Fréttablaðið - 12.04.2012, Blaðsíða 18

18 12. apríl 2012 FIMMTUDAGUR
FRÁ DEGI TIL DAGS
greinar@frettabladid.is
ÚTGÁFUFÉLAG: 365 miðlar ehf. STJÓRNARFORMAÐUR: Ingibjörg S. Pálmadóttir FORSTJÓRI OG ÚTGÁFUSTJÓRI: Ari Edwald
RITSTJÓRI: Ólafur Þ. Stephensen olafur@frettabladid.is AÐSTOÐARRITSTJÓRI: Steinunn Stefánsdóttir steinunn@frettabladid.is
Fréttablaðið kemur út í 90.000 eintökum og er dreift ókeypis á heimili á höfuðborgarsvæðinu og Akureyri. Einnig er hægt að
fá blaðið í völdum verslunum á landsbyggðinni. Fréttablaðið áskilur sér rétt til að birta allt efni blaðsins í stafrænu formi og í
gagnabönkum án endurgjalds. Issn 1670-3871
Suðurlandsbraut 20, Reykjavík | Sími 588 0200 | www.eirvik.is
Miele þvottavélar og þurrkarar
T
íu þingmenn úr öllum flokkum öðrum en Framsóknarflokki
og Sjálfstæðisflokki hafa lagt fram á Alþingi tillögu til þings-
ályktunar um að iðkendur Falun Gong verði beðnir afsökunar
á aðgerðum íslenzkra stjórnvalda gagnvart þeim árið 2002.
Jafnframt verði þeim sem ekki hafa fengið greiddar bætur
vegna fjárhagstjóns af völdum aðgerðanna tryggðar slíkar bætur.
Aðgerðirnar fólust í að meina iðkendum Falun Gong landgöngu á
Íslandi þegar heimsókn forseta Kína, Jian Zemin, stóð fyrir dyrum.
Í því skyni var Flugleiðum meðal
annars afhentur listi yfir iðkendur
og flugfélaginu falið að hindra för
fólksins til landsins. Persónuvernd
úrskurðaði síðar að listinn hefði
verið ólöglegur og umboðsmaður
Alþingis komst að þeirri niður-
stöðu að stjórnvöld hefðu ekki haft
heimild til að setja einkafyrirtæki í
að meina fólki landgöngu. Nokkrum var vísað frá landinu á Keflavíkur-
flugvelli. Um 75 Falun Gong-iðkendur, sem þrátt fyrir þetta komust til
landsins, voru hnepptir í varðhald þar til þeir höfðu undirritað yfir-
lýsingu þar sem þeir lofuðu að hlíta fyrirmælum lögreglu í einu og öllu.
Erindi Falun Gong-iðkenda til Íslands var að mótmæla friðsamlega
þeim grófu mannréttindabrotum sem þessi hópur sætti og sætir enn
í Kína. Ákvörðun íslenzkra ráðamanna á sínum tíma var tekin undir
miklum þrýstingi frá kínverskum stjórnvöldum, sem vildu ekki að
mótmælin trufluðu dagskrá forsetans.
Ákvörðunin var umdeild og margir andmæltu henni harðlega. Eftir
á að hyggja ættu flestir að sjá að hún var mistök. Iðkendur Falun Gong
hafa aldrei orðið uppvísir að því að beita ofbeldi. Með því að meina þeim
aðgang að landinu og hneppa þá í varðhald var brotið á rétti þeirra til
friðsamlegra mótmæla.
Í greinargerð með þingsályktunartillögunni, sem Guðmundur Stein-
grímsson er fyrsti flutningsmaður að, segir réttilega að afsökunar-
beiðnin feli ekki aðeins í sér nauðsynlegt uppgjör við einstaklinga og
fortíðina, heldur sé hún einnig til þess fallin að slíkir atburðir endurtaki
sig ekki. Iðkendur Falun Gong hafa fagnað tillögunni og líta á hana
sem stuðning við mannréttindabaráttuna í Kína. Uppgjör við þessa
liðnu atburði er þó ekki síður nauðsynlegt vegna samvizku Íslands sem
lýðræðisríkis. Þess vegna er líka skrýtið og heldur dapurlegt að engir
þingmenn Sjálfstæðis- eða Framsóknarflokks, sem sátu í ríkisstjórn
fyrir tíu árum, taki þátt í flutningi þingsályktunartillögunnar. Ætli þeir
séu allir á því að ákvörðunin hafi verið rétt?
