Fréttablaðið - 06.03.2012, Blaðsíða 20

6. MARS 2012 ÞRIÐJUDAGUR2 ● fréttablaðið ● íslandsmót iðn- og verkgreina 2012
Íslandsmót iðn- og verkgreina fer fram nú um helgina. Tilgangur þess er
að veita ungu fólki í starfsnámi tækifæri til að sýna færni sína og kunnáttu
í iðn- og verkgreinum. Keppendur eru ungt fólk, ýmist enn í námi eða
nýútskrifað frá framhaldsskólum vítt og breitt um landið. Þeir takast á við
hagnýt og krefjandi verkefni sem reyna á hæfni, skipulag og fagmennsku.
Keppt er í yfir 20 faggreinum en einnig fer fram sýning
á aðferðum og tækni í Háskólanum í Reykjavík.
Starfsmenntamál eru almennt í mikilli deiglu þessi
misserin og margt að gerast. Má þar nefna að mennta- og
menningarmálaráðuneytið hefur staðið fyrir fundaröð
í vetur, sem ber yfirskriftina Starfsmenntun – hvert skal
stefna? Markmið fundanna hefur meðal annars verið að fá
fram ólík sjónarmið um starfsmenntun á Íslandi. Haldnir
hafa verið 11 fundir fyrir hin ýmsu svið starfsmenntunar
þar sem fulltrúar skóla, fyrirtækja, starfsgreinaráða, nemenda og náms- og
starfsráðgjafa hafa komið saman til að ræða málefni starfsmenntunar. Yfir 600
manns hafa tekið þátt í fundunum hingað til. Einkum hefur verið lærdómsríkt
að heyra raddir nemenda, því að það er einmitt þeirra vegna sem við viljum
bæta starfsmenntun í landinu.
Meðal þess sem fólk hefur nefnt á þessum fundum er að bæta þurfi ímynd
starfsmenntunar og þeirra starfa sem hún leiðir til og jafnframt að kynna
starfsnám betur gagnvart nemendum, ekki síst nemendum grunnskóla. Nefnt
hefur verið að nemendur grunnskóla þurfi að fá kynningu á starfsnámi mun
fyrr en nú er og njóta leiðsagnar náms- og starfsráðgjafa, sem eru vel upplýstir
um möguleika starfsnáms og líta á það sem raunhæfan kost. Íslandsmót iðn-
og verkgreina er mikilvægur þáttur í að koma til móts við þessar ábendingar
og ná eyrum og augum grunnskólabarna og foreldra þeirra.
Ungu fólki standa nú til boða margir spennandi námsmöguleikar í íslenska
skólakerfinu, bæði bóklegir og verklegir. Allt það sem gert er til að kynna
þessa möguleika og vekja áhuga er af hinu góða. Íslandsmót iðn- og verk-
greina er prýðisgott tækifæri til að sýna það sem í boði er í verknámi og
mótið sýnir jafnframt hvernig ungt fólk hefur náð góðum tökum á tækni- og
verkkunnáttu. Það er full ástæða fyrir þetta unga fólk að vera stolt af þeim
góða árangri.
Ég vil þakka Verkiðn fyrir mikilvægt framlag samtakanna til eflingar iðn- og
verkgreina á Íslandi og óska keppendum og öðrum þátttakendum í Íslands-
móti iðn- og verkgreina árið 2012 alls hins besta.
Katrín Jakobsdóttir
mennta- og menningarmálaráðherra
Iðnaðarmannafélagið í
Reykjavík (IMFR) hefur frá
upphafi gegnt því hlutverki
„að efla menningu og
menntun iðnaðarmanna og
styrkja stofnanir sem starfa
í þeirra þágu“. IMFR er aðili
að Verkiðn sem stendur fyrir
Íslandsmóti iðn- og verkgreina.
Í
sjálfu sér er það merkilegt
að 145 ára gamalt félag skuli
enn gegna sama hlutverki
og skráð var í lög þess árið
1867. Félagið var geysilega öflugt
á árum áður. Það stóð fyrir stofn-
un Iðnskólans í Reykjavík 1904
og byggingu skólahúss við Vonar-
stræti 1906. IMFR reisti Iðnó
1896, stóð fyrir fyrstu iðnsýning-
unni 1883, gaf þjóðinni styttu Ing-
ólfs Arnarsonar á Arnarhóli 1924
– svo fátt eitt sé nefnt.
