blaðið - 12.07.2007, Blaðsíða 12

12
FRÉTTIR
FIMMTUDAGUR 12. JÚLÍ 2007
blaðió
Vamir fyrir
efnahaginn
Snjóflóðavarnir rísi á
Bolungarvík í haust
Grímur Atlason, bæjarstjóri Bol-
ungarvíkur, telur að framkvæmdir
vegna snjóflóðagarðs í Bolungar-
vík, sem staðið hefur til að hefjist í
sumar, verði góð innspýting í efna-
hag bæjarins.
„Við vonum að framkvæmdir hefj-
ist í sumar, ekki endilega vegna
snjóflóðavarnanna sjálfra heldur
vegna starfanna sem framkvæmdin
skapar. Enda veitir ekki af nú þegar
þorskkvótinn minnkar,“ segir
hann.
Frestur til að skila athugasemdum
vegna fyrirhugaðs snjóflóðagarðs
rann út á mánudaginn, en garður-
inn mun verða 18 til 22 metra hár,
700 metra langur og staðsettur þar
sem Dísarland er nú.
Ein athugasemd
Ein athugasemd barst, sem laut
að því að huga yrði að því að náttúru-
minjar við austurenda garðsins rask-
ist ekki. „Við vorum meðvituð um
að það eru einhverjar minjar þarna,“
segir Grímur. „Fornleifauppgröftur
við austurhlutann verður því boð-
inn út samhliða byggingu garðsins,
og verður hann kláraður á meðan
byrjað er á hinum endanum."
Samkvæmt upplýsingum frá um-
hverfisráðuneyti er gert ráð fyrir
að kostnaður við byggingu garðsins
verði um 750 milljónir króna, en Of-
anflóðasjóður ráðuneytisins greiðir
90 prósent kostnaðarins.
hlynur@bladid.net
Rækjuvinnsla Ramma
Uppsagnir
boðaöar
Starfsfólki í rækjuvinnslu
Ramma hf. á Siglufirði var
í gær tilkynnt að því myndi
berast uppsagnarbréf í þessum
mánuði þar sem hætta ætti
rækjuvinnslu hjá fyrirtækinu
í lok október. Nú vinnur 31
starfsmaður að rækjuvinnslu
hjá Ramma og eru flestir í
fullu starfi. mbl. is
Össur ósáttur
Vill skerða vald
yíneftirlitsins
Össur Skarphéðinsson iðnað-
arráðherra fordæmir aðgerðir
svokallaðs Víneftirlits á heima-
síðu sinni en í fyrradag voru
nokkrir eigendur kaffi- og veit-
ingahúsa látnir taka inn borð
þar sem þeir höfðu ekki leyfi
fyrir þeim. Segir Össur á heima-
síðunni að hann hafi aldrei
áður heyrt um þessa stofnun
og ef eftirlitið yrði flutt undir
iðnaðarráðuneytið teldi hann
einsýnt að umboð þess yrði
skert þannig að það gæti ekki
rutt gangstéttir borgarinnar
af „lífsglöðum Reykvíkingum í
sumarleyfi og sól“. hbv
ívar Aron Hill Ævarsson gekk laus í fjóra daga og braut strax af sér
Sumarfríi síbrotamanns lokið
ívar Aron Hill Ævarsson, 20 ára,
sem var látinn laus úr síbrotagæslu
í byrjun síðustu viku var á föstudag
úrskurðaður aftur í gæsluvarðhald.
Hæstiréttur staðfesti þann úrskurð
á þriðjudag.
Blaðið sagði frá því síðastliðinn
fimmtudag að ívari, sem hafði þá
setið í síbrotagæslu frá 30. janúar,
hefði verið sleppt úr haldi ásamt
öðrum ungum síbrotamanni vegna
iess að dómsuppsaga í máli gegn
ieim hafði dregist. í því máli er
var, ásamt tólf öðrum ungmennum,
ákærður fyrir fjölmörg afbrot í alls
76 ákæruliðum. Dómur í málinu
verður að öllum líkindum kveðinn
upp í dag.
