Bændablaðið - 03.05.2012, Side 50

50 Bændablaðið | fimmtudagur 3. maí 2012
Steinn Björnsson er þriðji ætt-
liður þeirrar ættar sem hefur
stundað búskap á Þernunesi. Afi
hans byrjaði búskap á Þernunesi
árið 1940. Foreldrar hans komu
inn í búskapinn 1963 og svo
Steinn og systir hans (Jóhanna
Björnsdóttir) formlega á þessu
ári.

Býli? Þernunes.
Staðsett í sveit? Þernunes er við
sunanverðan Reyðarfjörð og til-
heyrir Fjarðabyggð.
Ábúendur? Björn Þorsteinsson,
Sigríður Steinsdóttir, Steinn
Björnsson og Jóhanna
Björnsdóttir (auk þess er sonur
hennar Björn Sævar Eggertsson
líka í heimili).
Fjölskyldustærð (og gæludýra)?
Steinn Björnsson (einnig eru hér
stundum börnin hans Lilja Rós og
Marinó Þór, annars búa þau form-
lega hjá móður sinni). Svo eru hér
hundarnir Stella og Smali – og
einn köttur.
Stærð jarðar? Ræktað land er um
35 ha en heildarstærð um 1.000
ha.
Tegund býlis? Sauðfjárbú.
Fjöldi búfjár og tegundir? Um
450 fjár, 2 hestar og nokkrar
hænur.
Hvernig gengur hefðbundinn
vinnudagur fyrir sig á bænum?
Það er misjafnt eftir árstíðum.
Steinn hefur stundað vinnu af bæ
á veturna. Fénu er gefið tvisvar á
dag, svo eru þessi árstíðabundnu
störf; heyskapur á sumrin og smala-
mennskur á haustin og fjárrag af
öllu tagi.
Skemmtilegustu/leiðinlegustu
bústörfin? Skemmtilegust eru
sauðburður, heyskapur, og smala-
mennskur. Leiðinlegast er
að tína grjót úr flögum.
Hvernig sjáið þið búskapinn
fyrir ykkur á jörðinni eftir 5
ár? Með svipuðu sniði, vonandi
fleira fé og ennþá betri vinnuað-
staða.
Hvaða skoðun hafið þið á
félagsmálum bænda? Þau eru í
ágætis horfi, þó ríkir óvissa í ráð-
gjafaþjónustunni um þessar
mundir.
Hvernig mun íslenskum land-
búnaði vegna í framtíðinni?
Vonandi vel, ef við göngum ekki
í ESB, skiptum um ríkisstjórn og
bætum ekki við fleiri eftirlitsstofn-
unum sem hafa þann tilgang einan
að íþyngja landbúnaðinum og fleiri
greinum atvinnulífsins.
Hvar teljið þið að helstu tækifærin
séu í útflutningi íslenskra búvara?
Í lambakjöti og unnum mjólkur-
vörum, svo sem skyri.
Hvað er alltaf til í ísskápnum?
Mjólk, skyr, súrmjólk, lýsi og rabar-
barasulta.
Hver er vinsælasti maturinn á
heimilinu? Læri af veturgömlu.
Eftirminnilegasta atvikið við
bústörfin? Svo sem ekkert eitt sem
stendur uppúr. Smalamennskur eru
alltaf skemmtilegar. Einnig þær
breytingar og framkvæmdir sem
auka vinnuhagræðingu í búskap.
Nú fer tími lautarferðanna að
renna upp og fátt skemmtilegra
en að finna sér skógarlund eða
laut úti í náttúrunni þar sem
börnin geta hlaupið frjáls um
og seilst síðan ofaní góðgætis-
töskuna sem tekin er með. Hér
koma því tvær uppskriftir að
tilvöldum réttum fyrir stóra og
smáa í lautarferðina.
Rice Krispies-kökur
300 g Mars
50 g smjör
120 g Rice Krispies
200 g bráðið mjólkursúkkulaði
Aðferð:
Takið til um það bil tuttugu muffinsform.
Skerið 200 grömm af Marsi í grófa bita og
restina af Marsinu í sneiðar. Setjið grófu bit-
ana í stóran pott ásamt smjörinu og bræðið
yfir lágum hita. Takið af hellunni og hrærið
Rice Krispies saman við. Deilið blöndunni í
formin, bræðið súkkulaði og hellið því ofan á
og skreytið með Mars-sneiðum. Kælið í ísskáp
í um það bil hálftíma. Að sjálfsögðu er líka
hægt að setja blönduna í stærra form, þekja
með súkkulaði, skreyta með Marsi og skera
í litla bita.
Klúbbsamloka
2 tómatar
4 ananassneiðar
1 msk. smjörlíki eða smjör
salt
pipar
4 sneiðar af osti
300 g kjúklingabringa
12 brauðsneiðar (samlokubrauð)
smjörlíki til steikingar
4 salatblöð
8 sneiðar beikon
Aðferð:
Setjið smjör á pönnu og steikið
kjúklinginn. Kryddið með salti
og pipar. Takið kjötið af pönnunni
og skerið í bita. Steikið beikonið.
Skolið tómatana og skerið í bita.
Ristið brauðið og smyrjið brauð-
sneiðarnar með smávegis smjöri.
Takið fjórar brauðsneiðar og setjið
salatblað, tómat, ost og beikon á
hverja sneið. Setjið brauðsneið
ofan á, setjið á hana salat, kjúk-
ling og ananas og setjið svo aðra
brauðsneið ofan á. Skerið brauðið
í þríhyrninga og berið fram, jafnvel
með salati.
/ehg
Líf og lyst
BÆRINN OKKAR
Rice Krispies-kökurnar bráðna í munni og ekki skemmir fyrir að hafa örlítinn Mars-bita ofan á hverri köku.
Tilvalið í lautarferðina
MATARKRÓKURINN
Þernunes
Lilja og Marinó.