Bændablaðið - 03.05.2012, Blaðsíða 12

Bændablaðið | fimmtudagur 3. maí 201212
Fréttir
Stóðhestadagur Eiðfaxa var
haldinn í samvinnu við hesta-
mannafélagið Sleipni í blíðskap-
arveðri sunnudaginn 29. apríl á
Brávöllum á Selfossi, glæsilegu
svæði Sleipnismanna. Sýndur
var fjöldi glæsilegra stóðhesta sem
atvinnumenn í hestaíþróttum sátu.
Þegar mest var er talið að um þús-
und manns hafi verið á svæðinu.
Hápunktur dagsins var þegar
stórgæðingurinn Þóroddur frá
Þóroddsstöðum mætti með sex
afkvæmi sín í brautina, en knapi
var Daníel Jónsson. Þóroddur er
fæddur Bjarna Þorkelssyni, stór-
ræktanda á Þóroddsstöðum árið
1999, undan Oddi frá Selfossi og
Hlökk frá Laugarvatni. Á meðfylgj-
andi myndum sem Magnús Hlynur
Hreiðarsson tók má annars vegar
sjá Þórodd og Daníel, þar sem þrjú
afkvæmi hans fylgja á eftir, og hins
vegar þegar Daníel tók Þórodd til
kostanna í glæsilegum skeiðspretti.
/MHH
Hættir sem
skólastjóri
Flóaskóla
Kristín Sigurðardóttir, skólastjóri
Flóaskóla, hefur fengið samþykki
sveitarstjórnar Flóahrepps fyrir
launalausu ársleyfi frá skólanum.
Fjölskyldan ætlar að flytja á höf-
uðborgarsvæðið í sumar.
„Mér bauðst starf sem deildar-
stjóri í gæðaeftirlitsdeild hjá Actavis
í Hafnarfirði. Þetta er spennandi
tækifæri, það er öllum hollt að taka
u-beygju annað slagið og takast á
við nýjar áskoranir,“ sagði Kristín.
Hún hefur verið skólastjóri skólans
frá stofnun hans, eða í átta ár.
/MHH
Bændablaðið
á netinu...
www.bbl.is
Fyrirtækið Murr ehf. í Súðavík
hefur undanfarin misseri varið
miklum tíma og fjármunum í
vöruþróun og undirbúning að
útflutningi á vörum sínum. Í síð-
ustu viku hófst framleiðsla á nýrri
vörulínu fyrir innanlandsmarkað,
sem mun samanstanda af sex teg-
undum af Murr kattamat og sex
tegundum af Urr smáhundamat.
Allt er þetta framleitt úr kjöti og
innmat sem fenginn er úr flestum
sauðfjár- og stórgripasláturhúsum
á Íslandi.
Fyrstu tegundirnar eru þegar
komnar í íslenskar verslanir og hinar
munu svo birtast í hillunum ein af
annarri á næstu vikum. Framleiðsla á
þessari nýju vörulínu er einnig hafin
fyrir markaði í Bandaríkjunum og
Kanada en fyrsta sending af Murr
og Urr vörum vestur yfir haf mun
fara frá Íslandi á morgun, 4. maí.
Undirbúningur hefur staðið í um
þrjú ár með vöruþróun og stöðugum
sendingum á prufum til útlanda og
er allt framleitt samkvæmt stöðlum
fóðureftirlitsins í viðkomandi
löndum.
Þ o r l e i f u r
Ágústs son, fram-
leiðslustjóri Murr,
segir að bæði í
Bandaríkjunum og
Kanada gildi afar
strangar reglur um
innflutning, sölu og
markaðssetningu
gæludýrafóðurs.
Því felist mikil
viðurkenning fyrir
Murr og Urr vörur
í því að sölu- og
markaðsleyfi liggi
nú fyrir, eftir langt og
strangt umsóknar- og
staðfestingarferli.
Nýta innmat sem ekki
fer til manneldis
- Úr hverju er þetta
fóður framleitt?