í úrskurði héraðsdóms segir að
ívar hafi haldið brotum sínum
áfram jafnskjótt og hann losnaði
úr haldi. Á þeim fjórum dögum
sem hann gekk laus liggur fyrir
rökstuddur grunur um að hann
hafi brotist inn í bifreið fyrir utan
Landspítalann við Hringbraut
og stolið þaðan veski, farið inn í
nokkrar bifreiðar við Njarðargötu,
brotist inn í íbúð í Rimahverfi
og flúið þaðan á bifreið sem bar
stolin skráningarnúmer. Ivar er
talinn hafa ekið þeirri bifreið
undir áhrifum fíknefna og var
handtekinn í kjölfarið.
í greinargerð lögreglustjóra segir
að brýn hætta sé á að ívar haldi af-
brotum sínum áfram gangi hann
laus. Hann sé í fíkniefnaneyslu
og fjármagni hana með auðgunar-
brotum. Gæsluvarðhaldsúrskurð-
urinn gildir til næstkomandi
mánudags.
thordur@bladid.net
Fimmtudaginn 5. júlí Blaðið
sagði frá því að (var hefði, ásamt
öðrum ungum afbrotamanni,
losnað úr gæsluvarðhaldi vegna
dráttar á dómsuppsögu í máli á
hendur þeim. (var er nú kominn
aftur á bak við lás og slá.
„Við spilum alveg
eftir leikreglunum"
■ Slökkviliðsstjórar ósáttir við ummæli starfsmanns Brunamálastofnunar um hagsmuna-
tengsl ■ Formaður Félags slökkviliðsstjóra myndi senda barn í sumarbúðir
Eftir Ingibjörgu B. Sveinsdóttur
ingibjorg@bladid.net
„Við spilum alveg eftir þeim leik-
reglum sem Brunamálastofnun
hefur sett. Ef starfsmenn hennar
telja að ekki sé nóg að gert verða
þeir að setja nýjar reglur,“ segir
Kristján Einarsson, slökkviliðs-
stjóri í Árnessýslu og formaður Fé-
lags slökkviliðsstjóra.
Hann segir slökkviliðsstjóra
ósátta við þau ummæli Guðmundar
Gunnarssonar, yfirverkfræðings hjá
Brunamálastofnun, að ástandbruna-
varna í sumarbúðum sé kannski
ekki klapp á öxlina á þeim um að
þeir standi sig voða vel. „Hópur-
inn í heild er heldur ekki sáttur við
þau ummæli að í sumum tilfellum
tengist slökkviliðsstjórar þeim sem
reka sumarbúðir. Þeir sem þetta á
ekki við um vilja ekki liggja undir
grun um hagsmunatengsl. For-
eldrar gætu til dæmis haldið að ég
myndi gefa eitthvað eftir ef ég tengd-
ist þeim sem reka sumarbúðirnar
við Úlfljótsvatn sem eru í mínu
umdæmi."
Á ábyrgð eigenda
Jón Ásberg Salómonsson, slökkvi-
liðsstjóri Norðurþings þar sem
sumarbúðirnar við Vestmannsvatn
eru, kveðst ekki hafa neina trú á
að slökkviliðsstjórar gefi eftir varð-
andi öryggi. „Ég tel að ekki sé hægt
að gefa eftir varðandi öryggiskerfi
en menn gefa eðlilegan umþóttunar-
tíma við lagfæringar húsa sem mörg
eru kannski gömul timburhús eins
og á mínu svæði.“ Jón bætir því við
að þótt eftirlitið sé á ábyrgð slökkvi-
ELDVARNIR í SUMARBÚÐUM
► Brunamálastofnun gerði út-
tekt á eldvörnum í 21 bygg-
ingu í 10 sumarbúðum fyrir
börn í fyrrasumar. Ástandið
var slæmt í 43 prósentum
tilvika og sæmilegt í 57 pró-
sentum tilvika.
► Sumarbúðirnar sem gerð
var úttekt á eiga það nær
allar sameiginlegt að það
tekur slökkvilið yfir 25 mín-
útur að aka að þeim.
liðsstjóra séu brunarvarnir á ábyrgð
eigenda.
Brunamálastofnun gerði í fyrra-
sumar úttekt á 21 byggingu í 10
sumarbúðum. Ástand brunavarna
var slæmt í 43 prósentum tilvika
og sæmilegt í 57 prósentum til-
vika. Engin bygging fékk einkunn-
ina ágætt en engin þótti heldur
óviðunandi.
