Fréttablaðið - 19.04.2012, Síða 2

19. apríl 2012 FIMMTUDAGUR2
lengra
geymsl
uþol
nú með
tappa
Ljúffengar uppskriftir með matreiðslurjóma
er að finna á www.gottimatinn.is
Logi, hendið þið ykkur í djúpu
laugina með breytingunum?
„Það má segja það en við sjáum vel
til botns í þessum framkvæmdum.“
Laugardalslaug opnar í dag eftir þriggja
daga lokun og margra mánaða fram-
kvæmdir við 1. áfanga endurbóta sem
senn lýkur.
DANMÖRK Meira en 900 þúsund
Danir taka ekki þau kólesteróllyf
sem þeir hafa þörf fyrir. Talið er
að það kosti um 30 þúsund manns
lífið á hverjum tíu árum, er
kemur fram í nýrri rannsókn sem
birt verður í dag. Rann sóknin
byggði á gögnum frá Herlev-
spítalanum í Danmörku.
Þar kemur fram að fjöldi Dana
sé í áhættuhóp vegna of mikils
kólesteróls í blóði og um 90
þúsund hjartaáföll megi rekja til
þess á tíu ára tímabili, þar sem
þriðjungur lést. Um 90 prósent
þessara einstaklinga fá ekki
þau kólesteróllækkandi lyf sem
þeir þurfa. Haft er eftir lækni í
skýrslunni að hægt sé að komast
hjá fjölda dauðsfalla í Danmörku
með því að setja fólk á lyf. - sv
Ný rannsókn á kólesteróli:
Danir nota ekki
nauðsynleg lyf
Lokaskammtur úr höfninni
Á þessu vori verður í síðasta sinn
dælt efni úr höfninni á Leirusvæðið
í Hornafirði. Bæjarstjórnin segir
laust efni, sem komið hefur upp úr
höfninni og verið keyrt á staðinn
annars staðar frá, hafa valdið íbúum
verulegum óþægindum. Þegar upp-
dælingu ljúki í vor verði að hefta fok
á lausu efni.
HORNAFJÖRÐUR
Borga laun sumarbúðaskáta
Bæjarráð Árborgar hefur samþykkt
beiðni útilífsmiðstöðvar skáta um að
tveir skátar úr Fossbúum fái að starfa
við sumarbúðir skáta á Úlfljótsvatni í
sumar.
ÁRBORG
DÓMSMÁL Sérstakur saksóknari hefur
gefið út ákæru á hendur athafna-
manninum Aroni Pétri Karlssyni
fyrir fjársvik vegna sölu á stórhýsi
við Skúlagötu til Kínverska alþýðu-
lýðveldisins í janúar 2010. Í húsinu
er nú sendiráð Kínverja hér á landi.
Samkvæmt ákærunni hlunnfór
Aron Pétur Arion banka, Glitni og
Íslandsbanka um 300 milljónir með
sölunni. Bankarnir þrír áttu veðrétt
í húsinu fyrir samtals rúman milljarð
króna.
Eigendur, Aron og faðir hans, Karl
Steingrímsson í Pelsinum, kynntu
bönkunum 575 milljóna króna kauptil-
boð í húsið frá indversku fyrirtæki og
bönkunum leist ágætlega á tilboðið
miðað við ástandið á fasteignamark-
aði þótt það væri langtum lægra
en veðkröfurnar. Því var fall-
ist á að húsið yrði selt og afgangi
skuldanna aflétt.
Í ljós kom hins vegar að húsið var
selt kínverska ríkinu undir sendi-
ráðsbústað og að verðið hafi ekki
verið 575 milljónir heldur 870 milljón-
ir. Kaupin höfðu gengið í gegn áður en
skuldunum var aflétt.
Grunur er um að tilboð Ind verjanna
hafi verið sýndartilboð, lagt fram
til að eigendurnir gætu hagnast um
tæpar 300 milljónir.
Feðgarnir voru yfirheyrðir vegna
málsins á sínum tíma, auk lögmanns-
ins Gísla Gíslasonar, sem var tengilið-
ur við Indverjana, og fasteignasalans
Guðmundar Th. Jónssonar. Grunur
féll á þá tvo síðastnefndu vegna þess
að samtals fengu þeir tæpar 70 millj-
ónir í þóknun vegna aðkomu sinnar
að viðskiptunum. Aron er hins vegar
einn ákærður.
Bankarnir gera samtals um 150
milljóna króna bótakröfu í málinu.
