Fréttablaðið - 06.03.2012, Blaðsíða 22

6. MARS 2012 ÞRIÐJUDAGUR4 ● fréttablaðið ● íslandsmót iðn- og verkgreina 2012
Á Íslandsmóti Verkiðnar er keppt í
fjölmörgum iðngreinum þar á meðal
tveimur rafiðngreinum. Undanfarin ár
hefur verið keppt í rafvirkjun og hefur
Félag íslenskra rafvirkja stutt dyggilega
við keppnina en einnig hefur félagið
sent keppendur út á heimskeppnina,
WorldSkills. Í ár
verður einnig
keppt í rafeinda-
virkjun.
Það er virkilega
áhugavert að
fylgjast með
öllum keppnis-
greinunum og
í raun alveg magnað að sjá mikla
færni og þekkingu ungs fólks sem er
að feta sín fyrstu skref í framhalds-
skólum og á vinnumarkaði. Nýsköpun
og hátækniiðnaður þrífst ekki í landi
þar sem skortur er á tæknimenntuðu
fólki. Rafiðngreinar spila stórt hlutverk
í þróun nýs tæknibúnaðar hvort sem
unnið er að betri nýtingu hráefnis eða
framleiðslu á nýjum búnaði.
En af hverju að velja iðnnám?
Þeir einstaklingar sem ljúka sveins-
prófi í rafiðngreinum eru mjög eftir-
sóttir úti á vinnumarkaðnum jafnt hér
heima á Íslandi sem erlendis, þeir sem
ætla sér í frekara háskólanám eins
og tæknifræði eða verkfræði ættu
að kynna sér iðngreinar fyrst því það
hefur sýnt sig að þeir sem hafa farið
verknámsleið upp í Háskóla verða oft
á tíðum bestu sérfræðingarnir. Í dag
er einnig boðið upp á möguleikann
á að ljúka stúdentsprófi samhliða
verknámi.
Það hefur sýnt sig á undanförnum
árum að rafiðngreinar höfða jafnt til
karla og kvenna. Konum fjölgar jafnt
og þétt í rafiðnaði og á undanförnum
misserum hafa þær konur sem lokið
hafa sveinsprófi sýnt það og sannað
að þær eiga fullt erindi í rafiðngreinar
enda hafa þær lokið sveinsprófum
með góðum árangri og hafa á undan-
förnum árum verið á mjög góðum
launum.
Rafiðngreinar hafa í gegnum tíðina
verið taldar með arðbærari störfum
sem mögulegt er að mennta sig í. Það
þýðir að sá kostnaður sem nemendur
þurfa að leggja út til þess að afla sér
menntunar, á móti þeim tekjum sem
vænta má að námi loknu, er hlutfalls-
lega mjög lítill.
Ég hvet þá sem eru að velta fyrir sér
að bæta við menntun sína, hvort sem
þeir eru að koma úr grunnskóla eða
komnir á vinnumarkað, að kíkja við í
Háskólanum í Reykjavík dagana 9. og
10. mars næstkomandi og kynna sér
þær fjölmörgu iðngreinar sem keppt
er í. Þetta er einnig kjörið tækifæri fyrir
foreldra barna á grunnskólaaldri að
kynna sér iðngreinar.
Kristján Þórður Snæbjarnarson
Formaður Rafiðnaðarsambands Íslands
Spennandi
valkostur
Dagskrá föstudaginn 9. mars
Kl. 09:30 Keppni hefst
Kl. 10:00-14:00 Grunnskólanemendur í heimsókn
Kl. 10:00-12:30 Atriði á sviði
Kl. 13:00 Setningarathöfn keppninnar og Menntadags iðnaðarins
Katrín Jakobsdóttir, mennta- og menningarmálaráðherra
Kl. 16:30 Keppni frestað til morguns
Dagskrá laugardaginn 10. mars
Kl. 09:30 Keppni heldur áfram
Kl. 12:30-14:30 Atriði á sviði
Kl. 16:00 Keppni lýkur í öllum greinum
Kl. 16:30 Skemmtidagskrá á sviði
Kl. 17:15 Lokaathöfn og verðlaunaafhending
Simon Bartley forseti World Skills
Stærsta iðn- og verkgreinakeppni sem
haldin hefur verið á Íslandi - allir velkomnir!