Nú er IMFR meðal hluthafa
Tækniskólans – skóla atvinnulífs-
ins og einn af tólf aðilum Verk-
iðnar. Félagið hefur einnig góð
tengsl við félög iðnaðarmanna á
hinum Norðurlöndunum. Í sumar
verður haldinn hérlendis árlegur
fundur félaganna þar sem m.a.
verður fjallað um innleiðingu við-
miðaramma (NQF/EQF) í starfs-
menntakerfi landanna.
Stærsta verkefni IMFR er árleg
nýsveinahátíð til heiðurs ungu
fólki sem sýnt hefur afburða-
árangur á sveinprófi. Hátíðin
var haldin með glæsibrag í sjötta
sinn þann 4. febrúar sl. í Ráðhús-
inu í Reykjavík. 23 nýsveinar voru
heiðraðir. Jafnframt var Ragnar
Axelsson tilnefndur heiðursiðnað-
armaður ársins. Veitt var viður-
kenning fyrir samstarf hönnuða
og framleiðenda. Hana hlutu fyrir-
tækin GO Form Design Studio og
Brúnás innréttingar. Háskólinn í
Reykjavík bauð þremur nýsveinum
til náms með niðurfellingu skóla-
gjalda á haustönn 2012.
IMFR lýsir mikilli ánægju með
undirbúning og skipulagningu Ís-
landsmóts iðn- og verkgreina 2012.
Við óskum unga fólkinu til ham-
ingju og þökkum þeim fjölmörgu
sem lagt hafa af mörkum til þess-
arar glæsilegu samkomu.
Iðnaðarmannafélagið í
Reykjavík aldrei öflugra
Frá nýsveinahátíð sem haldin var 4. febrúar í Ráðhúsinu í Reykjavík.
Eitt af því mikilvægasta í umhverfi hvers einstaklings er heimilið. Að koma
sér upp þaki yfir höfuðið er oftast ein stærsta fjárfestingin í lífi fólks. Því
skiptir hönnun húsnæðis og vönduð vinnubrögð við byggingu þess höfuð-
máli, bæði hvað varðar endingu húsnæðis og viðhaldsþörf en einnig heilsu
þeirra sem í húsinu búa.
Við hönnun bygginga er reynt að gæta þess að þær þjóni tilgangi sínum
fyrir íbúana og val á byggingarefnum leiði til þess að til
verði góð, viðhaldslítil og heilsusamleg hús. Á síðustu
árum hafa allmargir leitað til VÍS vegna galla á nýjum
eða nýlegum húsum. Flestir þessara galla eru vegna
rangra vinnubragða eða þá að ekki hefur verið farið eftir
teikningum hönnuða. Að bregða þannig út af fyrirfram
ákveðnum frágangi og úthugsa nýjan á staðnum, sem oft
er ekki hugsaður í þaula, getur valdið miklum skaða auk
þess sem ábyrgð færist yfir á þá aðila sem þetta gera.
Hér kemur berlega í ljós mikilvægi góðra fagmanna og góðrar mennt-
unar í byggingariðnaðinum. Störf í iðnaði gera kröfur um þekkingu og
færni sem verður að mæta með formlegu námi. Mikilvægt er að hvetja fleira
ungt fólk til að fara í iðnnám. Hlutfall iðn- og tæknimenntaðra ungmenna á
íslenskum vinnumarkaði er talið vera lægra en á Norðurlöndunum og því er
nauðsynlegt að fá fleiri nemendur til að velja slíkt nám.
Tjónamatsmenn hjá VÍS heimsækja yfir 2.000 heimili á ári. Stundum verða
tjón þegar húseigendur reyna sjálfir að laga galla eða sinna stærri viðhalds-
verkefnum, s.s. á lagnakerfum. Rangur frágangur lagna og val á lagnaefnum
án fagþekkingar getur kostað húseigendur stórar fjárhæðir ef vatnstjón
verður á gólfefnum og innréttingum í framhaldinu sem hefði verið hægt að
komast hjá ef faglærður pípulagningamaður hefði verið fenginn til verksins.
