blaðið - 26.05.2007, Blaðsíða 13
blaðið
LAUGARDAGUR 26. MAÍ 2007 13
Norsk-íslenski síldarstofninn innan lögsögunnar.
Styrkir samningsstöðuna
Norsk-íslenski síldarstofninn er
nú í auknum mæli innan íslensku
landhelginnar samkvæmt upplýs-
ingum frá Hafrannsóknastofnun.
„Þetta er mjög jákvætt í tvennum
skilningi aðallega. I fyrsta lagi þá
gerir það veiðarnar hagkvæmari ef
síldin fer að halda sig innan íslensku
lögsögunnar. I öðru lagi styrkir
þetta verulega samningsstöðu
okkar,“ segir Friðrik Jón Arngríms-
son, framkvæmdastjóri Landssam-
bands íslenskra útvegsmanna, um
fréttirnar.
f janúar síðastliðnum náðust
samningar til eins árs á milli Evrópu-
sambandsins, Færeyja, fslands, Nor-
egs og Rússlands um stjórn veiða
úr norsk-íslenska síldarstofninum.
Fram að því hafði stjórn veiða úr
stofninunm verið í uppnámi frá ár-
inu 2003 þegar Norðmenn neituðu
að endurnýja samning sem upphaf-
lega var gerður 1996. „Það var ekkert
með gleði sem við gáfum eftir þetta
rúma prósent frá samningnum 1996
en það er líka lítils virði að eiga háa
prósentu af engu. Það er búið að of-
veiða þennan stofn einu sinni með
skelfilegum afleiðingum. Það er
auðvitað það sem við viljum ekki að
gerist. Nú er hann að byggjast upp
og er orðinn mjög sterkur.“
Vaxandi ólga í Ukraínu:
Togast á um herinn
Viktor Jútsénkó, forseti Úkra-
ínu, fyrirskipaði í gær að 40 þús-
und manna her innanríkisráðu-
neytisins yrði færður undir hans
stjórn. Hann sagði aðgerðina
nauðsynlega til að tryggja þjóð-
aröryggi en vaxandi ólga hefur
verið í landinu síðustu vikur.
Ráðuneytið ætlar að hunsa fyrir-
skipun Jútsénkós og segir hana
ólöglega.
Fyrirskipun forsetans kemur í
kjölfar deilna við innanríkisráðu-
neytið í síðustu viku, sem upp-
hófust með því að Jútsénkó lét
ríkissaksóknara landsins víkja
úr starfi þegar hann neitaði að
láta eftir sæti sitt á þinginu, eins
og lög gera ráð fyrir. Innanríkis-
ráðuneytið brást hart við og fyr-
irskipaði óeirðalögreglunni að
yfirtaka skrifstofu saksóknarans.
Jútsénkó sakaði þá ráðuneytið
um að haTa brotið lög.
Mikil valdabárátta hefur átt
sér stað milli Jútsénkós og forsæt-
isráðherrans Viktors Janúkóvíts
frá árinu 2004, þegar Jútsénkó
komst til valda í appelsínugulu
byltingunni. Jútsénkó hefur ít-
rekað sakað Janúkóvíts, sem
þykir hliðhollur yfirvöldum í
Rússlandi, um að reyna að sölsa
undir sig völdin í landinu.
Harðar deilur áttu sér stað
milli Jútsénkós og Janúkóvíts í síð-
asta mánuði þegar sá fyrrnefndi
leysti upp þingið og boðaði til
nýrra kosninga. Þingið hefur virt
ákvörðun forsetans að vettugi, en
líklega munu nýjar kosningar fara
fram þann 24. júní næstkomandi.
.
: ’
Við gerum nýjan 27 holu golfvöll
og frístundasvæði á Indriðastöðum í Skorradal
Kynningatfundur á Indriðastöðum í Skorrada! í dag
Kl. 14:00 Stofnfundur Golfklúbbs Skorradals
Á Indriðastöðum er unnið að uppbyggingua einu glæsilegasta golfsvæði á landinu. Verið er að vinna að 27 holu
golfvelli með fyrsta flokks aðstöðu í einstakri náttúruumgjörð. Allir golfáhugamenn sem vilja gerast stofnfélagar
eru boðnir velkomnir á fundinn. Skráning á www.indridastadir.is
Kl. 15:30 Kynning á framtíðaruppbyggingu Indriðastaðalandsins
Á þessu fallega svæði er hafin sala á lóðum fyrir frístundahús. Lóðirnar eru í hlíðinni fyrir ofan golfvöllinn með útsýni yfir
dalinn og vatnið og til Snæfellsjökuls í vestri og Langjökuls í austri. Deiliskipulag gerir ráð fyrir sveigjanleika í stærð og
gerð húsa. Lóðirnar eru sólríkar og njóta kvöldsólarinnar sérstaklega vel. Stutt er á golfvöllinn og á Indriðastöðum
verður góð aðstaða til íþróttaiðkunar, siglinga, gönguferða og klettaklifurs auk þess sem skilyrði til skógræktar
eru ein hin bestu á fslandi.
Kaffiveitingar á staðnum.
Indriðastaðir eru aðeins um klukkustundarakstur frá höfuðborginni.
Ekið er sem leið liggur í átt að Borgarnesi en í stað þess að fara yfir
Borgarfjarðarbrúna er beygt til hægri rétt áður en komið er að henni.
Ekið eftir vegi númer 50 og síðan er beygt aftur til hægri inn á veg
númer 508 þar til kornið er að vesturenda Skorradalsvatns en þar eru
Indriðastaðir á hægri hönd.