Fréttablaðið - 05.05.2012, Side 38

5. maí 2012 LAUGARDAGUR38
FRAMHALD AF SÍÐU 36
Gunnar er fullur af kvíða og óöryggi í Njálu. Hann veit ekkert í hvora löpp-
ina hann á að stíga og tekur oft kolrangar ákvarðanir. Í nútímanum hefði
Gunnar verið sjálfmiðaður, óöruggur „metromaður“ sem veit ekki hvort
hann er gay eða ekki eða hvað hann á að taka sér fyrir hendur. Hann hefði
notið góðs af fornri frægð sinni í íþróttum og stundað vafasöm viðskipti
með bíla og fasteignir.
GUNNAR Á HLÍÐARENDA
Gísli var laghentur, siðblindur
skáldmæltur kappi í sögunum.
Hann hefði í nútímanum verið
byggingaverktaki sem hefði
stöðugt átt í útistöðum við
opinber yfirvöld og suma við-
skiptavini sína.
GÍSLI SÚRSSON
GRETTIR ÁSMUNDSSON
Grettir er ógæfan holdi klædd í Grettissögu vegna
ýmissa persónuleikabresta. Hann er bæði siðblindur og
auk þess með geðklofalíka persónuleikaröskun. Hann
hefði í nútímanum lent í langvinnum útistöðum við
lög og rétt, setið í fangelsum og dvalist á geðdeildum.
Grettir hefði verið kominn á örorku um þrítugt og
stundað smáglæpi og handrukkun til að drýgja
tekjurnar.
Egill er maður mikilla andstæðna. Hann er snillingur orðsins og ágætt
skáld en hann hefur margvíslega skavanka á sálinni sem gera honum
erfitt fyrir. Hann er drykkfelldur og siðblindur með geðhvarfasýki og
vílar ekkert fyrir sér. Auk þess er hann blóðnískur og hégómlegur.
Egill hefði getað lent á glæpabrautinni en sennilega hefði hann notið
góðs af ágætum gáfum sínum og orðið viðurkennt skáld og jafnvel
þegið Nóbelsverðlaunin. Hann hefði sennilega orðið bændahöfð-
ingi og þingmaður en stundað grimma eiginhagsmunagæslu á okkar
tímum eins og hann gerir í Egilssögu.
EGILL SKALLAGRÍMSSON
Þormóður er glaðbeittur og samviskudaufur kvenna-
maður í Fóstbræðrasögu og eflaust hefði hann leikið
sama hlutverk í nútímanum. Þormóður hefði átt
margar kærustur og líf hans hefðu verið varðað sam-
býliskonum, ástkonum, skilnuðum, barnsmeðlögum,
afbrýðisemi og alls konar vandamálum tengdum
konum. En hann er einn þeirra sem kemur alltaf stand-
andi niður og fer fullur bjartsýni á vit nýrra ævintýra og
inn í enn eina sambúðina.
ÞORMÓÐUR KOLBRÚNARSKÁLD
Þorgeir, fóstbróðir Þormóðs, hefði á hinn bóginn lent
snemma í útistöðum við lög og rétt og samfélagið
og setið inni á mörgum stofnunum vegna einhverra
smáglæpa og geðrænna vandamála. Hann hefði
snemma farið á örorku vegna stoðkerfisvandamála og
þunglyndis en drýgt tekjurnar með því að vinna svart
sem dyravörður og handrukkari.
ÞORGEIR HÁVARSSON