Fréttablaðið - 06.03.2012, Blaðsíða 34

6. mars 2012 ÞRIÐJUDAGUR26
sport@frettabladid.is
FÓTBOLTI „Þetta er ekki skemmti-
legt mál. Ég hef verið slæmur
aftan í kálfa í um tvær vikur. Hef
verið í sjúkraþjálfun vegna þessa
en það hefur ekkert lagast. Ég fór
svo í ómskoðun og þá kom í ljós að
ég er með svokallaðan bláæðar-
blóðtappa í kálfanum,“ sagði
Tryggvi Guðmundsson, leikmað-
ur ÍBV, við Fréttablaðið í gær.
Hann mun verða frá knatt-
spyrnuiðkun í þrjá til sex mánuði
vegna veikindanna og því ljóst
að hann bætir ekki markametið í
efstu deild snemma næsta sumar.
Tryggvi deilir metinu með Inga
Birni Albertssyni en þeir hafa
báðir skorað 126 mörk í efstu
deild.
„Þetta er alvarlegt mál. Nú er
ég kominn á blóðþynningarlyf,
þarf að sprauta mig í magann og
sætta mig við að vera sjúklingur.“
Tryggvi er þekktur harðjaxl
sem spilar nánast alltaf þó svo
hann sé eitthvað meiddur. Það
sannaði hann ítrekað síðasta
sumar er hann spilaði allur blár
og marinn hvað eftir annað.
„Ég þarf að gúgla þetta og
skoða hvað menn hafa verið fljót-
ir til baka sem hafa lent í álíka.
Það er talað um þrjá til sex mán-
uði en eigum við þá ekki að segja
að ég verði tvo mánuði frá,“ sagði
Tryggvi bjartsýnn en hann ætlar
ekki að láta veikindin aftra sér frá
því að ná markametinu sem hann
hefur svo lengi stefnt að.
„Það eru samt allir í kringum
mig að taka veikindin alvarlega.
Ég má ekkert æfa á meðan ég
er á þessum lyfjum. Ég verð að
sætta mig við það en vonandi get
ég farið að hjóla eða synda sem
fyrst,“ sagði Tryggvi en hann
getur ekki neitað því að þetta sé
talsvert áfall fyrir sig.
„Þetta verður mjög erfitt en er
samt það alvarlegt að aldrei þessu
vant verð ég að hlusta á og hlýða
því sem læknarnir segja við mig.
Þetta kom mér algjörlega í opna
skjöldu því ég hélt ég væri bara
með stífan kálfa.“
Tryggvi stefnir á að fara með
Eyjamönnum í æfingaferð í lok
mars þó svo hann sé veikur enda
eru þær ferðir ekki síður til þess
að þjappa hópnum saman.
„Ég verð svo að sætta mig við
að missa af fyrstu leikjunum. Ég
hef nú alltaf byrjað mótin vel en
það verður ekki af því í ár. Þetta
er samt enginn dauðadómur þó
alvarlegt sé. Það verða líklega
einhverjir fengir því að ég sé
farinn af vellinum og hætti að
skammast í þeim,“ sagði Tryggvi
léttur.
Magnús Gylfason, þjálfari ÍBV,
var hálfsleginn er Fréttablaðið
heyrði í hinum enda tiltölulega
nýbúinn að fá fréttirnar. „Þetta er
mikið áfall og það er alveg klárt
að við erum að taka eitt skref til
baka með því að missa Tryggva.
„Þetta er alveg grátlegt því hann
var í ótrúlega góðu formi og fyrsti
leikurinn án hans er eini leikur-
inn sem við náðum ekki að skora í
vetur. Það munar mikið um hann.“
Magnús segir líklegt að ÍBV
muni styrkja sig í ljósi þessarar
stöðu.
„Við erum enn að melta þetta
en ég tel ansi líklegt að við verð-
um að bæta við okkur manni. Sá
maður verður að koma að utan
því enginn slíkur er á lausu hér á
Íslandi.“ henry@frettabladid.is
VALSKONUR geta í kvöld jafnað KR og Hauka að stigum í baráttunni um sæti í úrslitakeppni Iceland Express-deildar kvenna
með sigri á KR í DHL-höllinni en leikur liðanna hefst klukkan 19.15. Valsliðið hefur unnið þrjá leiki í röð og það ásamt slæmu
gengi KR (5 töp í röð) og Hauka (4 töp í röð) hafa gefið Hlíðarendakonum von um að komast í úrslitakeppnina þrátt fyrir að
staðan hafi verið svört um tíma. Liðin er í 4. til 6. sæti deildarinnar en fjögur efstu liðin komast í úrslitakeppnina.
Þetta verður mjög
erfitt en er samt það
alvarlegt að aldrei þessu vant
verð ég að hlusta á og hlýða
því sem læknarnir segja.
TRYGGVI GUÐMUNDSSON
KNATTSPYRNUMAÐUR
Er enginn dauðadómur
Markahrókurinn Tryggvi Guðmundsson má ekkert æfa næstu mánuði eftir að
hann fékk blóðtappa í fótinn. Tryggvi verður frá í þrjá til sex mánuði.
