Fréttablaðið - 21.06.2012, Page 18

18 21. júní 2012 FIMMTUDAGUR
E
inhverra hluta vegna finnst mörgum liðsmönnum og
stuðningsmönnum ríkisstjórnarinnar að hún hafi beðið
ósigur vegna þeirrar málamiðlunar sem gerð var við
stjórnarandstöðuna um afgreiðslu frumvarpanna um
stjórn fiskveiða. Frumvarpið um veiðigjald var sam-
þykkt, þó með talsvert lægra gjaldi en upphaflega var lagt upp
með, en frumvarpið um ýmsar breytingar á sjálfu fiskveiðistjórn-
unarkerfinu var lagt til hliðar.
Nú gæti verið ástæða til
að staldra við og líta um öxl,
kannski svona eins og tuttugu ár
aftur í tímann. Þá voru harðar
deilur um fiskveiðistjórnunar-
kerfið og margir búnir að átta
sig á því óréttlæti sem fólst í því
að afhenda tiltölulega litlum hópi
fólks afnotarétt yfir fiskveiðiauðlindinni án nokkurs endurgjalds.
Þá hefðu margir þurft að láta segja sér það þrem sinnum (eins
og Njáll forðum) að árið 2012 yrði þverpólitísk samstaða um að
fiskveiðiauðlindin væri sameign þjóðarinnar, að kvótinn væri
aðeins afnotaréttur og að innheimta ætti auðlindagjald fyrir þau
afnot. Landssamband íslenzkra útvegsmanna væri meira að segja
búið að fallast á þessar grundvallarkröfur, en að ágreiningurinn
væri fyrst og fremst um upphæð gjaldsins. Þetta hefðu þeir, sem
þá voru að byrja að berjast fyrir veiðileyfagjaldi, talið stórsigur.
Þeir hefðu sennilega ekki einu sinni leyft sér að láta sig dreyma
um að veiðileyfagjaldið myndi árið 2017 skila í ríkissjóð upphæð,
sem gæti dugað fyrir rekstri allra framhaldsskóla í landinu.
Þegar málinu er stillt upp með þessum hætti, verður ekki
annað séð en að þeir, sem vildu leiðrétta ranglætið í fiskveiði-
stjórnunarkerfinu og koma á veiðileyfagjaldi, hafi unnið stór-
sigur. Hin stóru mistök ríkisstjórnarinnar voru að fara af stað
með alltof öfgafullar kröfur; hugmyndir um alltof hátt veiðigjald
og alls konar misráðnar breytingar á fiskveiðistjórnuninni, sem
hefðu dregið úr hagkvæmni sjávarútvegsins og komið niður á
getu hans til að borga veiðigjald. Niðurstaðan á Alþingi er þess
vegna líka umtalsverður sigur þeirra sem hafa barizt gegn þeim
vitlausu hugmyndum.
Veiðigjaldið er að líkindum of hátt, þrátt fyrir málamiðlunina.
Engin úttekt var gerð áður en Alþingi samþykkti frumvarpið á
því hvað það myndi þýða fyrir einstakar útgerðir. Slík úttekt
þarf að fara fram og hún gefur sennilega tilefni til að endur-
skoða löggjöfina að ári. Það er engum í hag að kyrkja gullgæs-
ina, sem stendur undir svo mikilli verðmætasköpun í landinu.
Frumvarpið um aðrar breytingar á fiskveiðistjórnuninni á
aldrei að koma aftur inn í þingið. Hugmyndirnar sem rötuðu
inn í það frumvarp, um pólitískar kvótaúthlutanir, tak markanir
á framsali og fleira, eru aðallega sprottnar af þröngum byggða-
hagsmunum og myndu skerða almannahag ef þær yrðu að lögum.
Þetta þrennt; samstaða um þjóðareign og afnotarétt, veiðigjald
sem er lagað að greiðslugetu útgerðarinnar og fiskveiðistjórn-
unarkerfi, sem áfram byggist á því að láta frjálsan markað búa
til handa okkur sem mesta hagkvæmni og verðmæti, getur verið
grunnurinn að þeirri margumtöluðu sátt um sjávarútveginn sem
lengi hefur verið leitað að.
FRÉTTABLAÐIÐ Skaftahlíð 24, 105 Reykjavík SÍMI: 512 5000, ritstjorn@frettabladid.is FRÉTTASTJÓRAR: Arndís Þorgeirsdóttir arndis@frettabladid.is, Kristján Hjálmarsson, kristjan@frettabladid.is Trausti Hafliðason trausti@frettabladid.is og Atli Fannar Bjarkason (dægurmál) atlifannar@frettabladid.is
HELGAREFNI: Sigríður Björg Tómasdóttir, ritstjórnarfulltrúi, sigridur@frettabladid.is MENNING: Bergsteinn Sigurðsson bergsteinn@frettabladid.is FÓLK OG SÉRBLÖÐ: Elín Albertsdóttir elin@365.is og Vera Einarsdóttir vera@365.is
ÍÞRÓTTIR: Sigurður Elvar Þórólfsson seth@frettabladid.is LJÓSMYNDIR: Pjetur Sigurðsson pjetur@frettabladid.is FRAMLEIÐSLUSTJÓRI: Kolbrún Ingibergsdóttir kolbrun@frettabladid.is
ÚTGÁFUFÉLAG: 365 miðlar ehf. STJÓRNARFORMAÐUR: Ingibjörg S. Pálmadóttir FORSTJÓRI OG ÚTGÁFUSTJÓRI: Ari Edwald
RITSTJÓRI: Ólafur Þ. Stephensen olafur@frettabladid.is AÐSTOÐARRITSTJÓRI: Steinunn Stefánsdóttir steinunn@frettabladid.is
Fréttablaðið kemur út í 90.000 eintökum og er dreift ókeypis á heimili á höfuðborgarsvæðinu og Akureyri. Einnig er hægt að
fá blaðið í völdum verslunum á landsbyggðinni. Fréttablaðið áskilur sér rétt til að birta allt efni blaðsins í stafrænu formi og í
gagnabönkum án endurgjalds. Issn 1670-3871
greinar@frettabladid.is
Ólafur Þ.
