Bændablaðið - 08.04.2009, Page 23

23 Bændablaðið | miðvikudagur 8. apríl 2009
Veggspjald af íslenska hundinum
Tvær stærðir eru í boði af spjaldinu af
íslenska fjárhundinum, 88 sm X 61 sm og
A3.
Verð er kr. 1.500 af stærri gerðinni og
kr. 900 af litlu spjöldunum.
Að auki bætist við sendingarkostnaður.
Einnig eru fáanleg stór veggspjöld af
sauðfé, nautgripum og hrossum þar sem
fram koma helstu litir og litaafbrigði
íslensks búfjár.
Hringdu í síma 563-0300 eða
sendu tölvupóst á netfangið
jl@bondi.is til þess að panta
veggspjald. Hægt er að greiða
með greiðslukorti eða fá sendan
greiðsluseðil.
Ný veggmynd af íslenska fjárhundinum fæst nú hjá
Bændasamtökunum. Alls eru 27 fjölbreyttar ljósmyndir af
hundum á öllum aldri í glæsilegu umhverfi.
www.bondi.is
FRAMSÓKN
ÍSLENSK
UR
LANDBÚN
AÐUR FYRIR OKKUR ÖLL
Breyting á
skattlagningu
söluhagnaðar
ófyrnanlegra
eigna
Til þessa hefur bændum sem selja
jarðir sínar eða greiðslumark,
verið heimilt að telja aðeins helm-
ing söluverðs til skattskyldra
tekna. Heimild þessa var að finna
í 15. gr. laga um tekjuskatt nr.
90/2003. Með lögum nr. 164/2008
var þessi skattalega ívilnun
afnumin. Fyrsta grein síðar-
nefndu laganna hljóðar þannig:
Í stað orðsins „Skattaðila“ í
3. mgr. 15. gr. laganna kemur:
„Mönnum utan atvinnurekstrar“.
Eftir breytingu er málsgreinin þann-
ig: Mönnum utan atvinnurekstrar
er jafnan heimilt að telja helming
söluverðs til skattskyldra tekna í
stað söluhagnaðar skv. 2. mgr.
Ofannefnd breyting hefur þau
áhrif að söluhagnaður ófyrnanlegra
eigna, sem seldar eru eftir síðustu
áramót, verður skattlagður að fullu
hjá bændum og öðrum aðilum í
atvinnurekstri. Samkvæmt túlk-
un ríkisskattstjóra er maður sem
stundar atvinnurekstur atvinnurek-
andi til dauðadags, hversu langt
sem er síðan hann hætti rekstri.
Það skiptir því ekki máli þótt eng-
inn búrekstur hafi verið á jörð í
einhver ár þegar síðasti eigandi/
ábúandi selur hana. Söluhagnaður
telst að fullu til skattskyldra tekna
og hlýtir jafnframt almennri skatt-
lagningu, eða með öðrum orðum
þá fellur slík sala ekki undir fjár-
magnstekjuskatt. Ekki er vitað
hvort reynt hefur á þessa túlkun
fyrir yfirskattanefnd eða dómstól-
um og því óvíst hver endanleg nið-
urstaða kynni að verða. jó
Fágaður söngur
á Flúðum
Karlakórinn Heimir í Skagafirði gerði góða ferð til Suðurlands 28.
mars og hélt tónleika á Flúðum og í Hveragerðiskirkju. Minnst var
óperusöngvarans Stefáns Íslandi og rakinn æviferill hans allt frá
æskudögum í Skagafirði til æviloka. Á efniskránni voru fjölmörg lög
sem hann var hvað kunnastur fyrir.
Áheyrendur sem voru fjölmargir hrifust af þeim fágaða söng sem þessi
vinsæli karlakór hafði fram að færa. Kórfélagar eru flestir bændur eða
bændasynir sem eykur enn frekar á vinsældir hans meðal íbúa dreifbýlisins.
Á myndinni sem Sigurður Sigmundsson tók á tónleikunum eru þeir Óskar
Pétursson og Þorgeir Andrésson að syngja O sole mio með kórnum.