„Við nýtum mikið
ærkjöt; lifrar, nýru,
hjörtu og einnig
nautahjörtu, svína-
hjörtu, lungna-
blöðkur og slíkt
sem ekki er
selt til mann-
eldis. Við
teljum okkur
því vera að
gera mjög góða
hluti fyrir slátur-
húsin og bændur
landsins. Enda
höfum við fengið
frábæra þjónustu
hjá sláturhúsunum
og þau hafa sýnt
okkur mikinn áhuga
og þolinmæði á erf-
iðum tímum. Þetta
er síðan soðið niður í
sérstaka poka sem þola
niðursuðu. Vörurnar
hafa a.m.k. þriggja
ára geymsluþol.“
Líkt og ókrydduð
lifrarpylsa
- Er þetta þá jafn-
vel hæft til mann-
eldis?
„Já, blessaður
vertu. Þetta er
fínasta vara og
er ekki ólíkt
ókryddaðri lifrarpylsu. Að
vísu er ekki mjöl í þessu eins og
lifrarpylsunni. Allt er bragðprófað
hér hjá okkur og þetta er rétt eins og
í „gourmet“ eldhúsi þegar bragðpróf-
anir eru í gangi. MAST hefur verið
í þessu með okkur og gefið góð ráð
hvað varðar skipulag verksmiðju, svo
eitt-
hvað sé nefnt.“
Fjármögnun
erfið
Fjárfesting í
slíkri vöruþróun
er alltaf erfið litlu
fyrirtæki með tak-
markað rekstrarfé og
hefur tilvist félagsins
á stundum hangið á
bláþræði. Ef ekki hefði
komið til einstakt lang-
lundargeð kröfuhafa,
skilningur þeirra á
stöðunni og trú þeirra
á því að úr rættist, er
óvíst að um nokkurt
Murr væri að ræða í
dag. Þorleifur er afar
óhress með íslensku
bankana í þessu
máli og segir
auglýsingar
þeirra um
s t u ð n i n g
við nýsköp-
un í land-
inu vera
h r e i n a
blekkingu
sem ekkert
sé á bakvið.
„Þetta hefur
verið fjár-
magnað af
einstaklingum
og eigendum
félagsins, en
bankarnir hafa
ekkert viljað
gera.“
Áhersla lögð á
upprunann á
umbúðunum
Útlit umbúða fyrirtækisins
er gjörbreytt, en það er afrakstur
vinnu bandarískra hönnuða sem
ætlað er að leggja áherslu á uppruna
vörunnar og einkenni. Þannig er
t.d. að finna
ö r s ö g u r
um Ísland,
Ve s t f i r ð i
e ð a
Súðavík á
h v e r j u m
pakka, eina
sögu á hverri
tegund, og
mun þeim
verða skipt út
reglulega fyrir
nýjar. Þá er skír-
skotun á fram-
hlið umbúðanna
til víkingatím-
ans í sögu Íslands og náttúru
landsins. Loks er áherslan, enn sem
fyrr, lögð á að Murr og Urr vörur
innihalda engin viðbótar- eða rot-
varnarefni.
Verulega aukin umsvif
„Aukin umsvif hafa í för með sér
stækkun á fyrirtækinu, þegar hafa
verið ráðnir fjórir nýir starfsmenn
til félagsins og í dag eru 8-9 manns í
fullu starfi hjá Murr. Við vonumst eftir
góðum viðtökum við nýjum vörum á
innanlandsmarkaði, sem og því að ná
markaðsfestu erlendis. Við göngum
hins vegar ekki með neinar grillur um
skjótfenginn gróða, en gerum ráð fyrir
því að ná jákvæðri rekstrarniðurstöðu
á næstu vikum og mánuðum, sem von-
andi verði síðan hægt að byggja á til
frekari sóknar. Við horfum því björtum
en raunsæjum augum fram á veginn,“
segir Þorleifur Ágústsson. /HKr.
Fyrirtækið Murr í Súðavík breytir innmat frá sláturhúsum í hágæða gæludýrafóður:
Fyrsta sending af Murr og Urr katta- og
hundamat á leið á erlenda markaði
Salbjörg Sigurðardóttir frá Svarthamri í Álftafirði í vinnslusal Murr ehf. á Langeyri við Álftafjörð.
Sigurdís Samúelsdóttir frá Djúpadal í Barðastrandar-
sýslu er nú búsett í Súðavík og vinnur við að umbreyta
lítt seljanlegum innmat og öðrum hliðarafurðum frá
sláturhúsum landsins í hágæða gæludýrafóður.
Kristín Sigurðardóttir, skólastjóri
Flóaskóla, sem er á leið í ársleyfi
frá skólanum.
Um þúsund manns á
stóðhestadegi á Selfossi