- sh
Aron Pétur Karlsson sagður hafa haft 300 milljónir af þremur bönkum:
Ákærður fyrir sendiráðsfléttu
DÓMSMÁL Fimm meðlimir Vítis-
engla sem ákærðir hafa verið
fyrir líkamsárás og kynferðis-
brot þurfa að víkja úr dómsal á
meðan konan sem hluti þeirra
réðist á ber vitni. Hæstiréttur
staðfesti í gær úrskurð héraðs-
dóms þess efnis.
Samkvæmt vottorði frá sál-
fræðingi konunnar sem fyrir
árásinni varð þjáist hún af alvar-
legri áfallastreituröskun og
þunglyndi vegna árásarinnar.
Þar segir jafnframt að þurfi
hún að gefa skýrslu fyrir dómi
í viðurvist ákærðu í málinu séu
raunverulegar líkur á að hún
muni upplifa ofsakvíðakast. - bj
Óttast ofsakvíða í vitnastúku:
Vítisenglar víki
úr dómsalnum
ARON PÉTUR
KARLSSON
SLYS Engan sakaði þegar tveggja
sæta einkaflugvél með einkenn-
isstafina TF-FUN hlekktist á í
lendingu á Reykjavíkurflugvelli
í gær.
Annað framhjól vélarinnar
brotnaði undan henni í lending-
unni og skemmdist vélin nokkuð
þegar skrúfan, búkurinn og
annar vængurinn drógust eftir
flugbrautinni.
Tveir voru um borð í flugvél-
inni, sem er af gerðinni Amer-
ican Champion 7ECA. Hún var
að lenda á flugbraut sem liggur
í stefnunni frá austri til vesturs
þegar flugmaður hennar virðist
hafa misst stjórn á vélinni. - bj
Hjól brotnaði við lendingu:
Engan sakaði
við brotlend-
ingu flugvélar
HLEKKTIST Á Sjúkrabílar frá Slökkviliði
höfuðborgarsvæðisins voru fljótir á vett-
vang en farþegi og flugmaður vélarinnar
voru ómeiddir. FRÉTTABLAÐIÐ/VALI
SJÁVARÚTVEGSMÁL Ef frumvörp til
laga um breytingar á stjórn fisk-
veiða og veiðigjöldum verða sam-
þykkt er hætt við því að 74 sjávar-
útvegsfyrirtæki í landinu geti ekki
staðið við núverandi skuldbinding-
ar sínar. Þá gæti Landsbankinn
þurft að afskrifa 31 milljarð króna
af bókfærðu virði lána þeirra.
Þetta kemur fram í umsögn
Landsbankans um frumvörpin
sem send var þingnefndum Alþing-
is í gær.
Sérfræðingar Landsbankans
skoðuðu 124 sjávarútvegsfyrir-
tæki sem ráða yfir 90% af afla-
heimildum hér við land. Af þeim
er talið að 74 þeirra, eða 60%, geti
ekki staðið við núverandi skuld-
bindingar sínar.
Í tilkynningu frá Landsbank-
anum er lýst yfir miklum áhyggj-
um af afleiðingum frumvarp-
anna tveggja sem nú liggja fyrir
Alþingi.
Að mati Landsbankans hefði
samþykkt þeirra mikil áhrif
á útgerð í öllum landshlutum.
Áhrifin yrðu sérstaklega alvarleg
á Reykjanesi, Vesturlandi, Vest-
fjörðum og á höfuðborgarsvæð-
inu. Ef horft er til einstakra flokka
sjávarútvegsfyrirtækja yrðu
áhrifin alvarlegust á bolfiskútgerð
og því næst bolfiskútgerð/vinnslu,
að því er segir í tilkynningu.
Um fjögur þúsund störf eru hjá
sjávarútvegsfyrirtækjunum 74.
Það er mat Landsbankans að
fjölmargar greinar frumvarpsins
um veiðigjöld muni hafa óæskileg-
ar afleiðingar fyrir sjávarútveg og
efnahagslíf hér á landi og þar með
stöðu bankans. Þessi atriði valdi
því að rekstrarumhverfi sjávarút-
vegs verði óstöðugra en nú er, rek-
starforsendur veikist og fjármögn-
un verði erfiðari. - kh
Landsbankinn lýsir yfir miklum áhyggjum af afleiðingum frumvarpa um stjórn fiskveiða og veiðigjalda:
60% gætu ekki staðið við skuldbindingar
LANDSBANKINN Ef frumvarp um veiði-
gjald verður samþykkt er áætlað að
eiginfjárhlutfall bankans myndi lækka úr
21,4% í 19%. FRÉTTABLAÐIÐ/RÓSA
FÓLK Tvíburasystkinin Halldór
Sörli og Júlía Sif Ólafsbörn voru
fermd síðastliðinn sunnudag, en
það sem vekur athygli er að þau
höfðu hvort sinn háttinn á. Júlía
fermdist í Háteigskirkju um
morguninn, en Halldór í borgara-
legri vígslu í Háskólabíói eftir
hádegi.
