blaðið - 12.07.2007, Blaðsíða 2

2
FRÉTTIR
FIMMTUDAGUR 12. JÚLÍ 2007
Þurrkar
Garðúðarar
seldust upp
Regnleysið er farið að segja til
sín og víða í Reykjavík er gras
farið að gulna og sumarblóm
að fölna. Þórólfur Jónsson,
garðyrkjustjóri Reykjavíkur,
segir að mikilvægt sé að vökva
nýlagðar túnþökur og sum-
arblóm svo þau drepist ekki
í þessari þurrkatíð. Þeir sem
eiga eftir að fjárfesta í garðúð-
ara eru hins vegar ekki í góðum
málum þar sem þeir eru vand-
fundnir vegna mikillar sölu.
í Húsasmiðjunni fengust þær
upplýsingar að sala á garðúð-
urum hefði fjórfaldast og þeir
eru nú uppseldir.
Einnig hefur sala á pallaefni
aukist mikið. „Sólin æsir alla
upp. Þá rjúka allir til og reyna
að taka til í kringum húsin hjá
sér,“ segir Kristinn Jónsson,
sölumaður í þjónustuveri
Húsasmiðjunnar.
hbv
Sló mann með
bjórflösku
Héraðsdómur Austurlands
dæmdi í fyrradag konu á
þrítugsaldri í fimm mánaða
fangelsi fyrir tvær líkams-
árásir. Haldi hún skilorð í þrjú
ár skal fresta fullnustu tveggja
mánaða af refsingunni.
Árásirnar áttu sér stað á
Fáskrúðsfirði í júlí í fyrra.
Var hún fundin sek um að
hafa slegið til manns með
bjórflösku og að hafa veitt
annarri stúlku áverka. Konan á
nokkurn sakaferil að baki fyrir
margvísleg brot, meðal annars
fyrir þjófnað og fíkniefnabrot.
Dómurinn tók tillit til þess að
konan játaði brot sitt greiðlega.
mge
Njálsgötuheimili til reynslu í ár
íbúar Njálsgötu gengu í gær á
fund Vilhjálms Vilhjálmssonar
borgarstjóra. Var ætlunin að
reyna að snúa fyrirætlunum um
að taka í notkun heimili fyrir
heimilislausa drykkjumenn á
Njálsgötu 74. „Við erum ekki
bjartsýn á að nokkuð breytist.
Borgarstjóri lýsti því yfir að
hann vildi gera tilraun með
heimilið í að minnsta kosti ár,“
segir Kristinn Örn Jóhannesson,
annar tveggja fulltrúa íbúa í sam-
ráðsnefnd. „Það eru vissulega
vonbrigði að við skulum ekki
hafa náð að snúa honum á okkar
sveif en málið verður endanlega
afgreitt í borgarráði í dag.“
Náðist á flótta
19 ára ökumaður var stöðvaður
í miðborginni í fyrrinótt þar
sem hann var grunaður um að
vera undir áhrifum fíkniefna.
Pilturinn virti stöðvunarmerki
lögreglu en reyndi síðan að
komast undan á hlaupum. Hann
var handsamaður og færður til
skýrslutöku.
Miklir möguleikar
eru í þorskeldinu
■ Stjórnvöld sögð áhugalaus um þorskeldið ■ Telja eldisþorskinn vera betri afurð
Ár 2005 2006
Noregur 7.500 tonn 11.100 tonn
ísland 880 tonn 1.400 tonn
Eftir Elias Jón Guðjónsson
elias@bladid.net
Til lengri tíma litið getur eldis-
þorskur keppt við villtan þorsk en
fyrst þarf mikil og kostnaðarsöm
þróunarvinna að fara fram. I mót-
vægisaðgerðum ríkisstjórnarinnar
er ekki að finna aukna áherslu á
þorskeldi. Þórarinn Ólafsson, sjáv-
arútvegsfræðingur hjá Hraðfrysti-
húsinu Gunnvöru í Hnífsdal, segir
stjórnvöld ekki hafa sinnt þeim
metnaði sem er í greininni nægjan-
lega vel.
Vill sjá aukinn áhuga stjórnvalda
Þórarinn telur að í mótvægisað-
gerðum ríkisstjórnarinnar vegna
niðurskurðar þorskkvótans hefði
átt að gera ráð fyrir stórauknum
framlögum til rannsókna á þorsk-
eldi. „Þorskeldið getur alveg klár-
lega komið til móts við skerðingu á
afla veiddum úti á sjó í framtíðinni,“
segir Þórarinn og bætir við: „Það er
nauðsynlegt að hið opinbera auki
framlög til þróunar á þorskeldi því
það hefur setið eftir. Þetta er þró-
unarvinna og því óhemjudýr. Því
miður hafa stjórnvöld ekki fylgt
eftir þeim metnaði sem verið hefur
í greininni.“ Þórarinn kveðst vera
orðinn langþreyttur á aðgerðaleysi
stjórnvalda í þessum málum.
