Fréttablaðið - 06.03.2012, Blaðsíða 19
Íslandsmót iðn- og verkgreina
verður haldið í Háskólanum
í Reykjavík dagana 9. og 10.
mars. Keppt verður í nítján
greinum auk þess sem fleiri
greinar verða með sýningar.
Tvö þúsund grunnskólanemar
og - kennarar mæta til að
fylgjast með.
Í slandsmótið er nú hald-ið í sjötta sinn og verður það stærsta hingað til. Fjöldi kepp-
enda mun reyna sig í nítján grein-
um auk þess sem fleiri grein-
ar muna kynna aðferðir sínar og
tækni.
Keppninni er fyrst og fremst
ætlað að vekja athygli á iðn- og
verkgreinum og þeim tækifærum
sem felast í námi og störfum iðn-
greina, sérstaklega meðal grunn-
skólanema. Grunnskólanemendum
í 9. og 10. bekkjum landsins er því
boðið sérstaklega á mótið og hafa
um tvö þúsund nemendur og kenn-
arar grunnskólanna boðað komu
sína föstudaginn 9. mars.
Íslandsmótið er haldið með víð-
tæku samstarfi við stéttarfélög, at-
vinnulífið, IH, BHS, MK, Tækni-
skólann og FB. Keppnin er frábært
tækifæri fyrir ungt fólk til að nýta
kunnáttu sína sem það hefur lært í
skóla og starfi við lausnir verkefna
í samkeppni við aðra.
Keppt verður í eftirfarandi
greinum: Málmsuðu, trésmíði,
pípulögn, bifvélavirkjun, bílamál-
un, bifreiðasmíði, málaraiðn, dúk-
lagningu, hársnyrtingu, snyrti-
fræði, grafískri miðlun, bakaraiðn,
matreiðslu, framreiðslu, kjötiðn,
skrúðgarðyrkju, rafeindavirkjun,
sjúkraliðun, og rafvirkjun. Sýning-
argreinar eru: Blómaskreytingar
og garðyrkjuframleiðsla. Kepp-
endur munu takast á við krefjandi
verkefni í sinni grein sem reyn-
ir á hæfni, skipulagshæfileika og
fagmennsku. Dómarar fara yfir
verkefnin að lokinni keppni, meta
gæðin og velja þá sem skara fram
úr í hverri grein.
Þátttakendur á Íslandsmótinu
eru nemendur í iðn- og verkgreina-
skólum landsins og einnig þeir
sem nýlega hafa lokið námi. Ald-
urstakmark þátttakenda miðast
við þá sem verða 21 árs á árinu en
gerðar eru undanþágur í nokkrum
greinum.
Keppnin fer fram 9. og 10. mars
í Sólinni í Háskólanum í Reykja-
vík. Mótið verður sett af Katrínu
Jakobsdóttur, mennta- og menn-
ingarmálaráðherra, föstudaginn
9. mars klukkan 13.00. Samhliða
því setur hún Menntadag iðnaðar-
ins í HR.
Keppnin aldrei stærri