Hugsanlega má skrifa mistök íslenzkra stjórnvalda á sínum tíma
á ákveðið reynsluleysi og áhyggjur af því að við fjölda útlendra mót-
mælenda yrði ekki ráðið. Síðan hefur lögreglan reyndar öðlazt heilmikla
reynslu af því að fást við mótmæli, bæði friðsamleg og ofbeldisfull, og
ætti að vera betur í stakk búin en áður að skilja hafrana frá sauðunum.
Jafnákveðin og íslenzk stjórnvöld eiga að vera í því að vísa frá landinu
þeim sem koma hingað í ólögmætum tilgangi og standa í vegi fólks sem
hyggst beita ofbeldi eða skemmdarverkum í þágu málstaðar síns, eiga
þau að standa dyggan vörð um réttinn til friðsamlegra mótmæla. Allra
sízt á að láta stjórnvöld í einræðisríkjum ráða því hverjir fá að koma
til Íslands og hverjir ekki. Þess vegna á Alþingi að biðjast afsökunar.
Molahöfundur „Frá degi til dags“ á leiðaraopnu Fréttablaðsins þ.
10. apríl sl., kolbeinn@frettabladid.is,
stendur á öndinni af vandlætingu yfir
því sem hann kallar páskaávarp biskups
Íslands. Það sem veldur andnauð mola-
höfundarins er að biskup skuli leyfa
sér að vekja athygli á skefjalausum
áróðri gegn kirkju, hinum kristna sið og
trúarhefðum. Hneykslan blaðamanns-
ins virðist eiga sér rætur í því að þar
sem hann telur þjóðkirkjuna njóta for-
réttinda á margan hátt sé fáránlegt að
biskup veki athygli á umræddum áróðri.
Til að leggja áherslu á hversu fárán-
legt athæfi biskups er, jafnar hann
því saman ef nafngreind fótboltahetja
hefði kvartað undan því að fá ekki
fleiri vítaspyrnur í tilgreindum knatt-
spyrnuleik. Ég skal fúslega játa að ég
er hvorki blaðamaður né knattspyrnu-
áhugamaður, en ég á erfitt með að
höndla röksemdafærsluna. Merkir þetta
að vegna þess að kirkjan nýtur meintra
forréttinda sé það frekja af biskupi
að vekja athygli á linnulausum áróðri
vissra aðila gegn kirkju og kristni?
Ergo: Íþróttahreyfingin nýtur á margan
hátt forréttinda miðað við önnur frjáls
félagasamtök í landinu. Ef ein hverjum
dytti í hug að halda uppi linnulausum
áróðri gegn hreyfingunni, væri það
frekja af forystumönnum hennar að
svara þeim áróðri. Hvílík röksnilli!
Hættumörkum ná þó andköf mola-
höfundarins vegna athugasemda
biskups við niðurlægjandi ásökunum
um hræsni fermingarbarna, þar sem
því er haldið fram að þau láti fyrst og
fremst ferma sig til að fá gjafirnar.
Þetta verður molahöfundi tilefni til
talnaleikfimi sem skilar þeirri niður-
stöðu að fermingarbörn gætu hugsan-
lega verið um 82,8% af árgangi. Niður-
staða molahöfundar er sú að þetta
hljóti að vera „mest ofsótti meirihluti í
heimi, ef marka má orð biskups“. Á að
skilja þessi orð þannig að allt sé í lagi
að niðurlægja fermingarbörn af því að
þau eru svo mörg? Eða: Það er allt í lagi
að kasta grjóti ef hópurinn sem verður
fyrir grjóthríðinni er nógu stór! Það er
allt í lagi að niðurlægja fólk, ef nógu
margir eru niðurlægðir í einu! Þessi
röksemdafærsla er tær snilld og skóla-
bókardæmi um þá röksnilli sem kölluð
hefur verið hundalógik (sjá Íslenska
orðabók, Edda 2002, bls. 663).