MIKIÐ ÁFALL Tryggvi er prímusmótorinn í liði Eyjamanna og hans verður sárt saknað
í fyrstu umferðum Íslandsmótsins í ár. FRÉTTABLAÐIÐ/ANTON
FÓTBOLTI Tveir leikir fara
fram í sextán liða úrslitum
Meistaradeildar Evrópu í kvöld.
AC Milan sækir Arsenal heim og
Benfica fær Zenit í heimsókn.
Zenit vann fyrri leik liðanna,
3-2. AC Milan valtaði aftur á móti
yfir Arsenal, 4-0, á Ítalíu. Engu
að síður stefnir Arsenal á að selja
sig dýrt í kvöld.
„Við viljum virkilega gefa allt í
þetta og sjá hvað gerist. Við verð-
um að gleyma því sem gerðist í
fyrri leiknum og einbeita okkur
að því sem við gerðum gegn Tot-
tenham,“ sagði Arsene Wenger,
stjóri Arsenal.
Í leiknum gegn Tottenham lenti
Arsenal 2-0 undir en vann 5-2 að
lokum. - hbg
Meistaradeild Evrópu:
Arsenal ætlar
að selja sig dýrt
PRINSINN FAGNAR Kevin Prince-
Boateng fagnar marki í fyrri leiknum
gegn Arsenal. NORDIC PHOTOS/GETTY IMAGES
FÓTBOLTI Íslenska kvennalandsliðið
spilar um fimmta sætið í Algarve-
bikarnum í ár eftir 1-0 sigur á Kína
í lokaleik riðilsins í gær. Fanndís
Friðriksdóttir kom inn á sem vara-
maður og tryggði íslenska liðinu
leik um fimmta sætið sem verður
á móti Dönum á miðvikudaginn.
Fanndís hafði ekki náð að skora í
fyrstu 23 landsleikjum sínum með
A-landsliðinu og Sigurður Ragnar
Eyjólfsson landsliðsþjálfari ákvað
að taka hana út úr byrjunarliðinu
en Fanndís byrjaði bæði gegn Þjóð-
verjum og Svíum.
„Ég var búin að bíða svolítið eftir
þessu marki. Nú er gaman að þetta
sé komið og vonandi koma fleiri
í kjölfarið. Ég var búin að vera í
byrjunarliðinu í tveimur fyrstu
leikjunum en svo var ég tekin út
fyrir þennan leik. Þá er gott að
geta sýnt það að maður vill vera
inni á vellinum,“ sagði Fanndís.
„Fanndís hefur mest verið á
kantinum hjá okkur en hefur lang-
að að spila frammi veit ég. Hún
nýtti tækifærið vel þegar hún fékk
að fara fram. Það er mjög jákvætt.
Við stólum mikið á markaskor-
unina hjá Margréti Láru og Hólm-
fríði og það er mjög jákvætt ef
fleiri leikmenn taka ábyrgð á því
að skora mörk. Hún kláraði færið
sitt mjög vel og þær komu mjög
sterkar inn í framlínuna, Fanndís
og Harpa,“ sagði Sigurður Ragn-
ar Eyjólfsson landsliðsþjálfari,
en kínversku stelpurnar björguðu
á marklínu frá Hörpu Þorsteins-
dóttur skömmu áður en Fanndís
skoraði.
Hólmfríður Magnúsdóttir átti
stoðsendinguna á Fanndísi í mark-
inu og hefur því lagt upp bæði
mörk íslenska liðsins á mótinu.
„Fríða gaf gullfallega sendingu
inn fyrir og ég kláraði með vinstri.
Ég setti boltann milli lappanna á
markverðinum, það er klassík. Við
vorum miklu betri allan tímann og
hefðum getað verið búnar að skora
eitt til tvö mörk,“ sagði Fanndís
kát en hún er eldfljót og þær eru
ekki margar sem ná henni þegar
hún er komin á ferðina. „Þær náðu
mér allavega ekki í þetta skiptið,“
sagði Fanndís hlæjandi.
Sigurður Ragnar var ánægður
með leik íslenska liðsins. „Þær
spiluðu mjög vel. Við vorum að
prófa 4-4-2 og ég var ánægður
með að það gekk svona vel. Við
héldum skipulaginu mjög vel og
þær voru að berjast og hlaupa
fyrir hver aðra. Ég held að það hafi
skilað þessum sigri í lokin að þær
héldu alltaf áfram,“ sagði Sigurð-
ur Ragnar og fram undan er leikur
um fimmta sætið á móti Dönum á
morgun.