Stephensen
olafur@frettabladid.is
SKOÐUN
FRÁ DEGI TIL DAGS
HALLDÓR
Á miðnætti í lok þjóðhátíðardagsins sló ég fyrsta höggið í maraþon-golfleik
sem Kiwanishreyfingin efnir til hring-
inn um landið til að afla fjár til góðra
málefna.
Ég mætti til leiks – ekki sem sérstak-
lega glæsilegur fulltrúi golf íþróttarinnar
– enda tókst höggið ekki vel – heldur sem
fulltrúi samfélagsins. Átakið þarf ein-
mitt á velvilja okkar allra að halda ef það
á að skila árangri í fjársöfnuninni.
Ekki er það svo að ég vilji halda út á
þá braut að fjármagna velferðarkerfi
okkar með söfnunum, fjarri því. Hins
vegar hafa safnanir tvíþætt gildi.
Í fyrsta lagi þá getur viðbótarfjár-
magn sem safnað er í samfélaginu skipt
sköpum fyrir þá starfsemi sem nýtur
góðs af, hvort takist að kaupa tiltekið
tæki sem ella hefði ekki verið keypt eða
aðstaða bætt sem ella hefði ekki orðið. Í
öðru lagi er samfélagslegt átak til góðra
verka ætíð félagslega styrkjandi. Ég
fékk rækilega að kynnast því á sínum
tíma þegar ég gegndi stöðu heilbrigðis-
ráðherra og ferðaðist um landið, hve
víða velferðarstofnanir eiga trausta bak-
hjarla í héraði sem stóðu vaktina fyrir
þær öllum stundum. Þessum samfélags-
lega stuðningi og ræktarsemi á að sýna
virðingu. Hann treystir innviði sam-
félagsins.
Kiwanismenn ætla sér með þessu
söfnunarátaki að styrkja annars vegar
alþjóðlegt átak Kiwanis International
og Barnahjálpar Sameinuðu þjóðanna
til að stöðva stífkrampa. Stífkrampi er
óþekktur á Vesturlöndum en landlægur í
34 fátækustu ríkjum heims. Hins vegar
á að styrkja viðurkennd sambýli í bæjar-
félögum hér þar sem Kiwanisklúbbar
starfa en margar óskir um aðstoð við
slík sambýli hafa borist Kiwanishreyf-
ingunni.
Ég leyfi mér að hvetja alla til að sýna
þessu frábæra framtaki athygli og vel-
vilja. Tilgangurinn er góður. Og bara
góður.
Virðingarvert framtak Kiwanis
Samfélags-
mál
Ögmundur
Jónasson
innanríkisráðherra
Ég leyfi mér að hvetja
alla til að sýna þessu
frábæra framtaki athygli og vel-
vilja. Tilgangurinn er góður.
Hvað þýðir niðurstaðan í sjávarútvegsmálunum?
Sigrar og sættir
Einstaklega óheppilegt
Héraðsdómur Reykjavíkur hefur
nú kveðið upp úr um að Jóhanna
Sigurðardóttir forsætisráðherra hafi
brotið jafnréttislög. Kona sem sótti
um skrifstofustjórastarf hjá forsætis-
ráðuneytinu var, að mati dómsins,
jafnhæf og maður sem var ráðinn.
Þetta hafði kærunefnd jafnréttismála
áður úr skurðað, en ráðuneytið
brást við með yfirlýsingu um
málið sem héraðsdómur
hefur nú staðfest að sé þess
eðlis að greiða þurfi Önnu
miskabætur vegna hennar.
Það er einstaklega óheppi-
legt, svo ekki sé meira
sagt, að forsætisráðherra
sé í slíkri stöðu og ekki óeðlilegt að
spurningar um ábyrgð ráðherra vakni.
Ekki bindandi úrskurðir
Jóhanna hefur verið ötull talsmaður
jafnréttismála allan sinn stjórnmálaferil.
Í því skyni hefur hún, eins og Bjarni
Benediktsson formaður Sjálfstæðis-
flokksins hefur bent á, ámálgað það
að úrskurðir kærunefndar skuli vera
bindandi. Hvernig það fer heim og
saman við viðbrögð ráðuneytis
Jóhönnu er vandséð, en þau brutu
enn frekar á konunni sem
ekki fékk starfið.
Skýrslan gleymd
Björgólfur Thor Björgólfsson skrifaði
í gær pistil um að sorglegt væri að
Alþingi hefði ekki samþykkt rannsókn
á einkavæðingu bankanna. Það má
taka heilshugar undir það. Rannsóknar-
skýrsla Alþingis kemur sérstaklega inn
á þennan þátt og veltir upp ýmsum
spurningum. Það eitt hefði átt að duga
þingmönnum til að setja af stað rann-
sókn. Það var ekki gert, hverju sem um
er að kenna. Raunar virðist eins og
rannsóknarskýrslan sé flestum gleymd
í dag, plagg sem hampað var
sem bjarghring sökkvandi
þjóðar.
kolbeinn@frettabladid.is