Einkunnagjöfinbyggirágildandi
byggingareglugerð en eldvarnareft-
irlit s veitarfélaganna hefur þurft að
taka tillit til eldri húsa sem byggð
eru samkvæmt eldri reglugerðum.
Ef um breytingar á sjálfu húsnæð-
inu er að ræða fer það eftir eðli kröf-
unnar hversu langan frest menn fá,
að sögn yfirverkfræðingsins. Hins
vegar sé þess krafist að brunavið-
vörunarkerfi sé í öllum húsunum.
Slíkar kröfur hafi ekki verið gerðar
fyrir um 20 árum. Jafnframt þurfa
að vera óbrennanlegar klæðningar
í húsunum.
Verða að fullnægja kröfum
„Ég get fullyrt það að það fá engar
sumarbúðir rekstrarleyfi fullnægi
þær ekki þeim kröfum sem gerðar
eru. Viðvörunarkerfin eru viðbót
við gömlu reglurnar. Það fær eng-
inn rekstraraðili leyfi nema slíku
kerfi hafi verið komið upp. Við
gerum jafnframt kröfu um að
gerður sé samningur við viðhalds-
aðila með réttindi um að yfirfara
viðvörunarkerfið. Við göngum úr
skugga um að útgönguleiðir séu í
lagi. Ef um meiriháttar breytingar
á húsnæðinu er að ræða förum við
fram á að unnið sé eftir reglugerð
dagsins í dag.“
Guðmundur lýsti því yfir í viðtali
við Blaðið í gær að hann væri efins
um hvort hann myndi senda barn
í sumarbúðir sem fengið hefðu ein-
kunnina slæmt eða sæmilegt. Krist-
ján segir slökkviliðsstjóra ósátta
vegna þessara ummæla. Sjálfur
kveðst Kristján á annarri skoðun
en yfirverkfræðingurinn. „Ég
myndi senda börnin mín í sumar-
búðir,“ leggur hann áherslu á.
Seldum fasteignum fjölgaði um 71,9% í júní miðað við sama mánuð í fyrra
Fasteignamarkaðurinn í stórsókn
I SAMANBURÐUR KAUPSAMNINGA MILLI ÁRAA
Júní 2006 Júní 2007 Prósentu-
aukning milli ára
Þinglýstir kaupsamningar höfuðborgarsvæðis 601 1033 71,88%
Heildarvelta fasteigna 15,4 milljaröar 28,7 milljarðar 86,36%
Meðalupphæð hvers kaupsamnings 25,6 milljónir 27,8 milljónir 8,59%
Fasteignamarkaður höfuðborgar-
svæðisins er í mikilli hæð miðað við
sama tíma í fyrra. „Fjöldi þinglýstra
kaupsamninga við sýslumannsemb-
ættin á höfuðborgarsvæðinu í júní
á þessu ári var 1.033,“ eins og fram
kemur á heimasíðu Fasteignamats
ríkisins. „Heildarvelta nam 28,7
milljörðum króna og meðalupphæð
á hvern kaupsamning var 27,8 millj-
ónir króna.“ Á sama tíma í fyrra var
fjöldi þinglýstra kaupsamninga 601
talsins, heildarvelta var 15,4 millj-
arðar króna og meðalupphæð hvers
kaupsamnings 25,6 milljónir króna.
Ingibjörg Þórðardóttir, formaður
Félags fasteignasala, segir eftir-
spurn mikla eftir öllum gerðum
fasteigna. „Þetta ár er búið að vera
ágætt og það er góður gangur á
markaðinum." Hún segir þó að
fjöldi kaupsamninga í júní segi ekki
alla söguna því inni í þeirri tölu sé
ekki einungis íbúðahúsnæði heldur
einnig iðnaðar- og atvinnuhúsnæði.
„Það býr margt á bak við tölur um
kaupsamninga höfuðborgarsvæð-
isins, til dæmis það að Islendingar
skipta oftar um húsnæði en margar
þjóðir og hér er eignarfyrirkomu-
lagið þannig að flestir búa í sinni
eigin íbúð.“
bjorg@bladid.net