlegt að örvast kyn-
ferðislega við tilhugsunina um of-
fitu.
Draumórar eða ofbeldi
Fóðrun eða feederismi er kyn-
ferðislegt blæti sem gengur út á
neyslu risastórra matarskammta.
Sá sem er í hlutverki fóðrara sér
viðtakanda fyrir óhóflegu magni
matar annað hvort í þeim tilgangi
að stuðla að þyngdaraukningu eða
vegna þess að hann nýtur þess að
fóðra annan einstakling.
Fóðrarar eru yfirleitt hópur
manna sem eru helteknir af offeit-
um konum og sækjast stíft eftir
sambandi við einstaídinga sem eru
feitlagnir með það í huga að fita þá
enn meira, en ýmsir klúbbar gera
út á þetta erlendis og á Netinu er
fjöldi netsiðna sem sýna eingöngu
konur sem eiga við offituvanda-
mál að stríða í kynferðislegum eða
klámfengnum stellingum.
Þrátt fyrir að löngunin til þess að
fá annan einstakling til þess taka
hraustlega til matar síns virðist frek-
ar skaðlaus vex sá hópur karlmanna
sem sættir sig ekki eingöngu við
íturvaxna maka. Þessir menn beita
þvingunum til þess að fá maka sína
til þess að innbyrða meiri mat, þá
ýmist með því að hvetja til ofáts eða
þá að þeir ganga svo langt að þvinga
matinn ofan í viðkomandi trekk í
trekk þar til þyngdin er orðin að al-
varlegu vandamáli og þeir sem fóðr-
aðir eru geta hvorki hreyft legg né
lið vegna offitu.
Fóðrun er talin vera ákveðið
form ofbeldis þar sem fóðrarinn of-
elur þolandann eða viðtakandann
Fóðruð Hópur karlmanna sem
kallast fóðrarar eru helteknir af
gríöarlega holdmiklum konum
sem verður að lokum fangi í eigin
líkama. Margir benda þó á að þol-
andinn sé oft samþykkur í upphafi
sambands vegna þess að hann nýtur
þeirrar miklu aðdáunar sem hann
fær frá makanum við hvert kíló sem
hann bætir á sig en oftast eru þetta
einstaklingar sem hafa alla tíð verið
yfir kjörþyngd og hafa litla aðdáun
hlotið frá öðrum fyrir vikið.
Oftast einkennist samband sem
byggist á fóðrun af mikilli kúgun og
þvingunum þar sem höfuðmarkmið
fóðrarans er að ofala þolandann og
gera hann háðan sér að öllu leyti.
Það gerist þegar þolandinn verður
farlama vegna ofþyngdar og þarf
að treysta algjörlega á umsjá mak-
ans dags daglega en fóðrararnir eru
nánast alltaf ráðandi aðilinn í sam-
bandinu.
Afbrigðilegar hvatir
Innan hóps Fat admirers eða of-
fituaðdáenda sem fóðrarar teljast til,
hneigjast þó ekki allir til fóðrunar.
Helsti munurinn á þeim sem eru ein-
göngu fyrir mjög holdmiklar konur
og þeim sem teljast fóðrarar er sá að
þeir síðarnefndu hafa óeðilega þörf
fyrir að fita aðra manneskju. Þrátt
fyrir þessar undarlegu hvatir átta
líklega flestir þessara manna sig á
hættunni sem fylgir þessu og reyna
að fá útrás með öðrum leiðum eins
og með því að skoða myndir eða
lesa svokallaðar Weight Gain Ficti-
ons sem eru skáldsögur þar sem
söguþráðurinn snýst á einhvern
hátt um þyngdaraukningu aðalper-
sónunnar.
Þeir sem hins vegar stunda fóðr-
un af fullum krafti sjá lítið athuga-
vert við það og margir eru þess
fullvissir um að samband þeirra sé
byggt á samþykki beggja aðila þrátt
fyrir að flestum öðrum sé það ljóst
að slíkt samband snúist frekar um
kúgun og niðurlægingu heldur en
neyslu matar.
Feederismi tengist líka oftast af-
brigðilegumkynferðislegumlöngun-
um þar sem fóðrarinn dreymir um
að stunda kynlíf með einstaklingi
sem vegur óeðlilega mikið og örv-
ast ekki nema viðkomandi sé langt
yfir kjörþyngd. Fóðrari hefur því
yfirleitt ákveðin þyngdarmarkmið
í huga og gerir allt hvað hann get-
ur til að koma maka sína í ákveðna
þyngd með því að fóðra hann hvar
og hvenær sem er. Oftast er þyngd-
araukandi efnum bætt út í fæðuna
og sumir ganga jafnvel svo langt að
neyða fitu í fljótandi formi ofan í
mgkann með aðstoð magaslöngu.
Ganga mislangt
Með tilkomu Netsins hefur þessi
hópur átt mun auðveldara með að
nálgast efni tengt þessum fantas-
íum og hefur vöxtur feederisma auk-
ist talsvert á undanförnum árum.
Aðgangur að klámfengnu efni þessu
tengdu er nú orðin mun meiri en áð-
ur en slíkt var upphaflega eingöngu
bundið ákveðnum tímaritum eins
og BUF og Dimensions en fyrsta
klámtengda efnið sem var eingöngu
tileinkað feederisma var fréttabréf
sem kallaðist The Feedlot.
Einstaklingar sem aðhyllast fee-
derisma ganga þó mislangt til þess
að fá útrás fyrir hvatir sínar. Sumir
fóðrarar vilja eingöngu fita einstak-
linga sem eru grannir fyrir á meðan
aðrir hafa það markmið að slá öll
þyngdarmet eins og raunin var með
hjónin Ginu og Mark sem heimildar-
myndin Fat Girls and Feeders (2003)
fjallaði um, en Gina hlaut þann
vafasama heiður að komast í heims-
metabók Guiness sem feitasta kona
í heimi.
Feitasta kona í heimi
I tilviki Ginu var það helsta mark-
mið eiginmanns hennar að gera
hana að feitustu konu í heimi. Mark
var heltekinn af holdafari hennar og
reyndi að fita hana allt hvað hann
gat á sem stystum tlma. Ekki nóg
með það heldur myndaði hann konu
sína nakta svo að aðrir innan þessa
furðulega hóps gætu fylgst með ár-
angrinum.
Gina var feitasta kona í heimi á
sínum tíma en hjónin kynntust í
gegnum einkamálasíðu þegar hún
var 24 ára gömul, en þá vó hún 179
kíló. Mark sem var fráskilinn hafði
yfirgefið fyrri konu sína þegar hún
gerði honum þann óleik að fara í
megrun, sá þarna kjörið tækifæri
þegar hann kynntist Ginu og hóf
fljótlega að bera í hana mat og inn-
an tíðar vó hún hátt i 400 kíló og gat
hvorki gengið né staðið upprétt hvað
þá sinnt vinnu eða heimili. Gina var
því algjörlega háð manni sínum og
var það ekki fyrr en hún hafði verið
við grafarbakkann nokkrum sinn-
um að hún leitaði sér aðstoðar og fór
í magaminnkun en hún vegur í dag
um 190 kíló.
Skaðinn af þessarri offóðrun eig-
inmannsins verður aldrei afturkræf-
ur og er nokkuð ljóst að hann þarf
nú að beina hvötum sínum í annan
farveg eða að minnsta kosti að leita
sér hjálpar.
hilda@bladid.net
ftAtL6<j>7
kjöt
Helgartilboð
T-Bone steik á pönnuna eða í ofninn
á aðeins 2990.- kr.kg