Fréttablaðið - 12.09.2012, Page 23

Kynningarblað Námskeið, verkfæri, netverslun,
handverk, heimilisiðnaður og þjóðararfur.
HANDAVINNA
MIÐVIKUDAGUR 12. SEPTEMBER 2012
& FÖNDUR
Meginhlutverk íslenska Heimilisiðnaðar-félagsins er að vernda, auka og efla þjóðlegan íslenskan heimilisiðnað.
„Þetta gerum við að miklu leyti með því að reka
skóla þar sem haldin eru námskeið í handverki.
Auk þess gefum við út blað einu sinni á ári og
rekum verslun sem selur efni til þjóðbúninga-
gerðar, íhluti í vefstóla, ýmislegt til tóvinnu og
fleira tengt íslensku handverki og menningar-
arfi,“ segir Sólveig Theódórsdóttir, formaður
félagsins.
Heimilisiðnaðarfélagið hefur unnið eftir
Unesco-samningnum um verndun þjóðararfs
sem undirritaður var árið 2005. „Okkar hlutverk
er að standa vörð um gamalt íslenskt handverk.
Við gáfum til dæmis út bókina Íslensk sjóna-
bók með mynsturhandritum frá 17. og 18. öld.
Mynstrin voru teiknuð að nýju af nemendum
Listaháskólans og er elsta handritið eftir Ragn-
heiði Jónsdóttur, biskupsfrú á Hólum.“
Á döfinni er svo fjöldi áhugaverðra námskeiða
fyrir alla aldurshópa. „Nú eru að fara af stað
námskeið í tálgun fyrir börn sem er mjög spenn-
andi en við höldum reglulega námskeið fyrir
börn í ýmsum handverksgreinum. Svo mætti
líka nefna þjóðbúninganámskeið, barnabún-
inganámskeið, námskeið í orkeringu auk fleiri
námskeiða.“
Á heimasíðu félagsins www.heimilisidnadur.
is er hægt að fylgjast með námskeiðsúrvali þess
ásamt nánari upplýsingum um kostnað, skrán-
ingu auk ýmis fróðleiks um félagið.
Stendur vörð um
íslenskt handverk
Heimilisiðnaðarfélagið var stofnað árið 1913 í þeim tilgangi að
varðveita íslenska gripi og menningarverðmæti frá þúsund ára
tilveru íslenskrar þjóðar í landinu. Félagið býður upp á fjölda
námskeiða í gerð íslensks handverks fyrir alla aldurshópa.
Sólveig Theodórsdóttir, formaður Heimilisiðnaðarfélagsins. MYND/ANTON