Fréttablaðið - 10.08.2012, Page 10

10. ágúst 2012 FÖSTUDAGUR10
MYNDASYRPA: Frægir á Ólympíuleikunum
Ólympíuleikarnir í London hafa verið afar vel sóttir af íbúum borg-
arinnar og íþróttaáhangendum alls staðar að úr heiminum. Valgarð-
ur Gíslason ljósmyndari hefur fylgst með mannlífinu á leikunum og
rekist á ýmis kunnugleg andlit.
Allir hafa áhuga á
Ólympíuleikunum
VINKAÐ TIL FJÖLDANS Bandaríski Óskarsverðlaunahafinn Kevin Spacey er þekktastur fyrir leik sinn í
kvikmyndum en færri vita að hann er listrænn stjórnandi-Old Vic leikhússins í London þar sem hann
er því með annan fótinn. Spacey sótti meðal annars setningarathöfn Ólympíuleikanna.
FASTAGESTUR Bill Gates, stofnandi Microsoft og fyrrum ríkasti maður heims, gerði sér ferð til London til að
fylgjast með Ólympíuleikunum en þetta eru þriðju sumarleikarnir í röð sem hann heimsækir.
HINU BRESKA FAGNAÐ Breska Óskarsverðlaunaleikkonan Helen Mirren hefur sótt fjölda viðburða á Ólympíuleikunum síðustu daga. Mirren er einnig eins konar þátttakandi í leikunum því hún kemur fyrir í myndbandi
sem sýnt er á sumum keppnisstöðum þar sem hópur þekktra Breta biður áhorfendur vinsamlegast um að hafa hljóð á leikrænan hátt.
HEPPIN STÚLKA Hjartaknúsarinn Ryan Seacrest sem stjórnar þáttunum vinsælu American Idol í Bandaríkjunum hefur
flutt fréttir af Ólympíuleikunum fyrir NBC-sjónvarpsstöðina. Hann hefur heima fyrir verið gagnrýndur fyrir litla þekkingu
á viðfangsefninu.