FRÉTTABLAÐIÐ Skaftahlíð 24, 105 Reykjavík SÍMI: 512 5000, ritstjorn@frettabladid.is FRÉTTASTJÓRAR: Arndís Þorgeirsdóttir arndis@frettabladid.is, Kristján Hjálmarsson, kristjan@frettabladid.is Trausti Hafliðason trausti@frettabladid.is og Atli Fannar Bjarkason (dægurmál) atlifannar@frettabladid.is
HELGAREFNI: Sigríður Björg Tómasdóttir, ritstjórnarfulltrúi, sigridur@frettabladid.is MENNING: Bergsteinn Sigurðsson bergsteinn@frettabladid.is FÓLK OG SÉRBLÖÐ: Roald Eyvindsson roald@frettabladid.is og Sólveig Gísladóttir solveig@frettabladid.is
ÍÞRÓTTIR: Sigurður Elvar Þórólfsson seth@frettabladid.is LJÓSMYNDIR: Pjetur Sigurðsson pjetur@frettabladid.is FRAMLEIÐSLUSTJÓRI: Kolbrún Ingibergsdóttir kolbrun@frettabladid.is
HALLDÓR
Ólafur Þ.
Stephensen
olafur@frettabladid.is
SKOÐUN
Hundalógik
Trúmál
Sigurður
Pálsson
fv. sóknarprestur
Alþingi á að biðja iðkendur Falun Gong afsökunar:
Samvizka
lýðræðisríkis
Langur tími í pólitík
Enn liggur fólk undir feldi og íhugar
forsetaframboð. Meðal þess er Ari
Trausti Guðmundsson, sem tilkynnti
um það í gær að hann mundi tilkynna
á blaðamannafundi á sumardaginn
fyrsta hvað hann hygðist fyrir í þeim
efnum. Sumardagurinn fyrsti er eftir
viku. Til samanburðar boðuðu
Herdís Þorgeirsdóttir og
Þóra Arnórsdóttir til blaða-
mannafunda um framboð
sín með hálfs dags fyrirvara.
Stuttur tími í
jarðsögunni
En ekki er ráð nema í
tíma sé tekið, og eins
og upplýsingafulltrúinn Ragnhildur
Sverrisdóttir segir á Facebook-síðu
sinni þá er Ari Trausti jarðfræðingur
og vanur að hugsa í milljónum ára. Ef
eitthvað er hefur honum líklega þótt
vika helst til skammur fyrirvari.
Rólegheit á Bessastöðum
Annar frambjóðandi sem virðist ekki
vera að flýta sér er sitjandi forseti,
Ólafur Ragnar Grímsson, en fátt
hefur heyrst frá Bessastöðum
þrátt fyrir að fjöldi mótfram-
bjóðenda hafi farið af stað
með kosningabaráttu.
Og enn virðist vera
nokkur bið eftir því
að Ólafur Ragnar
hefji sína baráttu. Í gær birti nefnilega
Þórður Björn Sigurðsson, starfsmaður
Hreyfingarinnar, svar framboðs Ólafs
við fyrirspurn sem hann hefur sent
á alla frambjóðendur um hugmyndir
þeirra varðandi málskotsrétt forseta.
Undir svarið skrifaði Ólafía B. Rafns-
dóttir, gamall kosningastjóri Ólafs, en
svarið var þetta: „Varðandi fyrirspurn
þína þá er það afstaða okkar að
ekki sé tímabært að svara fyrir-
spurnum fyrr en að framboðs-
fresti lýkur.“ Ólafur Ragnar virðist
sem sagt ætla að eftirláta öðrum
frambjóðendum sviðið
þar til 25. maí hið fyrsta.
stigur@frettabladid.is
magnusl@frettabladid.is