blaðið - 26.05.2007, Blaðsíða 41

blaðið
LAUGARDAGUR 26. MAÍ 2007 41
Garðar sem man enn þá hvenær
hann ákvað að feta þessa braut.
„Þegar ég var 18 ára ákvað ég að ég
vildi fara og læra söng í Söngskól-
anum í Reykjavík, tók inntökupróf
og stóðst það,“ segir hann og bætir
við að það sama hafi verið uppi á
teningnum þegar hann ákvað að
læra á kornett mörgum árum áður.
„Ég sá einhvern spila á þetta hljóð-
færi í sjónvarpinu og hljóðin sem
komu frá því gripu mig. Ég spurði
foreldra mína hvort ég mætti læra
á það og þau sögðu að ef það væri
það sem ég vildi gera væri það í lagi
þannig að þau studdu okkur alltaf
en ýttu okkur ekki út í neitt sem
ég held að hafi verið alveg „ideal“,“
segir hann.
Margt er líkt með skyldum
Garðar hefur notið þess á eigin
ferli að eiga foreldra sem búa yfir
svo mikilli reynslu og þekkingu af
tónlistarheiminum.
„Báðir foreldrar mínir eru rosal-
ega miklir listamenn og kunna sitt
fag. Ég hef ekki kynnst neinum fyrir
mitt leyti sem kann sitt fag betur en
þau þannig að það er ómetanlegt að
hafa þennan brunn til að sækja í og
geta leitað ráða hjá þeim. Þá er ég
bara að tala um músíkina, burtséð
frá öllu hinu,“ bætir hann við.
Þar sem þeir feðgar bera sama
nafn og eru báðir söngvarar liggur
beinast við að spyrja Garðar hvort
þeir séu líkir sem manneskjur.
„Fólk segir það. Það segir að við
séum mjög líkir í fasi og fyrir mig
er ekki leiðum að líkjast. Ég er voða-
lega stoltur yfir því að fólk skuli
segja það og í rauninni gæti ég ekki
fengið meira „kompliment“. Hann
er mér alger fyrirmynd í söngnum
og í lífinu. Við erum bestu vinir,“
segir Garðar.
Slekkur á sér yfir bíómynd
Garðar segir að það taki á að
koma fram og syngja og því reyni
hann að nota tímann á milli til
að slaka á og hlaða batteríin. „Ef
maður hefur einhvern tíma um-
fram það reynir maður að stunda
áhugamál því að ég held að það sé
hollt að vera ekki bara í vinnunni
allan tímann,“ segir hann.
„Mér finnst voðalega gott að
slökkva á sjálfum mér yfir bíó-
mynd. Þá slekkur maður bara á sér
og horfir á eitthvað. Ég er mikill
kvikmyndakarl, finnst voðalega
gaman að bíómyndum og fer oft
í bíó. Ég og pabbi förum oft í bíó
saman þegar ég er heima og hann
er heima. Það er svo auðvelt að
gera það, sérstaklega þegar maður
er í útlöndum og getur kannski
ekki stundað önnur áhugamál sín
eins og maður vill.
Svo erum við fjölskyldan hesta-
fólk og ég hef áhuga á köfun og
gaman af að skoða stjörnurnar en
eins og ég segi þá er erfitt að stunda
þessi áhugamál þegar maður er
ekki heima. Það er engu að síður
ýmislegt sem maður gerir til að
slökkva á sér og hlaða batteríin.
Þetta er bara eins og með farsím-
ana, maður verður að stinga þeim
í samband og hlaða þá öðru hvoru.
Annars eru þeir gagnslausir,“ segir
hann.
Syngur fyrir 90.000 manns
Þegar blaðamaður hitti Garðar
var hann nýkominn úr upptökum
á myndböndum við tvö lög af nýju
plötunni Cortes, Nessun Dorma
og Hunting High and Low. Upp-
tökurnar fóru fram á Nesjavöllum
í sannkölluðu maíhreti, hífandi
roki og kulda. „Mér finnst voða-
lega gaman að því að gera mynd-
bönd en það getur verið erfitt, sér-
staklega hér heima þar sem veðrið
er eins og það er,“ segir hann.
Ekki tekur nein hvíld við hjá
söngvaranum því að framundan
eru tónleikar, æfingar og önnur
vinna.
Strax á mánudag mun Garðar
syngja breska þjóðsönginn á úr-
síitaleiknum um sæti í ensku úr-
valsdeildinni í fótbolta á hinum ný-
uppgerða Wembley-leikvangi. Um
90.000 áhorfendur munu hlýða
á söng Garðars við það tækifæri
og hefur hann aldrei sungið fyrir
fleiri. „Ég söng á Upton Park hjá
West Ham um daginn og þar voru
35.000 manns þannig að þarna
verða tæplega þrisvar sinnum
fleiri,“ segir Garðar sem er þó
hvergi banginn.
„Ég hlakka mikið til að standa á
miðjum vellinum og syngja fyrir
svona mikinn fjölda. Það verður
upplifun. Þetta er í rauninni eins
og hvað annað. Maður gengur bara
út á sviðið og byrjar. Flóknara er
~það í rauninni ekki. Ef maður er bú-
inn að vinna undirbúningsvinnuna
sem ég er búinn að gera þá er þetta
bara eins og hvað annað,“ segir
Garðar Thór Cortes að lokum.
einar.jonsson@bladid.net

Hlý stemning
og óviájafnanlegt andrúmsloft.
Komdu og njóttu lífsins
á LækjarLrekku.

Alltaf sígild — Alltaf Ijuf
Bankastræti 2 • 101 Reykjavík • sími 551 4430 • fax 552 8684
info @ laekjarbrekka.is • www.laekjarkrekka.is