Fréttablaðið - 06.03.2012, Blaðsíða 38

6. mars 2012 ÞRIÐJUDAGUR30
„Þetta er fáránlegt og algjör
snilld,“ segir Nanna Bryndís
Hilmarsdóttir, söngkona Of
Monsters and Men.
Uppselt er á flesta tónleika
hljómsveitarinnar á væntanlegri
tónleikaferð hennar um Bandarík-
in og Kanada. Ferðin hefst á hátíð-
inni South By South West í Texas
í næstu viku og stendur hún yfir
í einn mánuð með 26 tónleikum.
Í gær voru miðar uppseldir á 21
tónleikastað en þeir staðir taka
samanlagt um tíu þúsund gesti.
Að sögn umboðsmanns Of
Monsters and Men, Heather
Kolker, kemur það mjög á óvart
hversu hratt miðarnir hafa selst
enda er þetta fyrsta tónleikaferð
hljómsveitarinnar vestanhafs. Í
mörgum tilfellum hafa tónleik-
arnir verið færðir á stærri staði
til að anna eftirspurn.
Til marks um áhugann á hljóm-
sveitinni seldist upp á nokkrum
mínútum á tvenna tónleika henn-
ar í Fíladelfíu á stað sem tekur
um eitt þúsund gesti. Einnig er
uppselt á 1.800-manna tónleika
sveitarinnar í Seattle. Tónleikar
Of Monsters and Men í Boston
voru færðir á stærri stað og verða
núna í The House of Blues sem er
frægt tónleikahús í Bandaríkj-
unum.
Nanna Bryndís er í skýjunum
yfir þessum góðu viðtökum. „Við
höfum nánast ekkert spilað þarna
og að það sé búið að seljast upp
á þessa tónleika er bara ótrúlegt.
Við vorum ekki að búast við þessu
en þetta er rosalega gaman.“
Þessi mikli áhugi á Of Monsters
and Men er ekki úr lausu lofti
gripinn því stuttskífan Into the
Woods fékk mjög góðar viðtökur
vestanhafs, komst ofarlega
á Billboard-listann og á lista
iTunes. Þá var smellurinn Little
Talks það lag sem flestar jaðar-
útvarpsstöðvar í Bandaríkjunum
tóku í spilun í síðustu viku.
Aðspurð segist Nanna Bryn-
dís hlakka mjög til ferðalagsins.
„Við höfum aldrei tekið mánuð í
að spila á hverju einasta kvöldi.
Þetta verður svolítið mikil breyt-
ing fyrir okkur en við verðum
örugglega sjóaðri fyrir vikið. Við
vitum ekkert hvað við erum að
fara út í en vonandi spjörum við
okkur.“ freyr@frettabladid.is
BESTI BITINN
FRÉTTIR AF FÓLKI
„Ég er mjög hrifin af nýja
bistró-staðnum Snaps á Óðins-
torgi. Skemmtilegir smáréttir í
bland við góða stemmingu.“
María Heba Þorkelsdóttir leikkona.
NANNA BRYNDÍS HILMARSDÓTTIR: VONANDI SPJÖRUM VIÐ OKKUR
Uppselt á flesta tónleika Of
Monsters í Bandaríkjunum
VINSÆL Mikill áhugi er fyrir hljómsveitinni Of Monsters and Men vestanhafs.
Platan My Head Is an Animal kemur út í Bandaríkjunum og Kanada 3. apríl.
Eins og Fréttablaðið hefur greint frá var hún endurbætt í hljóðverinu Sýr-
landi með hjálp bandaríska upptökustjórans Jacquire King sem hefur meðal
annars unnið með Kings of Leon. Tvö ný lög verða á plötunni, Slow and
Steady og Mountain Song. Upptökurnar stóðu yfir í þrjár vikur og skömmu
eftir að þeim lauk dreif hljómsveitin sig aftur í hljóðver og tók upp fimm lög
til viðbótar sem ætlunin er að geyma til betri tíma. Það voru tökulögin Close
to Me með The Cure og Skeletons með Yeah Yeah Yeahs ásamt þremur
lögum sem komust ekki á My Head Is an Animal.
ÚTGÁFA Í BANDARÍKJUNUM 3. APRÍL
„Ég væri ekki að vinna fyrir hann nema
ég hefði mikla trú á honum,“ segir Valgeir
Magnússon, framkvæmdastjóri auglýsinga-
stofunnar Pipar/TBWA og nú umboðsmaður
leikarans Damon Younger.
