Fréttablaðið - 12.04.2012, Blaðsíða 66

12. apríl 2012 FIMMTUDAGUR50
golfogveidi@frettabladid.is
Ómar Smári Óttarsson
er 14 ára Hafnfirðingur
með veiðidellu á háu
stigi, sem er gott. Hann
byrjaði að veiða þegar
hann var fjögurra eða
fimm ára og hefur hnýtt
flugur í þrjú ár. Hann
veiðir víða en líklega
mest í Vífilsstaðavatni.
Trausti Hafliðason ræddi
við Ómar Smára um
fiska, flugur og ótrú-
legar veiðisögur.
„Mér gengur ágætlega að veiða í
Vífilsstaðavatni þó ég fái kannski
ekki alltaf fisk. Ég fór þangað til
dæmis einn morguninn fljótlega
eftir að veiðitímabilið byrjaði
núna í apríl og veiddi eins og hálfs
punds bleikju. Ég tók hana með
mér heim og steikti hana í há-
deginu sama dag. Bleikjan er góð.“
Afi Björgvin kominn í golfið
„Ég er búinn að veiða alveg síðan
ég gat haldið á stöng. Ég veiddi
fyrst með Stefáni langafa mínum í
Vesturhópsvatni en þar vorum við
oft í sumarbústað. Þar lögðum við
silunganet en síðan fórum við líka
út á bát og veiddum á spún. Það er
til mynd af mér þegar ég var pínu-
lítill með silung sem ég veiddi. Afi
Björgvin var líka veiðimaður og
fór nokkrum sinnum með mér að
veiða. Hann hætti hins vegar að
veiða fyrir þremur árum og fór í
golfið. Afi á fullt af veiðigræjum
sem hann notar ekkert en ég hef
samt ekki fengið að nota þær. Ég
er viss að ef ég tæki þær núna
myndi hann ekki fatta það fyrr en í
fyrsta lagi eftir tíu ár. Hann hefur
engan áhuga á veiðinni lengur sem
er auðvitað svakalegt.“
Talar endalaust um veiði
Oft byrja börn að veiða vegna
þess að foreldrarnir eru forfallnir
veiðimenn en þannig er það ekki
hjá Ómari Smára.
„Foreldrar mínir veiða eiginlega
ekki neitt og það er svolítið slæmt.
Þau verða stundum svo lítið þreytt á
mér því ég er endalaust að tala um
veiði og biðja þau um að skutla mér
í veiði. Ég er aftur á móti að vinna
í því að gera bróður minn að veiði-
manni en hann er reyndar bara
þriggja ára. Ég fór samt með hann
niður á bryggju síðasta sumar og
hann fékk að halda í stöngina þegar
við veiddum þrjá þorska. Síðan
hefur systir mín, sem er ellefu
ára, smá áhuga á veiði og hefur
til dæmis verið svolítið að hnýta
flugur með mér.“
Sjóbleikjan skemmtilegust
Þó Ómar Smári hafi marg-
sinnis veitt lax finnst honum ekki
síður skemmtilegt að veiða silung.
Reyndar finnst honum sjóbleikjan
skemmtilegust.
„Það er mikil áskorun að veiða
sjóbleikju. Það getur oft verið
erfitt að fá hana til að taka en
þegar maður nær einni þá skoðar
maður bara í magann á henni og
sér hvað hún er að borða og velur
flugu eftir því. Eftir það getur
maður veitt margar.“
Ofurflugan Didda amma
Ómar Smári er ekki bara veiði-
maður heldur líka eldklár flugu-
hnýtari. Hann byrjaði að hnýta
fyrir þremur árum og hnýtir bæði
þekktar flugur eins til dæmis
Frances og Flæðarmús en einnig
hannar hann sínar eigin flugur.
Eina þeirra nefndi hann eftir lang-
ömmu sinni sem dó úr krabbameini
í fyrra. Hún dó daginn áður en
Ómar Smári fermdist og skiljan-
lega þykir honum mjög vænt um
þessa litlu silungaflugu. Hún
nefnist Didda A eða Didda amma.
„Þetta er þurrfluga og í fyrsta
skiptið sem ég kastaði henni út
í Hraunsfjörðinn tók bleikja. Í
heildina hef ég veitt 24 bleikjur á
Diddu ömmu eða Diddu A. Annars
finnst mér skemmtilegast að hnýta
púpur og straumflugur. Ég hnýti
samt líka laxaflugur. Í fyrra hnýtti
ég Rauðan Frances og Undertaker
áður en ég fór í lax í Gufuá og ég
veiddi á þær báðar.