Hraðfrystihúsið Gunnvör er
annað af tveimur stærstu fyrirtækj-
unum í þorskeldi á landinu. Þórar-
inn segir um 600 tonnum af þorski
hafa verið slátrað þar í fyrra. „Þetta
verður svona svipað á þessu ári. Svo
gæti þetta farið á meira flug eftir
það, 800 til 1000 tonn á ári,“ segir
Þórarinn.
Miklir möguleikar
„Það eru miklir framtíðarmögu-
leikar í þorskeldi,” segir Jónas Jón-
asson, framkvæmdastjóri IceCod
á íslandi. IceCod er fyrirtæki sem
stundarkynbótarannsókniráþorski
til eldis. „Ég á ekki von á öðru en að
menn íhugi það mjög alvarlega nú á
næstu misserum að einbeita sér að
eldinu," segir Jónas en hann segir að
enn þurfi að vinna mikið brautryðj-
endastarf í geiranum.
Eldisþorskur betri
„ Að mörgu leyti stendur eldisþorsk-
urinn miklu betur en sá villti,“ segir
Valdimar Ingi Gunnarsson, sjávar-
útvegsfræðingur og starfsmaður
fiskeldishóps AVS rannsóknarsjóðs
í sjávarútvegi.
„Eldisþorskur er ormalaus og
það er hægt að stjórna hráefnisgæð-
unum betur. Að mínu mati getur
hann veitt villtum þorski verðuga
samkeppni í framtíðinni. Hann
er betri afturð og það er jafnframt
hægt að bjóða jafnt framboð allt
árið þegar eldi er komið á fullt,“
segir Aðalsteinn en hann bendir þó
á að enn sem komið er sé þorskeldi
á þróunarstigi og því nokkur tími í
að mikil framleiðsla verði.
Hvorki náðist í sjávarútvegsráð-
herra né ráðuneytisstjóra sjávarút-
vegsráðuneytisins en þeir eru báðir
í sumarleyfi.
ÞEKKIRÞÚ TIL?
Hringdu í sima 510 3700 eða
sendu póst á bladid@bladid.net
Vatnsheldir ferðapokar
Ferðapokar fyrir
viðkvæmustu
hlutina
Frábærar vörur fyrir
íslenskar útilegur - líka
blautar, kaldar og vindasamar
Dúndýna
Komdu og líttu á úrvalið í verslunum okkar
í Faxafeni 12 og Glerárgötu 32, Akureyri.
66
NORÐUR
REYKJAVIK:
Kringlan
Bankastræti 5
Faxafen 12
KÓPAVOGUR:
Smáralind
GARÐABÆR:
Miöhraun 11
AKUREYRI:
Glerárgata 32
www.66north.is
15 ára ökufantur
15 ára stúlka var tekin fyrir hrað-
akstur í íbúðagötu í Hafnarfirði
í fyrradag. Mældist bíll stúlk-
unnar, sem hún virðist hafa tekið
í leyfisleysi, langt yfir leyfðum
hámarkshraða. Lögregla stöðvaði
einnig 15 ára pilt í úthverfi Reykja-
víkur á vespu sem hann hafði
ekki réttindi til að aka. Pilturinn
var með farþega á vespunni.
VEÐRIÐ í DAG
Allt að 20 stiga hiti
Hæg austlæg eða breytíleg átt og yfirleitt
léttskýjað inn til landsins, en sums staðar
þokuloft eða súld úti við sjóinn, einkum að
næturlagi. Hiti 14 til 20 stig suðvestanlands
að deginum, en 7 til 12 stig við norður- og
austurströndina.
Eru í Mosfellsdal
Mótmælendur á vegum samtak-
anna Saving Iceland hafa komið
upp mótmælabúðum í Mosfells-
dalnum fyrir ofan Gljúfrastein.
Um 50 mótmælendur voru í búð-
unum í gær, þar af tíu f slendingar.
Þar verða haldin ýmis námskeið
en fólk getur m.a. lært um ís-
lenska réttarkerfið og aðferðir til
að beita gegn lögreglunni.
ÁMORGUN
Kólnar aðeins
Norðaustanátt, rigning um austanvert
landið, þokuloft norðvestanlands, en þurrt
og nokkuð þjart suðvestan til. Hiti 6 til 16
stig, hlýjast suðvestanlands.
1 VÍÐA UM HEIM
Algarve 26 Halifax 22 New York 25
Amsterdam 17 Hamborg 14 Nuuk 12
Ankara 37 Helsinki 16 Orlando 27
Barcelona 24 Kaupmannahöfn 14 Osló 16
Berlín 14 London 20 Palma 27
Chicago 23 Madrid 31 París 19
Dublin 18 Mílanó 25 Prag 20
Frankfurt 20 Montreal 24 Stokkhólmur 18
Glasgow 15 Miinchen 18 Þórshötn 13