Fréttablaðið - 05.05.2012, Qupperneq 92

5. maí 2012 LAUGARDAGUR56 56
menning@frettabladid.is
Innritun nýnema fyrir næsta skólaár
2012-2013 stendur yfir hjá Tónlistar-
skóla FÍH til 7. maí n.k.
Sótt er um skólavist á heimasíðu
skólans www.tonlistarskolifih.is og á
rvk.is (Rafræn Reykjavík)
Allir nýnemar þreyta inntökupróf í
skólann. Umsækjendur fá bréf um
miðjan maí um tíma fyrir inntökupróf
en þau fara fram dagana 4-6 júní n.k.
Umsækjendur fá svar um skólavist í
lok júní.

Tónlistarskóli FÍH er framsækinn skóli
með vel menntaða úrvalskennara sem
eru virkir þátttakendur í íslensku tón-
listarlífi. Skólinn hefur mikla sérstöðu
meðal tónlistarskóla landsins þar sem
kennd er hefðbundin tónlist (sígild
tónlist) og rythmiskri tónlist ( djass,
popp, rokk,)
Tónlistarskóli FÍH býður nemendum
sínum gott námsumhverfi og fjölbreytt
námsframboð og um leið gerir skólinn
kröfur til nemenda hvað varðar
ástundun og námsframvindu.
Ef þú vilt verða góður tónlistarmaður
er Tónlistarskóli FÍH rétti skólinn
fyrir þig.
Tónlistarskóli FÍH
auglýsir eftir umsóknum um skólavist fyrir skólaárið 2012-2013
Hreinn Friðfinnsson - Í bili
Í dag fjallar Gunnar J. Árnason listheimspekingur um myndlistar-
manninn Hrein Friðfinnsson og verk hans í ráðstefnusal Arion
banka. Fyrirlesturinn hefst kl. 13:30 og ber yfirskriftina Í bili.
Jafnframt opnar sýning á verkum Hreins á sama tíma í Arion banka,
Borgartúni 19.
Allir velkomnir
Yfir 75 stutt- og heimild-
armyndir verða sýndar á
Reykjavík Shorts & Docs
hátíðinni, sem haldin er í
tíunda sinn í ár og hefur
aldrei verið viðameiri.
Stutt- og heimildarmyndahátíðin
Reykjavík Shorts & Docs stend-
ur dagana 6. til 9. maí. Þetta er í
tíunda skipti sem hátíðin er hald-
in og hefur dagskráin aldrei verið
umfangsmeiri, að sögn Brynju
Daggar Friðriksdóttur, kynning-
arfulltrúa hátíðarinnar.
„Við bjóðum upp á rúmlega 75
myndir sem eru framleiddar í yfir
20 löndum, svo myndirnar koma
víða að.“
Dagskránni er skipt í fjóra
flokka; Íslenskar myndir, Pólskar
myndir, Konur í kvikmyndum og
Nýliðar.
„Í íslenska flokknum eru mynd-
ir sem eru gerðar á Íslandi eða
leikstýrt af Íslendingi og marg-
ar þeirra verða heimsfrumsýnd-
ar á hátíðinni. Pólsku myndirnar
eru sýndar í samvinu við pólsku
ræðisskrifstofuna á Íslandi og
Short Waves kvikmyndahátíðina
í Póllandi. Í kvennaflokknum eru
myndir sem eiga það sameiginlegt
að fjalla um konur og/eða er leik-
stýrt af konum, en þessi flokkur
nýtur góðs stuðnings bandaríska
dreifingarfyrirtækisins Women
Make Movies, landsnefnd UN-
Women á Íslandi, Stígamótum og
W.O.M.E.N, samtökum kvenna af
erlendum uppruna á Íslandi.“
Í nýliðaflokki eru svo sýndar
myndir sem eru annað hvort frum-
raun eða önnur mynd leikstjórans
en sérstök verðlaun verða veitt í
þessum flokki 9. maí.“
Þá er von á um 20 erlendum
gestum á hátíðina; leikstjórum,
dagskrárstjórum, dreifingaraðil-
um og framleiðendum.
Brynja segir tímasetningu hátíð-
arinnar í ár sérlega heppilega til
að laða að góða gesti úr bransan-
um.
„Heimildarmyndahátíðin Hot
Docs í Kanada er nýafstaðin og
svo er auðvitað kvikmyndahátíðin
í Cannes í maí, sem gerir að verk-
um að við erum mjög álitlegt stopp
fyrir fólk úr kvikmyndageiranum
sem er á leið þarna á milli. Ég ætla
að leyfa mér að fullyrða að hátíð-
in sé komin á plan sem hún hefur
ekki verið á áður og stefnan er að
halda henni þar áfram, enda hefur
mikill tími og orka farið í undir-
búninginn.“
Nálgast má upplýsingar um dag-
skrána á heimasíðu hátíðarinnar:
shortsdocsfest.com og á Facebook-
síðu hennar.
bergsteinn@frettabladid.is
Heimildarmyndahá-
tíðin Hot Docs í
Kanada er nýafstaðin og svo
er auðvitað kvikmyndahátíðin
í Cannes í maí, sem gerir að
verkum að við erum mjög
álitlegt stopp fyrir fólk úr
kvikmyndageiranum sem er
á leið þarna á milli.
BRYNJA DÖGG FRIÐRIKSDÓTTIR
KYNNINGARFULLTRÚI SHORTS & DOCS
SHORTS & DOCS
ALDREI VEGLEGRI
BRYNJA DÖGG FRIÐRIKSDÓTTIR Dagskránni á hátíðinni er skipt í fjóra meginflokka:
Íslenskar myndir, konur í kvikmyndum, pólskar myndir og nýliða. FRÉTTABLAÐIÐ/ERNIR
NÁND – CLOSE Sýningin NÁND/CLOSE verður opnuð í Menningarverkefninu Hlöðunni í Vogum í dag,
laugardaginn 5. maí, klukkan 16. Sýningin er samstarfsverkefni systranna Gunnhildar og Brynhildar Þórðardætra og
er innblásin af súrrealískum heimi þeirra þar sem gínur geta breyst í húsgögn (gínugögn), loðnir bollar innihalda ljóð
(loðbolli) og föt verða að listaverkum. Sýningin stendur yfir til 20. maí.