Fréttablaðið - 06.03.2012, Blaðsíða 16

6. mars 2012 ÞRIÐJUDAGUR16
Tilkynningar um merkis atburði, stórafmæli
og útfarir má senda á netfangið
timamot@frettabladid.is.
timamot@frettabladid.is
„Við viljum fyrir alla muni vekja
athygli á þessum samtökum sem
styrkja konur um allan heim og berj-
ast fyrir réttindum þeirra á hverj-
um degi,“ segir leikkonan Unnur
Ösp Stefánsdóttir sem fer með eitt
burðarhlutverkið í uppfærslu Borgar-
leikhússins á verkinu Eldhaf eftir líb-
anska höfundinn Wajdi Mouawad. Í til-
efni Alþjóðlegs baráttudags kvenna á
fimmtudag efnir Borgarleikhúsið til
sérstakrar styrktarsýningar á Eld-
hafi annað kvöld, miðvikudaginn 7.
mars, þar sem allur ágóði rennur til
samtakanna UN Women á Íslandi.
UN Women starfar á vegum Samein-
uðu þjóðanna í þágu kvenna og jafn-
réttis og veitir fjárhagslega og fag-
lega aðstoð til að bæta stöðu kvenna
í fátækustu löndum heims og á stríðs-
átakasvæðum. Einnig verður boðið upp
á umræður að sýningu lokinni þar sem
fulltrúar frá UN Women og aðstand-
endur sýningarinnar taka þátt.
Unnur Ösp er ekki alls ókunn starf-
semi UN Women, en hún var samtökun-
um innan handar í Fiðrildaviku, söfn-
unarátaki sem fram fór í haust sem
leið. „Þá var ég í miðjum undirbúningi
fyrir Eldhaf, en efni sýningarinnar er
nátengt starfssviði samtakanna. Því
má segja að þær hafi náð mér á rétt-
um tímapunkti og ég vil allt fyrir þær
gera,“ segir Unnur Ösp, en í Eldhafi er
rakin saga móður í stríðshrjáðu landi
í Mið-Austurlöndum. Hún segir und-
irbúninginn fyrir verkið, sem hefur
verið sýnt fyrir fullu húsi síðustu vikur,
hafa reynt dálítið á. „Ég setti mig inn í
málin og varð ansi meyr yfir ástandinu
hjá konunum hinum megin á hnettin-
um. Hryllingurinn í kringum stríð er
svo mikill og lífið svo erfitt hjá þeim
mörgum.“
Eldhaf er nú í sinni síðustu sýningar-
viku og segir leikkonan gaman að
geta lokið sýningum á svo sterkum og
góðum nótum, en uppfærslan mun hafa
haft mikil áhrif á áhorfendur og hlot-
ið einróma lof gagnrýnenda. „Sýning-
in hefur gengið framar öllum vonum,“
segir hún og bætir við aðspurð að hún
telji allar líkur á því að hún komi til
með að starfa frekar á sviði brýnna
baráttumála á borð við þau sem UN
Women einbeitir sér að í framtíðinni.
„Baráttutaugin er sterk í mér. Ég hugsa
að það sé óumflýjanlegt að ég endi ein-
hvers staðar í Afríku,“ segir Unnur Ösp
og hlær. kjartan@frettabladid.is
ELDHAF Í BORGARLEIKHÚSINU: SÉRSTÖK STYRKTARSÝNING ANNAÐ KVÖLD
Styrkja samtökin UN Women
STYRKTARSÝNING Unnur Ösp segir undirbúninginn fyrir hlutverk sitt í Eldhafi hafa tekið nokkuð á. FRÉTTABLAÐIÐ/ANTON
SHAQUILLE O’NEAL, fyrrum körfuboltakappi, er fertugur í dag.
„Ég er orðinn hundleiður á að heyra um peninga, peninga og aftur peninga. Ég vil
bara spila körfubolta, drekka Pepsi og klæðast fatnaði frá Reebok.“
Knattspyrnufélagið Real Madrid var stofnað á
þessum degi árið 1902 og fagnar því 110 ára
afmæli sínu í dag. Félagið er eitt það stærsta og
ríkasta af sinni tegund í heiminum og alhvítur
búningur þess ein af helstu táknmyndum
knattspyrnunnar.
Félagið hét upphaflega Madrid Football Club
og komst undir stjórn Alfons þrettánda Spánar-
konungs árið 1920, en Real merkir konunglegt á
spænsku. Á sjötta áratug síðustu aldar varð liðið
stórveldi í heimalandinu og í Evrópukeppnum.