Oft er sagt að bæði þurfi að gera hlutina rétt og gera réttu hlutina. Það
er ekki nóg að vera góður verkmaður. Fagmaður hefur að auki þekkingu
á þeim efnum sem nota á hverju sinni, eðlisfræði þeirra og hvaða efni og
efnasamsetningar þarf að varast.
Einar Freyr Magnússon
byggingafræðingur
tjónamatsmaður eignatjóna hjá VÍS
Mikilvægi faglærðra
iðnaðarmanna
Útgefandi: Verkiðn - Ábyrgðarmaður: Björn Ágúst Sigurjónsson - Ritstjóri: Lilja Sæmundsdóttir - Heimilsfang (útgefanda): Stórhöfða 31
Netfang: thor@verkidn.is - Vefsíða: verkidn.is
Gróska í iðn- og
verknámi
Íslenskt þjóðfélag hefur sett markið
hátt þegar kemur að lífsgæðum og
velferð þjóðarinnar. Slíkt samfélag,
þar sem einstaklingar njóta góðra
lífsgæða og hafa frelsi til athafna
krefst hagsæld-
ar. Til þess að
þetta takist er
nauðsynlegt að
auka verulega
verðmæta-
sköpun og
tryggja þannig
sjálfbæran hag-
vöxt. Aukin nýting náttúruauðlinda
mun ekki standa undir nema hluta
þessarar aukningar, enda stefna
okkar skýr í að slík nýting sé sjálfbær.
Af þessu leiðir að hugvit, iðnaður og
tækni munu gegna lykilhlutverki í
aukinni verðmætasköpun fram-
tíðarinnar.
Forsenda öflugs starfs í iðnaði
og tækniþróun er framboð á vel
þjálfuðum og menntuðum einstak-
lingum sem geta fyllt þau fjölmörgu
störf sem nauðsynleg eru. Það hefur
þó löngum staðið slíkri þróun fyrir
þrifum að ekki er nægilegt fram-
boð af verk- og tæknimenntuðum
einstaklingum á Íslandi, hvort sem
er litið til hefðbundinnar iðnmennt-
unar, tæknimenntunar á framhalds-
skólastigi eða tæknimenntunar
á háskólastigi. Staðreyndin er sú
að hlutfall þeirra sem lokið hafa
menntun í verk- og tæknigreinum
er lægra á Íslandi en í mörgum af
þeim löndum sem við berum okkur
saman við.
Það er því til mikils að vinna
að efla til muna áhuga á verk- og
tæknigreinum, sem og að byggja
traustar stoðir fyrir slíkt nám, allt
frá grunnskólum upp í framhalds-
skólanám, sveinspróf, meistarapróf
og háskólanám. Eitt af því sem
miklu máli skiptir í því viðfangsefni
er að skapa tækifæri fyrir ein-
staklinga til að velja sér brautir sem
ekki leiða til blindgatna annaðhvort
í skipulagi eða framkvæmd. Til þess
þurfa ólík skólastig og atvinnulíf að
koma saman til að tryggja sam-
fellu í námi og tækifæri til að ljúka
námsbrautum hvort sem er með
framhaldsskólaprófi, meistaraprófi
eða háskólagráðu.
Háskólinn í Reykjavík hefur unnið
með öðrum skólastigum að eflingu
verk- og tæknináms, sem og því að
skapa tækifæri til áframhaldandi
náms á háskólastigi með frum-
greinanámi og með öflugu námi í
iðnfræði, tæknifræði, verkfræði og
tölvunarfræði, sem og á sviðum við-
skipta og laga. Með því að breikka
þetta samstarf og ná til atvinnulífs
og stjórnvalda má styrkja enn frekar
verk- og tækninám á Íslandi og
þannig skapa þann grundvöll sem
nauðsynlegur er fyrir verðmæta-
sköpun til framtíðar.
Ari Kristinn Jónsson
rektor við Háskólann í Reykjavík
Mikilvægi verk- og
tæknimenntunar fyrir Ísland