blaðið - 26.05.2007, Blaðsíða 22
22 LAUGARDAGUR 26. MAÍ 2007
blaðiö
HEYRST HEFUR
Gunnþór Ingason,
prestur í Hafnarfjarðarkirkju
Ógæfumenn rændu Biblíu og sálmabók úr Krýsuvíkurkirkju
á dögunum en voru handteknir af tveimur vöskum fulltrúum
yfirvaldsins skömmu síðar. Var lögreglumönnunum boðið til
bænastundar í kjölfarið, sem þökk fyrir greiðann.
HERMANN Hreiðarsson hefur
gengið til liðs við úrvalsdeildarlið
Portsmouth frá sína gamla liði
Charlton. Gerði hann samning til
tveggja ára, en Hermann er 33 ára
gamall. Hermann lék áður með
IBV, Crystal Palace, Brentford,
Wimbledon, og Ipswich
en athygli vekur að
Hermann hefur fallið
með öllum þeim
liðum sem hann
hefur spilað með í
ensku úrvalsdeild-
inni. Segjaþví
gárungar
daga Port-
smouth
vera talda á
næsta tíma-
bili...
FORYSTUHLUTVERKIN ÍFram-
sóknarflokknum virðast komin
á hreint í bili, hvað sem gerist á
miðstjórnarfundinum I næsta
mánuði. Guðni er for(n)maður
og Valgerður verður væntanlega
sjálfkjörin varaformaður, þar sem
enginn annar virðist hafa metnað
til þess starfa. Eflaust verður meiri
barátta um formannsstólinn, en
víst þykir að forystan sé ekki beint
með allra ferskasta móti eins
og hún er nú. Þá er vert að spá
í orð Valgerðar varðandi stefnu
flokksins, sem hún
segir hvorki til
hægri né vinstri,
heldur beint
áfram. Óvíst er
hvort stjórnmála-
skýrendur treysta
sér til þess að
túlka þau orð
Valgerðar svo
eitthvert vit
séí...
ÓNEFNDUR prestur sem þekktur
er fyrir gamansemi talaði ekki alls
fyrir löngu um útrás bankanna og
þá peningjahyggju sem góðærinu
fylgdi. Hann sagði jafnvel óskyn-
samlegt að eiga við þá viðskipti og
varaði fólk við með eftirfarandi
orðum: „Af vöxtunum skuluð þér
þekkjaþá...!“
<302
•r
Gylfi Ólafsson fyrir utan
Neðstakaupstað Sagan
kemur mikið við sögu í starfi
Gylfa Mynd/Benedikt
Blómlegur ferðamannaiðnaður á Vestfjörðum:
Hér er gott að vera"
Eftir Trausta Salvar Kristjánsson
traustis@bladid.net
Gylfi Ólafsson er ungur athafna-
maður sem flutti aftur heim til Vest-
fjarða eftir háskólamenntun. Hann
er framkvæmdastjóri ferðaskrif-
stofunnar Vesturferða á ísafirði og
er annar eigandi Ýmislegs smálegs
ehf. sem fæst við ýmislegt smálegt,
eins og Gylfi segir. Hann er einnig
mikið náttúrubarn.
„Ég kemst ekki af eitt sumar
án þess að eyða einni til tveimur
vikum á Hornströndum, sem er
paradís náttúruunnandans og sann-
kallaður sælureitur. Ég fer þangað
oft og iðulega, bæði í vinnunni sem
fararstjóri og á eigin vegum. Það
má segja að ég þekki staðinn eins
og lófann á mér,“ segir Gylfi sem er
með kennaramenntun frá Háskól-
anum á Akureyri.
„Ég er þó ekki endilega kominn
til að vera því ég sækist eftir frek-
ari menntun og er að skoða ýmsa
valmöguleika hvað það varðar
núna. En á ísafirði er gott að vera
og kemur vel til greina að setjast hér
að í framtíðinni. Ferðamannaiðnað-
urinn hér er í hægum en öruggum
uppgangi og við erum sífellt að
reyna að fjölga járnunum í eldinum,
eins og með því að lengja ferða-
mannatímann. Vesturferðir eru
einar um hituna eins og er í þessari
starfsemi; að setja saman pakka
fyrir erlenda gesti og þjónusta þá
með bátsferðir og slíkt. Við bjóðum
upp á ferðir til Vigur, Hornstranda,
Hesteyrar og Hornbjargs. Einnig
tökum við á móti gestum skemmti-
ferðaskipa, sem er sístækkandi
þáttur í starfsemi okkar. Hingað
koma sífellt fleiri skemmtiferðaskip
á hverju ári og erum við, að ég held,
eina höfnin þar sem komum skipa
fjölgar milli ára, kannski ásamt
Reykjavíkurhöfn,“ segir Gylfi sem
„Flestir kúnnamir okkar
em íslendingar og í raun
er ótrúlegt hversu margir
eru aö koma á Vestfirði í
fyrsta skipti.
er með aðsetur I hinu sögufræga Ed-
inborgarhúsi, sem verið er að færa í
upprunalegt horf.
„Það er rétt. Hér er verið að
vinna á fullu og nóg að gera. Ásamt
Vesturferðum er upplýsingamið-
stöð ferðamanna staðsett hér, sem
og Listaskóli Rögnvalds Ólafssonar.