„Ég hafði alltaf hugsað mér að
fermast í kirkju,“ segir Halldór.
„Svo fór ég að hugsa betur út í
þetta og leist vel á borgaralegu
ferminguna.“
Aðspurð hvort henni hafi þótt
skrítið að hafa bróður sinn ekki
við hlið sér segir Júlía að svo hafi
ekki verið.
„Þetta var kannski svolítið
skrýtin tilhugsun fyrst, því að
ég hélt alltaf að Halldór myndi
fermast í kirkju með mér. En það
var svo ekkert mál.“
Þau segja að móðir þeirra hafi
alls ekki sett fyrir sig að hafa
tvær vígslur sama daginn og hún
hafi virt þeirra val. Þá hafi vinum
þeirra ekki þótt skrýtið að þau
færu hvort sína eigin leið.
„Nei. Þau þekkja okkur vel og
vita að við tökum hvort okkar
ákvarðanir,“ segir Júlía. „Þótt
að við séum tvíburar,“ botnar
Halldór. Aðspurð hvort þau séu
almennt samrýnd systkin svara
þau í kór: „Já!“
Umræða spannst nýlega út frá
páskapredikun biskups Íslands
þar sem hann sagði börn sem
hygðu á kirkjulega fermingu
sættu oft andróðri frá umhverfi
sínu. Á móti var því haldið fram
að þvert á móti þyrftu ungmenni
frekar að standa gegn straumnum
til að fermast borgaralega.
Júlía og Halldór segja ekkert
slíkt hafa verið að velkjast fyrir
þeim og ákvarðanir þeirra hafi
hreint ekki verið erfiðar.
„Þetta snýst einfaldlega um það
að ég trúi á guð en hann ekki,“
segir Júlía og Halldór tekur undir.
„Mér fannst þetta mjög auðveld
og eðlileg ákvörðun.“
Nokkuð algengt er að krakk-
ar fermist í borgaralegri vígslu,
þar á meðal nokkrir í kunningja-
hópi Halldórs. En tengist þessi
ákvörðum þá vinahópum?
„Maður vill auðvitað gjarnan
fermast með vinum sínum,“ segir
Júlía. „En þó að allar mínar vin-
konur myndu fermast borgaralega
myndi ég samt fermast í kirkju.“
Aðspurður sagði Halldór að það
hafi ekki hvarflað að honum að
sleppa því alfarið að fermast.
„Ég lít á þetta sem ákveðinn
áfanga í lífinu og mig langaði til
að halda upp á hann og borgara-
lega fermingin höfðaði betur til
mín.“
Systkinin sameinuðust svo í
veislunni sem haldin var síðar um
daginn. Þar léku þau meðal annars
tvö lög fyrir gestina, Halldór á
saxófón og Júlía á þverflautu.
Þau svara hlæjandi að enginn
munur hafi verið á fermingar-
gjöfunum þrátt fyrir að Halldór
hafi farið óhefðbundnari leið. Þar
hafi samræmis verið gætt í hví-
vetna. thorgils@frettabladid.is
Tvíburar fóru ólíkar
leiðir við ferminguna
Júlía Sif Ólafsdóttir og Halldór tvíburabróðir hennar fermdust hvort í sínu lagi
á sunnudaginn. Hún í Háteigskirkju en hann í borgaralegri fermingu í Háskóla-
bíói. Segja hvoruga ákvörðunina hafa verið erfiða. Snýst um að trúa eða ekki.
SAMRÝND Þau Halldór Sörli og Júlía Sif eru tvíburar en fermdust hvort í sínu lagi.
Hann í borgaralegri fermingu en hún í kirkju. FRÉTTABLAÐIÐ/STEFÁN
SPURNING DAGSINS
Þetta snýst einfald-
lega um það að ég
trúi á guð en hann ekki
JÚLÍA SIF ÓLAFSDÓTTIR