Liðið er eitt þriggja sem aldrei hefur
fallið niður um deild á Spáni. Það hefur unnið
spænsku deildina oftast allra félaga, eða 31
sinni, og Meistaradeild Evrópu níu sinnum,
einnig oftast allra. Með því hafa leikið margir
af fremstu knattspyrnumönnum sögunnar eins
og Alfredo di Stefano, Ferenc Puskas, Hugo
Sanchez, Michael Laudrup, Raul Gonzales,
Zinedine Zidane, Luis Figo, Cristiano Ronaldo
og margir fleiri. Heimavöllur liðsins frá 1947,
Santiago Bernabéu, tekur rúmlega 85.000 í sæti.
ÞETTA GERÐIST: 6. MARS 1902
Real Madrid er stofnað
Ástkær bróðir okkar,
Bjarnhéðinn Guðjónsson
vélvirkjameistari,
Þrúðvangi 38, Hellu,
er látinn. Útför hans fer fram frá Oddakirkju
laugardaginn 10. mars kl. 14.00. Blóm og kransar
vinsamlegast afþakkaðir en þeim sem vilja minnast
hans er bent á að láta líknarfélög njóta þess.
Fyrir hönd aðstandenda,
Margrét Guðjónsdóttir
Pálmar Guðjónsson
Ástkær sonur minn, faðir okkar,
tengdafaðir, bróðir, mágur og afi,
Einar Guðmundsson
kennari,
lést á Landspítalanum Fossvogi laugardaginn 3. mars.
Sigrún Magnúsdóttir
Lúðvík Sveinn Einarsson
Guðmundur Ragnar Einarsson Sólrún Sæmundsen
Sigurliði Guðmundsson Ríkey Guðmundsdóttir
Katrín Guðmundsdóttir
Anna Þórdís Guðmundsdóttir Jón Steinar Guðjónsson
og barnabörn.
Elskuleg eiginkona, móðir,
tengdamóðir og amma,
Sigríður Aðalbjörg
Jónsdóttir
fyrrum forstöðukona,
lést á Hrafnistu í Hafnarfirði fimmtudaginn
23. febrúar. Útförin fer fram frá Hafnarfjarðarkirkju
miðvikudaginn 7. mars kl. 13.00.
Kolbeinn Helgason
Guðrún Emilía Kolbeinsdóttir
Kristín Kolbeinsdóttir
Kolbeinn Vormsson
Vormur Þórðarsson
Yngvild Svendsen
Sindre Einarsson
Freyr Einarsson
Okkar yndislegi faðir, sonur,
bróðir, mágur og ástkær vinur,
Gunnar Björn Björnsson
Hlíðarvegi 52, Reykjanesbæ,
lést á Heilbrigðisstofnun Suðurnesja laugardaginn
3. mars í faðmi fjölskyldunnar. Jarðarförin fer fram
frá Fossvogskirkju mánudaginn 12. mars kl. 15.00.
Sveinbjörn Valur Gunnarsson
Elís Már Gunnarsson Hermann Nökkvi Gunnarsson
Heiður Gunnarsdóttir Magnús Guðmundsson
Björn Árnason Lilibeth S. Cipriano
Árni Björn Björnsson Rannveig Björnsdóttir
Hrafnhildur Björnsdóttir
Marína S. Ottósdóttir
Tinna Sveinsdóttir og Guðný Hermannsdóttir
Elsku móðir okkar, tengdamóðir,
amma og langamma,
Bentey Hallgrímsdóttir
frá Dynjanda í Jökulfjörðum,
lést 4. mars sl. á Hjúkrunarheimilinu Skjóli. Hún
verður jarðsungin föstudaginn 9. mars kl. 15.00
frá Fríkirkjunni í Reykjavík. Blóm og kransar
afþakkaðir en þeim sem vilja minnast hennar er bent á
minningarsjóð Hjúkrunarheimilisins Skjóls.
F.h. fjölskyldunnar,
Birgir Þórisson
Rósa Kristín Þórisdóttir
Smári Þórarinsson
Sigurjón Einarsson
Aldís Einarsdóttir
Merkisatburðir
1853 Óperan La Traviata eftir Giuseppe Verdi er frumsýnd í Vín-
arborg.
1920 Kaupfélag Reykjavíkur og nágrennis er stofnað, skamm-
stafað KRON.
1930 Fryst matvæli eru seld í fyrsta skipti í Bandaríkjunum.
1969 Sex menn farast þegar sprenging verður um borð í togar-
anum Hallveigu Fróðadóttur á Faxaflóa.
1979 Tveir ungir menn farast í snjóflóði á Þverdalshorni í Esj-
unni.
1992 Tölvuvírusinn Michelangelo hóf að smitast milli tölva.
1994 Moldóvar höfnuðu sameiningu við Rúmeníu í þjóðarat-
kvæðagreiðslu.
1998 Í Mývatnssveit mælist 34,7 gráðu frost á Celsíus sem er
hið mesta á landinu í 80 ár.
2010 Fyrsta þjóðaratkvæðagreiðsla á Íslandi frá stofnun lýðveld-
is fór fram. Kosið var um svonefnd Icesave-lög.