Einnig er Litli leikklúbburinn með
aðsetur hérna og þá verður hér veit-
ingastaður að auki.“
Gylfi segir ekki mega ofmeta
ferðaþjónustu á íslandi.
„Þetta er blómlegur iðnaður og
framsækinn, en ég held ekki að
ferðaþjónusta ein og sér geti staðið
undir heilum landsfjórðungi. Hér
þarf að ríkja fjölbreytni í atvinnu-
málum eins og annars staðar. Til
þess að ferðaþjónusta geti þrifist
verður að hafa trausta undirstöðu
og hún verður ekki til staðar nema
önnur starfsemi þrífist hér einnig,
hvort sem það er í formi olíuhreins-
unarstöðvar eða einhvers annars.
Einnig má heldur ekki einblína um
of á sjávarútveginn, eins og gert
var lengi. Vélvæðingin er orðin það
mikil að störfum er að fækka. Þá er
erfitt að fá Islendinga til að starfa í
þeim bransa, bæði til sjós og lands.
Því má alveg leita annarra leiða til
að auka fjölbreytnina," segir Gylfi
sem þó segir Isafjörð hafa allt til
brunns að bera fyrir ferðamenn.
„Flestir kúnnarnir okkar eru
Islendingar og í raun er ótrúlegt
hversu margir eru að koma á Vest-
firði í fyrsta skipti. Það eru svo
margir sem bera við slæmum sam-
göngum sem afsökun fyrir að koma
ekki, en í raun hefur vegakerfið lag-
ast mikið á undanförnum árum og
er enn að breytast til batnaðar. Nán-
ast allt Djúpið er malbikað, verið
er að brúa Mjóafjörðinn og þá eru
fyrirhuguð göng til Bolungarvíkur.
Það er llka svo mikið á sjá á leiðinni
þannig að ég hvet sem flesta til að
kíkja hingað."
BLOGGARINN...
Agnes alveg milljón
„Það er varla að maður nenni að eyða
mikilli orku íað ræða svokallaða
fréttaskýringu Agnesar Bragadóttur
sem birtist í Morgunblaðinu ídag.
Flest er þar rangt, annað afbakað og
allt sett fram í ákveðnum tilgangi; til
þess að hafa áhrifá athuröa-
rásina. Þennan leik hefur
Morgunblaðið lengi
leikið gagnvart Sam-
fylkingunni og hvað
ætli þær séu orðnar
margar fréttaskýring-
arnar sem hafa birst
á forsíðu blaðsins um
innanflokksátök þar
og valdatafl?
Björn Ingi Hrafnsson
bingi.blog.is
Ríkisstjórnin
„Margt er á huldu um gerðir nýrrar
ríkisstjórnar. Hún er ekki umhverf-
isvæn, en ráðherra umhverfismála
er umhverfisvæn. Stjórnin er hvorki
gefin fyrir Evrópusambandið né
hefur óbeit á lista vígfúsra þjóða. En
utanríkisráðherra er þó hóflega Evr-
ópu- og friðarsinnuð. Sumt er skýr-
ara. Ríkisstjórnin er velferðarsinnuð
í samanburði viö fyrri ríkisstjórn og
ráðherra velferðar er
skýrt velferðarsinn-
uð. Ég tel líka, að
menntaráðherra
geti áfram komið
að gagni í henn-
ar starfi.
Ut með Alfreð
„Guðlaugur Þór Þórðarson, heilbrigð-
isráðherra, mun öruggtega veita
því sérstaka athygli að hann er með
Alfreð Þorsteinsson, fyrrum borgar-
fulltrúa og stjórnarformann Orkuveit-
unnar, í vinnu. Alfreð var skipaður
formaður framkvæmdanefndar
vegna byggingar nýs Landspitala
- háskóiasjúkrahúss árið 2005. Fáir ef
nokkrir voru harðari í gagnrýni sinni
á störf Alfreðs sem borgarfulltrúa og
þó ekki síst sem stjórnar-
formanns Orkuveit-
unnar og hinn nýi
heilbrigðisráðherra.
Varla mun Guðlaug-
ur Þór hafa áhuga
á því að framlengja
störf Alfreðs leng-
ur en nauð-
synlegt er.
Óli Björn Kárason
A businessreport.blog.is
folk@bladid.net
HVAÐ Var nauðsynlegt að taka
Fir^NST lögreglumennina til bæna?
ÞER?
„Þeir verða að vera í lagi eins og aðrir og átta sig
á lífsgrundvellinum."
Su doku
HERMAN
eftir'Jim Unger
FJÖLSKYLDUPAKKI
10 KJÚKUN6ABITAR MED FRÖNSKUM,
SÓSU 06 SALATI
8 6 5 9 3
5 7 8 • 9
3 6 2
6 8 1 4
2 8 5 7 1
4 5
4 7 2 3
9 3 1 4
3 7
Su Doku þrautin snýst um að raða tölunum frá 1-9 lárétt og
lóðrétt I reitina, þannig að hver tala komi ekki nema einu sinni
fyrir í hverri línu, hvort sem er lárétt eða lóðrétt. Sömu tölu má
aukin heldur aðeins nota einu sinni innan hvers níu reita fylkis.
Unnt er að leysa þrautina út frá þeim tölum, sem uþþ eru gefnar.
Hvað er svona heimskulegt við að
klippa út heilsíðuauglýsíngu?