Valgeir segir Damon hafa sett sig í sam-
band við sig fyrir nokkru síðan en leikarinn
hefur slegið í gegn í myndinni Svartur á leik
sem var frumsýnd fyrir helgi. Þar leikur
Damon glæpamanninn Brúno sem margir
vilja meina að sé eitt hræðilegasta illmenni
íslenskrar kvikmyndasögu. „Ég sá myndina
fyrst um helgina því ég komst ekki á frum-
sýninguna og var mjög hrifinn. Myndin er
svakalega hörð,“ segir Valgeir en hann var
staddur með leikaranum í miðbæ Reykja-
víkur á laugardaginn og segir að Damon hafi
vakið mikla athygli. „Það voru margir sem
gáfu honum gaum og ég tók eftir að flestir
virtust einfaldlega hræðast hann sem ég skil
núna eftir að ég sá myndina. Hann er mjög
sannfærandi illmenni.“
Damon er fyrsti leikarinn sem Valgeir
vinnur fyrir en hann hefur hingað til aðeins
verið með tónlistarfólk á sínum snærum, eins
og Heru Björk söngkonu. „Ég hef helst verið
að vinna fyrir þá sem vilja ná árangri erlend-
is og ætla nú að prufa að vera með leikara.
Við ætlum að setjast niður á næstu dögum og
fara yfir málin,“ segir Valgeir og vill ekkert
gefa út um það hvort næstu skref Damons
verði á erlendri grundu. „Það er lítill markað-
ur fyrir leikara á Íslandi og flestir horfa því
út fyrir landsteinana. Við sjáum hvað setur
en ég hef mikla trú á honum.“
- áp
Valli Sport umboðsmaður Damons Younger
GÓÐIR SAMAN Valgeir Magnússon er nýr umboðs-
maður leikarans Damons Younger og hefur mikla trú á
honum. FRÉTTABLAÐIÐ/ANTON
„Við höfum framleitt fullt af
myndum en þessi fer alla leið. Við
höfum aldrei fundið fyrir svona
spennu úti,“ segir Ingvar Þórðar-
son, annar af framleiðendum
spennumyndarinnar Frost.
Tökum á myndinni lauk uppi
á Langjökli í lok janúar og eftir-
vinnsla er í fullum gangi um þess-
ar mundir. Frumsýning er áætluð
í ágúst. Skandinavíska fyrirtæk-
ið TrustNordisk hefur tryggt sér
söluréttinn á myndinni á heims-
vísu og ætlar að kynna hana á
Cannes-hátíðinni í maí.
„Við sýndum úr henni í Berlín og
það voru allir mjög spenntir fyrir
henni. Ég hef framleitt 101 Reykja-
vík og fleiri myndir en hef aldrei
kynnst svona áður,“ segir Ingvar.
„Við tókum smá áhættu með að
fara upp á jökul í janúar og allt
hefði getað farið til fjandans en
þetta tókst.“
Leikstjórinn Reynir Lyngdal
er mjög ánægður með tökurnar.
„Þetta var tíu sinnum flottara en
það sem við vorum að vonast til að
yrði. Náttúran hjálpaði mikið til
og gerði þetta mikilfenglegra. Það
var ekki hægt að óska sér neins
betra en að fá allan þennan storm
sem við fengum.“ - fb
Mikill áhugi á Frost erlendis
FROST Mikill áhugi er fyrir spennumynd-
inni Frost erlendis.
Tískubloggarinn Diane Pernet birti nýverið myndband með
hljómsveitinni Steed Lord á bloggi sínu. Myndbandið er við
lagið Bed of Needles og skrifar Pernet einfaldlega „Flott!“
við færsluna. Pernet er stórt nafn innan tískuheimsins og
hóf feril sinn sem hönnuður á níunda áratugnum. Hún
færði sig næst út í búningahönnun en þekktust er hún
fyrir störf sín hjá franska Vogue og Elle.com. Hún heldur
núna úti blogginu A Shaded View on Fashion sem er
mikið lesið af tískuunnendum. Myndbönd Steed Lord
virðast falla vel í kramið hjá fólki innan tískuiðnaðarins
því auglýsing þeirra fyrir Standard-hótelin fékk nokkra
umfjöllun á vefsíðu ítalska Vogue. - sm
Ótrúlegt
úrval íbúða til sölu
eða leigu!
STÆRSTI
HÚSNÆÐISVEFUR
LANDSINS
Heimir & Kolla
vakna með þér í bítið
Fréttir, fróðleikur
og frábær tónlist
alla virka morgna
kl. 6.50 – 9.00
Þráinn á tökkunum og
Gissur með fréttirnar