„Við viljum fá sem mest af leikj-
um á móti sterkum liðum því þang-
að erum við að stefna. Ég er mjög
ánægður með að við mætum Dan-
mörku. Það er hörkugott lið og
verður gott próf fyrir okkur,“ sagði
Sigurður Ragnar. - óój
Fanndís Friðriksdóttir tryggði íslenska kvennalandsliðinu sigur á Kína og leik um 5. sætið í Algarve-bikarnum:
Þær náðu mér allavega ekki í þetta skiptið
FANNDÍS FRIÐRIKSDÓTTIR Var hetja
íslenska liðsins í gær. MYND/GETTYIMAGES
HANDBOLTI Ágúst Þór Jóhannsson
landsliðsþjálfari kvenna, hefur
valið 19 leikmenn til undirbún-
ings fyrir leiki við Sviss í undan-
keppni EM 2012. Leikirnir fara
fram 22. mars í St. Gallen í Sviss
og 25. mars í Vodafone-höllinni.
Ágúst kallar meðal annars á
tvo leikmenn sem hafa ekki
verið viðriðnir liðið í síðustu
verkefnum en það eru þær Jóna
Margrét Ragnarsdóttir, örvhent
skytta Stjörnunnar, og Ester
Óskarsdóttir, leikstjórnandi ÍBV.
Guðrún Ósk Maríasdóttir,
Elísabet Gunnarsdóttir og Hildur
Þorgeirsdóttir komu einnig inn
í hópinn en þær voru ekki með á
HM í Kína. - óój
Kvennalandsliðið í handbolta:
Jóna og Ester fá
tækifærið
JÓNA MARGRÉT RAGNARSDÓTTIR Á að
baki 49 landsleiki. FRÉTTABLAÐIÐ/STEFÁN
FÓTBOLTI Gylfi Þór Sigurðsson er
með bestu tölfræðina af öllum
miðjumönnum ensku úrvals-
deildarinnar sem hafa skorað þrjú
deildarmörk eða fleiri á þessu
tímabili. Það hafa nefnilega liðið
fæstar mínútur á milli marka Gylfa
af öllum skráðum miðjumönnum
deildarinnar en hann hefur gert
örlítið betur en Frank Lampard hjá
Chelsea. Gylfi skoraði bæði mörk
Swansea í 2-0 sigri á Wigan um
helgina og það hafa liðið 169 mín-
útur á milli marka hans. - óój
Enska úrvalsdeildin:
Gylfi betri en
Lampard
GYLFI ÞÓR SIGURÐSSON Fagnar hér
seinna marki sínu. MYND/GETTYIMAGES
HANDBOLTI Arnór Þór Gunnarsson
hefur ákveðið að spila með þýska
úrvalsdeildarliðinu Bergischer
HC næstu tvö árin en hann til-
kynnti þetta á Twitter í gær.
Arnór hefur undanfarið spilað
með Bittenfeld í þýsku b-deild-
inni en hann er fjórði marka-
hæsti leikmaður deildarinnar
með 6,5 mörk í leik.
„Spila fyrir Bergischer HC
næstu tvö árin. Vonandi í 1.
deild. Ég er virkilega ánægður
með þetta næsta skref,“ skrif-
aði Arnór Þór inn á Twitter-síðu
sína. Arnór Þór verður þar með
liðsfélagi Rúnars Kárasonar. - óój
Arnór Þór Gunnarsson:
Búinn að semja
við Bergischer
Landsliðshópurinn:
Markmenn:
Guðný Jenný Ásmundsdóttir Valur
Guðrún Ósk Maríasdóttir Fram
Sunneva Einarsdóttir Valur
Aðrir leikmenn:
Anna Úrsúla Guðmundsdóttir Valur
Arna Sif Pálsdóttir Aalborg DH
Ásta Birna Gunnarsdóttir Fram
Dagný Skúladóttir Valur
Elísabet Gunnarsdóttir Fram
Ester Óskarsdóttir ÍBV
Hanna Guðrún Stefánsdóttir Stjarnan
Hildur Þorgeirsdóttir HSB Blomberg-Lippe
Hrafnhildur Skúladóttir Valur
Jóna Margrét Ragnarsdóttir Stjarnan
Karen Knútsdóttir HSB Blomberg-Lippe
Ragnhildur Rósa Guðmundsdóttir Valur
Rut Arnfjörð Jónsdóttir Team Tvis Holstebro
Stella Sigurðardóttir Fram
Þórey Rósa Stefánsdóttir Team Tvis Holstebro
Þorgerður Anna Atladóttir Valur
Styst á milli marka miðju-
manna í enska í vetur:
169 mín. Gylfi Þór Sigurðsson,
Swansea
3 mörk á 508 mínútum (3 stoðsendingar)
170 mínútur Frank Lampard, Chelsea
10 mörk á 1696 mínútum (5 stoðs.)
201 mínúta Adam Johnson, Man. City
5 mörk á 1006 mínútum (6 stoðs.)
202 mínútur Clint Dempsey, Fulham
12 mörk á 2422 mínútum (5 stoðs.)
220 mínútur Rafael van der Vaart, Tott.
7 mörk á 1540 mínútum (4 stoðs.)
223 mínútur Gareth Bale, Tottenham
10 mörk á 2226 mínútum (9 stoðs.)