Stærsti laxinn var átta pund
Stærsti laxinn sem Ómar Smári
hefur landað var átta pund.
„Mér finnst rosalega gaman að
veiða í Gufuá í Borgarfirði. Ég
fer stundum þangað með Guð-
laugi Fjeldsted, kærasta frænku
minnar, en ég hef reyndar líka
farið þangað með pabba. Þá veiðir
hann yfirleitt á maðk en ég mest
á flugu. Síðasta sumar fór ég
nokkrum sinnum í Gufuá og veiddi
fimmtán laxa í heildina.“
Á strigaskónum í Gufuá
Þrátt fyrir ungan aldur lumar
Ómari Smári á nokkrum ótrú-
legum veiðisögum.
„Erfiðasti lax sem ég hef veitt
var bara fjögur og hálft pund –
hann var ótrúlega sprækur. Ég
var bara á strigaskónum þegar
ég veiddi hann í skurði í Gufuá.
Þar bunkast oft upp lax en Guð-
laugur sagðist ekki vita til þess
að neinn hefði náð að landa laxi á
þessum stað án þess að vera með
háf. Ég henti svartri snældutúbu
út í og laxinn tók en sleppti og fór
út í sefgras. Ég kastaði þá aftur
og þá rauk hann aftur í fluguna
og tók. Nú var hann vel tekinn og
alveg trylltur. Í eitt skiptið stökk
hann upp á bakkann en þegar ég
hljóp að honum og ætlaði að sporð-
taka hann þá datt hann aftur út í
og þá byrjaði leikurinn aftur. Ég
var síðan um hálftíma að landa
honum enda þorði ég ekki annað en
að taka ofurvarlega á honum þar
sem ég var auðvitað ekki með háf.“
Langar í Elliðaárnar
Ómar Smári ætlar að vera dug-
legur að veiða í sumar.
„Ég mun pottþétt veiða í Gufuá
og Hraunsfirðinum og síðan
langar mig rosalega að veiða í
Elliða ánum. Ég ætla líka að vera
duglegur að veiða í vötnunum.“
trausti@frettabladid.is
Langafastrákur með veiðidellu
DIDDA A Ein uppáhaldsfluga Ómars
Smára er lítil þurrfluga sem hann nefndi
eftir ömmu sinni. Flugan skæða nefnist
Didda A eða Didda amma.
KLÁR FLUGUHNÝTARI Ómar Smári byrjaði að hnýta flugur fyrir þremur árum. Nú
veiðir hann nánast eingöngu á eigin flugur.
STÖNGIN ÞANIN Ómar Smári Óttarsson þekkir Vífilsstaðavatnið vel. Í byrjun apríl veiddi hann sér þar bleikju í matinn. FRÉTTABLAÐIÐ/VILHELM
Nú var hann vel
tekinn og alveg
trylltur. Í eitt skiptið stökk
hann upp á bakkann en
þegar ég hljóp að honum og
ætlaði að sporðtaka hann
þá datt hann aftur út í og þá
byrjaði leikurinn aftur.
ÓMAR SMÁRI ÓTTARSSON
14 ÁRA VEIÐIMAÐUR
Veiddi þriggja punda urriða á banana
Ef það leynist fiskur í sprænu þá reynir Ómar Smári að ná honum. Hann
hefur til dæmis veitt þrjá urriða í Læknum í Hafnarfirði.
„Einn þeirra var þrjú pund en hann
veiddi ég fyrir fimm árum á banana.
Ég man þetta vel því ég var heima
að leita að gulum baunum til að
beita en það voru engar til. Þá leit
ég í kringum mig að það fyrsta gula
sem ég sá var banani. Ég fór niður að
Læk með girni á spýtu og kastaði
bananum. Urriðinn tók strax en
ég missti hann en náði honum
skömmu seinna. Þessi fiskur
var ferlega brúnn og líklega
búinn að vera þarna í einhverri
drullu.“
APRÍL verður opnað fyrir veiði í Kleifarvatni. Það er hálfum mánuði fyrr en
venjulega. Urriðaveiðin er oft drjúg í Kleifarvatni á þessum árstíma og er því
viðbúið að margir láti sjá sig þar á bakkanum á sunnudaginn.
15.